രമ്യ ഹരിദാസ് എംഎൽഎയും പ്രാദേശിക കോൺഗ്രസ് നേതാക്കളും തമ്മിലുണ്ടായ കയ്യാങ്കളിയിൽ പാർട്ടി നിയോഗിച്ച അന്വേഷണ കമ്മീഷൻ ഇന്ന് സിറ്റിംഗ് നടത്തും

 ചിറയിൻകീഴിൽ രമ്യ ഹരിദാസ് എംഎൽഎയും പ്രാദേശിക കോൺഗ്രസ് നേതാക്കളും തമ്മിലുണ്ടായ കയ്യാങ്കളിയിൽ പാർട്ടി നിയോഗിച്ച അന്വേഷണ കമ്മീഷൻ ഇന്ന് സിറ്റിംഗ് നടത്തും. 

എം.എം. ഹസ്സൻ അധ്യക്ഷനായ അന്വേഷണ സമിതി യോഗം ചേർന്ന് സംഭവത്തിൽ ഉൾപ്പെട്ട നേതാക്കളിൽ നിന്നും പ്രവർത്തകരിൽ നിന്നും നേരിട്ട് മൊഴിയെടുക്കും. അന്വേഷണ റിപ്പോർട്ട് ഇന്ന് തന്നെ കെപിസിസിക്ക് സമർപ്പിക്കുമെന്നാണ് സൂചന. 

 സംഭവത്തിൽ ഉത്തരവാദികളെന്ന് കണ്ടെത്തുന്നവർക്കെതിരെ കർശന സംഘടനാ നടപടി സ്വീകരിക്കാനാണ് കോൺഗ്രസ് നേതൃത്വം ആലോചിക്കുന്നത്. കേസുമായി ബന്ധപ്പെട്ട് ഉയർന്ന വിവിധ ആരോപണങ്ങളും സമിതി പരിശോധിക്കും. 

പാളയം പ്രദീപിനെതിരെയാണ് പ്രധാനമായും ആരോപണങ്ങൾ ഉയർന്നിരിക്കുന്നത്. എംഎൽഎയുടെ ഭരണപരമായ കാര്യങ്ങളിൽ അനാവശ്യമായി ഇടപെടുന്നുവെന്നാരോപിച്ച് പ്രദീപിനെതിരെ പാർട്ടിക്കുള്ളിൽ നേരത്തെ തന്നെ പരാതികൾ ഉയർന്നിരുന്നു. ഇതിന് പുറമെ, രമ്യ ഹരിദാസ് നൽകിയ പരാതിയും അന്വേഷണ സമിതി വിശദമായി പരിശോധിക്കും.  ഇരുപക്ഷത്തിൻ്റെയും മൊഴികളും ലഭ്യമായ മറ്റ് വിവരങ്ങളും പരിശോധിച്ച ശേഷമായിരിക്കും സമിതി അന്തിമ നിഗമനത്തിലെത്തുക. റിപ്പോർട്ടിന്റെ അടിസ്ഥാനത്തിൽ കയ്യാങ്കളിക്ക് ഉത്തരവാദികളായവർക്കെതിരെ ഉടൻ സംഘടനാതല നടപടി സ്വീകരിക്കാനാണ് നേതൃത്വത്തിന്റെ നീക്കം. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34