കേരളത്തിൻ്റെ പരമ്പരാഗത ആയുർവേദ ആരോഗ്യ സംരക്ഷണ മാര്‍ഗമാണ് മഴക്കാലത്തെ കര്‍ക്കിടക ചികിത്സയെന്ന് ഡോക്ടർ ശിൽപ്പ വി.വി........ കർക്കിടക ചികിത്സയെപ്പറ്റി ഡോ ശിൽപ്പ എഴുതുന്നു..... ഡോ ശിൽപ്പയുടെ ഫോൺ

കേരളത്തിൻ്റെ പരമ്പരാഗത ആയുർവേദ ആരോഗ്യ സംരക്ഷണ മാര്‍ഗമാണ് മഴക്കാലത്തെ കര്‍ക്കിടക ചികിത്സയെന്ന് ഡോക്ടർ ശിൽപ്പ വി.വി........ കർക്കിടക ചികിത്സയെപ്പറ്റി ഡോ ശിൽപ്പ എഴുതുന്നു..... ഡോ ശിൽപ്പയുടെ ഫോൺ - 9447031465

വാതം, പിത്തം, കഫം എന്നീ ത്രിദോഷങ്ങളുടെയും രസാദി സപ്ത ധാതുക്കളുടെയും അഗ്നിയുടെയും, ത്രിമലങ്ങളുടെയും സന്തുലനാവസ്ഥയും, മനസ്സിന്റെയും, ഇന്ദ്രിയങ്ങളുടെയും ശരിയായ പ്രവർത്തനവും ആണ് ആരോഗ്യത്തിൻ്റെ അടിസ്ഥാന ശിലകളായി ആയുര്‍വേദം കണക്കാക്കുന്നത്. ഇതിന് ഭംഗം നേരിടുമ്പോള്‍ ശരീരത്തെ രോഗങ്ങള്‍ കീഴ്പ്പെടുത്തും. വേനല്‍ക്കാലം, മഴക്കാലം, മഞ്ഞുകാലം തുടങ്ങിയ ഋതുഭേദങ്ങളില്‍ വരുന്ന മാറ്റങ്ങളും ഇതിന് ഒരു കാരണമാണ്. വേനലില്‍ നിന്ന് മഴയിലേക്ക് മാറുന്നതോടെ, ശരീരത്തിന്റെ ദഹന വ്യവസ്ഥയിൽ മാറ്റം ഉണ്ടാകുന്നതുവഴി നഷ്ട്ടപ്പെടുന്ന പ്രതിരോധശേഷിയും ശരീര ബലവും കർക്കിടക ചികിത്സയിലുടെ വീണ്ടെടുക്കാന്‍ സാധിക്കും.

മഴക്കാലത്ത് ശരീരത്തെയും മനസ്സിനെയും പുനരുജ്ജീവിപ്പിക്കാൻ പ്രത്യേകം രൂപകൽപ്പന ചെയ്‌തിരിക്കുന്ന

കർക്കിടക ചികിത്സയുടെ ഗുണങ്ങൾ

1. ശരീരത്തെ പുനരുജ്ജീവിപ്പിക്കുന്നു: കർക്കിടക ചികിത്സ ശരീരത്തിൽ നിന്ന് അധികം ആയിട്ടുള്ള ദോഷങ്ങളെ നീക്കം ചെയ്യാനും കോശങ്ങളെയും കലകളെയും പരിപോഷിപ്പിക്കുവാനും അതുവഴി ശരീരത്തെ പുനരുജ്ജീവിപ്പിക്കാനും സഹായിക്കുന്നു.

2. പ്രതിരോധശേഷി വർദ്ധിപ്പിക്കുന്നു: ചികിത്സ രോഗപ്രതിരോധ സംവിധാനത്തെ ശക്തിപ്പെടുതുകയും, രോഗങ്ങൾ വരാതെ സംരക്ഷിക്കുകയും ശരീരം രോഗമുക്തം ആക്കുകയും ചെയ്യുന്നു.

3. മാനസിക സമ്മർദ്ദം കുറയ്ക്കുന്നു: സമ്മർദ്ദവും ഉത്കണ്ഠയും കുറയ്ക്കാൻ ശിരോ അഭ്യംഗം, പാദാഭ്യംഗം, തളം, ശിരോവസ്തി, തുടങ്ങിയ ചികിത്സകൾ സഹായിക്കുന്നു.

4. ദഹനം മെച്ചപ്പെടുത്തുന്നു: ദഹനം മെച്ചപ്പെടുത്താനും പോഷകങ്ങളുടെ ആഗിരണം മെച്ചപ്പെടുത്താനും സഹായിക്കുന്ന ഭക്ഷണക്രമത്തിലെ മാറ്റങ്ങളും ഔഷധ പരിഹാരങ്ങളും ചികിത്സയിൽ ഉൾപ്പെടുന്നു

5. ശരീര വേദനകളിൽ നിന്ന് മുക്തി ലഭിക്കുന്നു :ശരീരത്തിലെ ദോഷങ്ങളുടെ പ്രത്യേകിച്ചു വാതത്തിന്റെ അധികരണം മൂലം ഉണ്ടാകുന്ന സന്ധിവാതം, ആമവാതം, വാത രക്തം എന്നീ രോഗങ്ങൾ കൊണ്ട് ഉണ്ടാകുന്ന വേദനകൾക്ക് ശമനം ലഭിക്കുന്നു.

ചികിത്സാ രീതികൾ

1. കർക്കിടക കഞ്ഞി: ശരീരത്തിലെ വിഷാംശം നീക്കം ചെയ്യാനും ശരീരം പോഷിപ്പിക്കാനും ഔഷധ കഞ്ഞി സഹായിക്കുന്നു

2. പിഴിച്ചിൽ: പേശികളെ ബലപ്പെടുത്താനും, രക്തചംക്രമണം മെച്ചപ്പെടുത്താനും രോഗവസ്ഥതക്ക് അല്ലെങ്കിൽ വ്യക്തിയുടെ ആരോഗ്യനിലക്ക് അനുയോജ്യമായ എണ്ണ പിഴിച്ചിൽ ചെയ്യുന്നു.

3. കിഴി : പൊടിക്കിഴി, നാരങ്ങാ കിഴി, ഇലക്കിഴി,എന്നിവ ശരീരത്തിലെ നീർവീക്കം കുറക്കുവാനും മാംസ പേശികൾക്ക് ബലം നൽകുവാനും സഹായിക്കുന്നു.

4. ധാര: മനസ്സിനെ ശാന്തമാക്കാനും പേശികൾക്ക് ദൃഢത നൽകുവാനും ഇളം ചൂടുള്ള എണ്ണ/കഷായം/ധാന്യാമ്ളo/ക്ഷീരം എന്നിവയിൽ ഏതെങ്കിലും രോഗാവസ്ഥയ്‌കും രോഗീബലവും അനുസരിച്ച് ശരീരത്തിൽ തുടർച്ചയായി ഒഴിക്കുന്നു.

5. വിരേചനം : ശരീരത്തിൽ നിന്ന് അധികമായ ദോഷങ്ങളെ നീക്കം ചെയ്യാൻ സഹായിക്കുന്ന ഒരു ശോധന ചികിത്സ.

6. നസ്യം :ഇന്ദ്രിയങ്ങൾക്ക് ബലംനല്കുന്നു.അധികമായ കഫത്തെ പുറന്തള്ളുന്നു.

കഴുത്തിലെ ഞരമ്പുകൾക്ക് ബലം നൽകുന്നു.

ഉപസംഹാരം

മഴക്കാലത്ത് നിരവധി ഗുണങ്ങൾ നൽകുന്ന ആരോഗ്യത്തിനും ക്ഷേമത്തിനുമുള്ള സമഗ്രമായ സമീപനമാണ് കർക്കിടക ചികിത്സ. ശരീരത്തെ പുനരുജ്ജീവിപ്പിക്കുന്നതിലൂടെയും, പ്രതിരോധശേഷി വർദ്ധിപ്പിക്കുന്നതിലൂടെയും, സമ്മർദ്ദം ഒഴിവാക്കുന്നതിലൂടെയും, ദഹനം മെച്ചപ്പെടുത്തുന്നതിലൂടെയും, ഈ ചികിത്സ മൊത്തത്തിലുള്ള ആരോഗ്യവും ക്ഷേമവും പ്രോത്സാഹിപ്പിക്കാൻ സഹായിക്കുന്നു.

ലേഖികയായ ഡോക്ടറുടെ വിലാസം👇👇👇

ഡോ ശിൽപ്പ വി.വി.

Aswiny Ayurveda

and Wellness Center

Kochuplackal Arcade Kollappally, Pala

phn no:9447031465