കാലിൽ പുഴുവരിച്ച നിലയിൽ വൃദ്ധൻ ..... ബന്ധുവായ യൂത്ത് കോൺഗ്രസ് പ്രാദേശിക നേതാവ് സ്വത്ത് എഴുതി വാങ്ങി ഉപേക്ഷിച്ചുവെന്ന് പരാതി

 വീട്ടിൽ കാലിൽ പുഴുവരിച്ച നിലയിൽ കണ്ടെത്തിയ വൃദ്ധനെ ഡിവൈഎഫ്ഐ പ്രവർത്തകർ ആശുപത്രിയിലാക്കി. പത്തനംതിട്ട ആങ്ങമൂഴിയിലാണ് സംഭവം. 

 ആങ്ങമൂഴി സ്വദേശി സോമനെയാണ് വീട്ടിൽ അവശ നിലയിൽ കണ്ടെത്തിയത്. അടുത്ത ബന്ധുവായ യൂത്ത് കോൺഗ്രസ് പ്രാദേശിക നേതാവ് സുമേഷ് സ്വത്ത് എഴുതി വാങ്ങി ഉപേക്ഷിച്ചുവെന്നാണ് ഡിവൈഎഫ്ഐ പൊലീസിൽ പരാതി നൽകിയത്. 

 യൂത്ത് കോണ്‍ഗ്രസ് കോന്നി നിയോജക മണ്ഡലം വൈസ് പ്രസിഡന്റ് സുമേഷ് ആങ്ങമൂഴിക്കെതിരെയാണ് പൊലീസില്‍ ഡിവൈഎഫ്‌ഐ പരാതി നല്‍കിയത്. സോമനില്‍ നിന്ന് സുമേഷ് സ്വത്ത് തട്ടിയെടുത്തതായാണ് ഡിവൈഎഫ്‌ഐയുടെ പരാതി.  

 ആരോപണം നിഷേധിച്ച് സുമേഷ് ആങ്ങമൂഴി രംഗത്തെത്തി.രണ്ടുവര്‍ഷം മുമ്പ് സോമന്‍ സ്വമേധയാ സ്വത്ത് തനിക്ക് എഴുതി നൽകുകയായിരുന്നുവെന്ന് സുമേഷ് പറഞ്ഞു. എല്ലാമാസവും ചെലവിനുള്ള പണം ഇപ്പോഴും കൊടുക്കുന്നുണ്ട്. ആശുപത്രിയില്‍ പോകാന്‍ സോമന്‍ തയ്യാറല്ലായിരുന്നു. സ്വത്ത് തിരികെ എഴുതി കൊടുക്കാന്‍ താന്‍ തയ്യാറാണെന്നും സുമേഷ് വ്യക്തമാക്കി.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34