ലഹരിവിരുദ്ധ സന്ദേശവുമായി പാലായിൽ വാക്കത്തോൺ സംഘടിപ്പിച്ചു. പാലാ ​ഗവൺമെന്റ് ഹോസ്പിറ്റൽ ജം​ഗ്ഷനിൽ നിന്നും മുനിസിപ്പൽ സ്റ്റേഡിയത്തിലേക്കാണ് റാലി സംഘടിപ്പിച്ചത്.

ലഹരിവിരുദ്ധ സന്ദേശവുമായി പാലാ റോട്ടറി ക്ലബ്ബിന്റെ ആഭിമുഖ്യത്തിൽ ജനമൈത്രി പോലീസ് പാലായുടെയും പാലാ ബാർ അസോസിയേഷന്റെയും ഐ എം എ പാലായുടെയും സഹകരണത്തോടെയാണ് വാക്കത്തോൺ സംഘടിപ്പിച്ചത്. 

പാലാ ​ഗവൺമെന്റ് ഹോസ്പിറ്റൽ ജം​ഗ്ഷനിൽ മാണി സി കാപ്പൻ എം എൽ എ ഫ്ലാ​ഗ് ഓഫ് ചെയ്തു. തുടർന്ന് മെയിൻ റോഡിലൂടെ മുനിസിപ്പൽ സ്റ്റേഡിയത്തിലെത്തി റാലി സമാപിച്ചു. തുടർന്ന് നടന്ന സമാപന സമ്മേളനം പാലാ ന​ഗരസഭ ചെയർമാൻ ആന്റോ ജോസ് പടിഞ്ഞാറേക്കര ഉദ്ഘാടനം ചെയ്തു.

റോട്ടറി ക്ലബ്ബ് പ്രസിഡന്റ് ജോർജ്ജ് വലിയവീട്ടിൽ, ബാർ അസോസിയേഷൻ പ്രസിഡന്റ് അഡ്വ. ജോഷി എബ്രാഹം, ഐ എം എ പ്രസിഡന്റ് ഡോ. ജോസ് കോക്കാട്ട്, എന്നിവർ സംസാരിച്ചു. സ്റ്റുഡന്റ് പോലീസ് കേഡറ്റ് പാലാ കോർഡിനേറ്റർ അജയകുമാർ എം എൽ ലഹ​രി വിരുദ്ധ സന്ദേശം നൽകി. 

ജനമൈത്രി ബീറ്റ് ഓഫീസേഴ്സായ സുദേവ് എസ്, അരണ്യ മോഹൻ എന്നിവരും എ എസ് ഐ ജോജൻ ജോർജ്ജ്, സിവിൽ പോലീസ് ഓഫീസർ ബിനുമോൾ, സന്തോഷ് മാട്ടേൽ, തോമസ് സി കാപ്പൻ, ജിമ്മി ചെറിയാൻ, അനിൽ വൈപ്പന, ഡോ. എബി ചാക്കോ, ഡോ. സിറിയക് തോമസ്, ജോസ് അ​ഗസ്റ്റിൻ, അഡ്വ. സാം സണ്ണി, അഡ്വ. ടോംസ് മാത്യു, അഡ്വ. ​ഗോപി കൃഷ്ണ, അഡ്വ. രതീഷ്, റോൺ ജോർജ്ജ് എന്നിവരും പരിപാടികൾക്ക് നേതൃത്വം നൽകി.

"യെസ് വാർത്ത'' യിൽ 

വാർത്തകൾ കൊടുക്കുന്നതിനും , 

പരസ്യങ്ങൾ ചെയ്യുന്നതിനുമായി 

വിളിക്കുക 

 70 12 23 03 34