കിടങ്ങൂര്‍ ബഡ്‌സ് റീഹാബിലിറ്റേഷന്‍ സെന്റര്‍ യാഥാര്‍ത്ഥ്യമാകുന്നു ഉദ്ഘാടനം ബുധനാഴ്ച (16.07.2025)
കിടങ്ങൂര്‍ പഞ്ചായത്തിന്റെ നേതൃത്വത്തില്‍ കോട്ടയം ജില്ലയിലെ അഞ്ചാമത്തെതും പമ്പാടി ബ്ലോക്ക് പഞ്ചായത്തിലെ ആദ്യത്തേതുമായ ബഡ്‌സ് റീഹാബിലിറ്റേഷന്‍ സെന്റര്‍ യാഥാര്‍ത്ഥ്യമായി. കോട്ടയം ജില്ലാ പഞ്ചായത്തിന്റെ പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍ മുഖേന അനുവദിച്ച 20 ലക്ഷം രൂപയും പാമ്പാടി ബ്ലോക്ക് പഞ്ചായത്തിന്റെയും കിടങ്ങൂര്‍ ഗ്രാമപഞ്ചായത്തിന്റെയും 5 ലക്ഷം രൂപാ വീതവും ചേര്‍ത്ത് 30 ലക്ഷം രൂപ ഉപയോഗിച്ചാണ് റീഹാബിലിറ്റേഷന്‍ സെന്ററിന് ആവശ്യമായ കെട്ടിടം നിര്‍മ്മിച്ചത്. കുടുംബശ്രീ ജില്ലാ മിഷന്‍ മുഖേന 12.5 ലക്ഷം രൂപയുടെ ഫര്‍ണിച്ചറുകളും ലഭ്യമായി. കുമ്മണ്ണൂര്‍ സാംസ്‌കാരിക നിലയത്തിനു സമീപമുള്ള പഞ്ചായത്തുവക സ്ഥലത്താണ് കെട്ടിടം നിര്‍മ്മിച്ചിട്ടുള്ളത്.
ഭിന്നശേഷിക്കാരായ കിടങ്ങൂര്‍ പഞ്ചായത്ത് പ്രദേശത്തെയും സമീപപ്രദേശങ്ങളിലെയും ആളുകളുടെ അഭയകേന്ദ്രം എന്ന നിലയിലേക്ക് ഈ സെന്റര്‍ മാറുന്നതാണ്. പ്രായവ്യത്യാസമില്ലാതെ ഭിന്നശേഷിക്കാരായ ആളുകള്‍ക്ക് ഈ സെന്ററിന്റെ ഗുണഭോക്താക്കളായി മാറുവാന്‍ സാധിക്കുന്നതാണ്. രാവിലെ 10 മണി മുതല്‍ 4 മണി വരെയാണ് സെന്ററിന്റെ പ്രവര്‍ത്തനം. സമൂഹത്തിലെ ഭിന്നശേഷിക്കാരായ വ്യക്തികള്‍ക്ക് സാധാരണ മനുഷ്യരെപ്പോലെ തനതായ യുക്തിഭദ്രമായ തീരുമാനങ്ങള്‍ എടുക്കുന്നതിനും സ്വാശ്രിതജീവിതം നയിക്കുന്നതിനും അവരെ ജനിച്ചുവളര്‍ന്ന സമൂഹത്തിന്റെ ഭാഗമാക്കി നിലനിര്‍ത്തുകയും ചെയ്യുകയെന്ന ഉദ്ദേശത്തോടെയാണ് റീഹാബിലിറ്റേഷന്‍ സെന്റര്‍ പ്രവര്‍ത്തിക്കുന്നത്. സെന്ററിലേക്ക് ആവശ്യമായ ജീവനക്കാരെ ഗ്രാമപഞ്ചായത്തും കുടുംബശ്രീ ജില്ലാ മിഷനും ചേര്‍ന്ന് തെരഞ്ഞെടുക്കുന്നതാണ്.
തുടര്‍പ്രവര്‍ത്തനത്തിന് ആവശ്യമായ ഫണ്ട് ഗ്രാമപഞ്ചായത്തിന്റെ നേതൃത്വത്തില്‍ വിവിധ ഏജന്‍സികളുടെ സഹകരണത്തോടെ കണ്ടെത്തുന്നതാണ്. കിടങ്ങൂര്‍ പഞ്ചായത്തിലെ ഭിന്നശേഷി സമൂഹത്തിന്റെ പതിറ്റാണ്ടുകളായുള്ള ആവശ്യമാണ് ഇപ്പോള്‍ യാഥാര്‍ത്ഥ്യമാകുന്നത്.
കിടങ്ങൂര്‍ ബഡ്‌സ് റീഹാബിലിറ്റേഷന്‍ സെന്ററിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗര്‍ നാളെ (16.07.2025, ബുധന്‍) ഉച്ചകഴിഞ്ഞ് 2.30 ന് നിര്‍വ്വഹിക്കുന്നതാണ്. ഗ്രാമപഞ്ചായത്ത് പ്രസിഡന്റ് അഡ്വ. ഇ.എം. ബിനു അദ്ധ്യക്ഷത വഹിക്കും. ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍ താക്കോല്‍ദാനവും ഉപകരണങ്ങള്‍ കൈമാറലും നടത്തും. ബ്ലോക്ക് പഞ്ചായത്ത് പ്രസിഡന്റ് ബെറ്റി റോയി മുഖ്യപ്രഭാഷണം നടത്തും.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
 ){kind=link}
0 Comments