പൂർവ്വ വിദ്യാർത്ഥി യോഗത്തിൽ മയക്കുമരുന്നിനെതിരേ പ്രതിജ്ഞ

 വാഴൂർ എസ്.വി.ആർ എൻ.എസ് എസ് കോളജിലെ 1982 ബാച്ചിലെ ബികോം വിദ്യാർത്ഥികളുടെ യോഗം 43 വർഷത്തിനു ശേഷം കൊടുങ്ങൂർ വിദ്യാനന്ദാ വിദ്യാഭവൻ സ്കൂളിൽ ചേർന്നു. ഓൺലൈനായി 6 പേരും ഉൾപ്പെടെ  50 പൂർവ്വ വിദ്യാർത്ഥികൾ നാലര പതിറ്റാണ്ടടുത്ത ഒത്തു ചേരലിൽ പങ്കെടുത്തു. 

 പഴയ കലാലയ ഓർമകൾ പങ്കുവച്ചും , വിഭവ സമൃദ്ധമായ ഉച്ചഭക്ഷണം കഴിച്ചും, നാലു പതിറ്റാണ്ടിലെ ജീവതാനുഭവങ്ങൾ പറഞ്ഞും പഴയ കൗമാരക്കാരായി മാറി.  നാട്ടിലും വിദേശത്തുമുള്ളവർ ഈ അപൂർവ്വ സൗഹൃദ സംഗമത്തിൽ ഒത്തുചേർന്നു. 

 കാലിക പ്രാധാന്യമുള്ള സാമൂഹ്യ പ്രശ്നമായ “മയക്കു മരുന്നെന്ന വിപത്തിനെതിരേ യുവജനങ്ങൾ ജാഗ്രത പാലിക്കൂ “എന്ന സന്ദേശമുയർത്തി ഈ സംഗമത്തിൽ പങ്കെടുത്ത എല്ലാവരും മയക്കുമരുന്നു വിരുദ്ധ പ്രതിജ്ഞയെടുത്തു. മയക്കുമരുന്നെന്ന അന്ധകാരത്തിൽ നിന്നും വെളിച്ചത്തിലേക്ക് എന്നതിൻ്റെ പ്രതീകാത്മകമായി എല്ലാവരും മെഴുകുതിരി കത്തിച്ചായിരുന്നു പ്രതിജ്ഞ ചൊല്ലിയത്. 

 കെ. സുരേഷ് ബാബുവിൻ്റെ അദ്ധ്യക്ഷതയിൽ ചേർന്ന പൂർവ്വ വിദ്യാർത്ഥി യോഗം അന്നത്തെ ബികോം വകുപ്പു മേധാവിയായിരുന്ന പ്രൊഫ: കെ.കെ. രാജപ്പനാചാരി ഉദ്ഘാടനം ചെയ്തു. പ്രൊഫ: പി.ഡി. രഘു നാഥൻ നായർ , സംസ്ഥാന കർഷക കടാശ്വാസ കമ്മീഷൻ അംഗവും എൻ.സി.പി (എസ് ) സംസ്ഥാന ജനറൽ സെക്രട്ടറിയുമായ അഡ്വ. കെ. ആർ. രാജൻ, ഉന്നതവിദ്യാഭ്യാസ വകുപ്പു മന്ത്രിയുടെ പി. എസ്. , സി..പി. എം. നേതാവ് അഡ്വ. പി. ഷാനവാസ് എന്നിവർ ആശംസകൾ അർപ്പിച്ചു സംസാരിച്ചു.   പി.റ്റി ജോസഫ്, കാനം ഗീത, ജോൺസൺ ജോർജ്, ടോമി എൻ.കെ. എം.ആർ. അജയകുമാർ, ഓമന കെ. ആർ. അബ്ദുൾ റഷീദ് എന്നിവർ പ്രസംഗിച്ചു. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34