രാമപുരം പിഴകിലെ സൈക്കിൾ അപകടം ..... പരിക്കേറ്റ വിദ്യാർഥി മരിച്ചു

സഹോദരനൊപ്പം സൈക്കിളിൽ പോകവേ  റോഡിലെ ഇറക്കത്തിൽ നിയന്ത്രണംവിട്ട് മറിഞ്ഞ് പരിക്ക് പറ്റിയ വിദ്യാർഥി മരിച്ചു.

പിഴക് ആനക്കല്ല് കോളനി ഉതിരക്കുളത്ത് ബിനോയ് ജേക്കബിന്റെ മകൻ ആകാശ് (13) ആണ് മരിച്ചത്. ഒപ്പം സഞ്ചരിച്ച സഹോദരൻ പരിക്കേൽക്കാതെ രക്ഷപെട്ടു.

വ്യാഴാഴ്ച  വൈകിട്ട് അഞ്ചിന് പിഴക് ആനക്കല്ല് റോഡിലെ ഇറക്കത്തിലായിരുന്നു അപകടം. സൈക്കിൾ ഓടിച്ചിരുന്ന ആകാശിനെ ഗുരുതര പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. ചികിത്സയിൽ കഴിയവെ ഇന്ന് വൈകിട്ടാണ് മരണം. മാനത്തൂർ സെൻ്റ് ജോസഫ്സ് എച്ച്എസിൽ എട്ടാം ക്ലാസിലേയ്ക്ക് പ്രവേശനം നേടി സ്കൂൾ തുറക്കാനിരിക്കേയാണ് സംഭവം.

 

സംസ്കാരം ശനിയാഴ്ച വൈകിട്ട് 4 ന് പിഴക് സെൻ്റ് സെബാസ്റ്റ്യൻസ് പള്ളി സെമിത്തേരിയിൽ.

അമ്മ: സുനിത (മാനത്തൂർ ആൽചുവട്ടിൽ കുടുംബാംഗം.)

സഹോദരങ്ങൾ: അലൻ (പ്ലസ് വൺ വിദ്യാർഥി കരിങ്കുന്നം സെൻ്റ് അഗസ്റ്റിൻസ് എച്ച്എസ്എസ്), അലീന (ഏഴാം ക്ലാസ് വിദ്യാർഥി കുറിഞ്ഞി ഗവ. യുപിഎസ്).

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34