ബാങ്ക് ജപ്തി ചെയ്ത് പൂട്ടിയ വീടിന്റെ താഴ് തകർത്ത് അസുഖബാധിതയായ വീട്ടമ്മയ്ക്കുള്ള മരുന്നുകളും ചികിത്സാ രേഖകളും എടുത്തുനൽകി യൂത്ത് കോൺഗ്രസ് പ്രവർത്തകർ.

 പത്തനംതിട്ട   തട്ട ഇടമാലിയിൽ സൗത്ത് ഇന്ത്യൻ ബാങ്ക് ജപ്തി ചെയ്ത് പൂട്ടിയ വീടിന്റെ താഴ് തകർത്ത് അസുഖബാധിതയായ വീട്ടമ്മയ്ക്കുള്ള മരുന്നുകളും ചികിത്സാ രേഖകളും എടുത്തുനൽകി യൂത്ത് കോൺഗ്രസ് പ്രവർത്തകർ.  

 യൂത്ത് കോൺഗ്രസ് പത്തനംതിട്ട ജില്ലാ പ്രസിഡന്റ് വിജയ് ഇന്ദുചൂടന്റെ നേതൃത്വത്തിലാണ് പ്രവർത്തകർ ബാങ്ക് സ്ഥാപിച്ച പൂട്ട് പൊളിച്ച് വീടിനുള്ളിൽ കടന്നത്.  

 ശാരീരിക പരിമിതിയുള്ള ബാലകൃഷ്ണനും കുടുംബവും കഴിഞ്ഞ അഞ്ചുദിവസമായി വീടിന്റെ വരാന്തയിലാണ് കഴിഞ്ഞിരുന്നത്. അസുഖബാധിതയായ വീട്ടമ്മയുടെ ജീവൻരക്ഷാ മരുന്നുകളും പ്രധാനപ്പെട്ട ചികിത്സാ രേഖകളും വീടിനുള്ളിലായിരുന്നു ഉണ്ടായിരുന്നത്. 

 എന്നാൽ അതെടുക്കാൻ പോലുമുള്ള സാവകാശം നൽകാതെയായിരുന്നു ബാങ്ക് അധികൃതർ ജപ്തി നടപടികൾ പൂർത്തിയാക്കി വീട് പൂട്ടിയിട്ടതെന്ന് കുടുംബം ആരോപിച്ചിരുന്നു.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34