പണമില്ലാത്ത ചെക്ക് നൽകി പെയിന്റ് വാങ്ങി മറിച്ച് വിൽപ്പന.....കൊല്ലം സ്വദേശി മലപ്പുറത്ത് പിടിയിൽ

 

ബാങ്ക് അക്കൗണ്ടിൽ പണമില്ലാതെ ചെക്ക് നൽകി പെയിന്റ് തട്ടിപ്പ് നടത്തിയ അന്തർജില്ലാ തട്ടിപ്പുകാരൻ മലപ്പുറം ചമ്രവട്ടത്ത് പോലീസ് പിടിയിലായി. കൊല്ലം മടത്തറ സ്വദേശിയായ അഖിലാണ് അറസ്റ്റിലായത്. തട്ടിപ്പിലൂടെ കൈക്കലാക്കിയ പെയിന്റുകൾ തൊട്ടടുത്തുള്ള മറ്റൊരു കടയിൽ മറിച്ചുവിൽക്കാൻ ശ്രമിക്കുന്നതിനിടെയാണ് ഇയാൾ വലയിലായത്.

ചമ്രവട്ടം ജംഗ്ഷനിലെ ഒരു ഹാർഡ്‌വെയർ ഷോപ്പിൽ നിന്നാണ് പ്രതി പെയിന്റ് വാങ്ങിയത്. പണത്തിന് പകരം നൽകിയ ചെക്കിൽ തുകയില്ലെന്ന് വ്യക്തമായതോടെയാണ് തട്ടിപ്പ് പുറത്തായത്. എന്നാൽ, ഈ കടയിൽ നിന്ന് വാങ്ങിയ പെയിന്റുമായി അഖിൽ തൊട്ടടുത്തുള്ള മറ്റൊരു വ്യാപാര സ്ഥാപനത്തിൽ വിൽപനയ്ക്കായി സമീപിക്കുകയായിരുന്നു. ഇയാളുടെ പെരുമാറ്റത്തിൽ സംശയം തോന്നിയ കടയുടമ ഉടൻ തന്നെ പോലീസിനെ വിവരമറിയിച്ചു.

 തുടർന്ന് ചമ്രവട്ടം പോലീസ് സ്ഥലത്തെത്തി പ്രതിയെ കസ്റ്റഡിയിലെടുക്കുകയായിരുന്നു. അഖിൽ ഇതേ രീതിയിൽ കേരളത്തിലെ വിവിധ ജില്ലകളിലായി സമാനമായ ഒട്ടനവധി തട്ടിപ്പുകൾ നടത്തിയിട്ടുണ്ടെന്ന് പോലീസ് അന്വേഷണത്തിൽ വ്യക്തമായി. പ്രതിക്കെതിരെ കൂടുതൽ കേസുകൾ നിലവിലുണ്ടോയെന്ന് പോലീസ് പരിശോധിച്ചുവരികയാണ്. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34