തിരുനക്കര രഥോത്സവം ഇന്ന്

 തിരുനക്കര ശ്രീകൃഷ്‌ണ സ്വാമി ക്ഷേത്രത്തിൽ ഉത്സവത്തോടനുബന്ധിച്ച് ഇന്നു വൈകിട്ട് 4നു തിരുനക്കര രഥോത്സവം നടക്കും. രഥയാത്രയ്ക്ക് താലപ്പൊലി, ഭജനസംഘം, വാദ്യമേളങ്ങൾ തുടങ്ങിയവ അകമ്പടിയേകും. രാത്രി ആറാട്ടോടെ ഉത്സവം സമാപിക്കും.  വൈകുന്നേരം 4നു തിരുനക്കര രഥോത്സവം ആരംഭം. 

ക്ഷേത്രാങ്കണത്തിൽ ജില്ലാ കളക്ട‌ർ ചേതൻ കുമാർ മീണ ഉദ്ഘാടനം ചെയ്യും. 6.30നു ചുറ്റുവിളക്ക്. 8നു തിരുനക്കര ഗാന്ധി സ്ക്വയറിൽ രഥോത്സവത്തിനു വരവേൽപ്.   രഥോത്സവം വൈകിട്ട് 4ന് തിരുനക്കര ശ്രീകൃഷ്ണ ക്ഷേത്രാങ്കണത്തിൽ ആരംഭിച്ച് ടെംപിൾ കോർണർ വഴി പോസ്‌റ്റ് ഓഫിസിന്റെ പിൻവശം വഴി റൗണ്ടാനയിൽ എത്തും. 

തുടർന്നു വൈഎംസിഎ റോഡ് വഴി സെൻട്രൽ ജംക്ഷനിലേക്ക്. ഇവിടെനിന്നു കെഎസ്ആർടിസി ടിബി റോഡ് വഴി കോടിമത ധർമശാസ്താ ക്ഷേത്രാങ്കണത്തിൽ എത്തും. ഇതിനുശേഷം പള്ളിപ്പുറത്തുകാവ് ദേവീ ക്ഷേത്രത്തിൽ സ്വീകരണം. 

 തുടർന്ന് പുളിമൂട് ജംക്‌ഷൻ വഴി ഗാന്ധിസ്ക്വയറിൽ എത്തും. ഇവിടെ വരവേൽപിനു ശേഷം തിരുനക്കര മഹാദേവ ക്ഷേത്രമൈതാനത്ത് സ്വീകരണം. അവിടെ നിന്നു ഗജവീരന്മാരുടെ അകമ്പടിയോടെ ശ്രീകൃഷ്ണ സ്വാമി ക്ഷേത്രത്തിനു സമീപത്തെ ആറാട്ടുകടവിലേക്ക് എഴുന്നള്ളിപ്പ്. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34