ഇടമറ്റം രത്നപ്പൻ എളിമയുടെ ആൾരൂപം : ഡോ ബാബു സെബാസ്റ്റ്യൻ

ഇടമറ്റം രത്നപ്പൻ എളിമയുടെ ആൾരൂപം : ഡോ ബാബു സെബാസ്റ്റ്യൻ 

ജിവിത ശൈലിയിലും എഴുത്തിലും പ്രഭാഷണത്തിലും ലാളിത്യം പുലർത്തിയ കറയറ്റ ഗാന്ധിയനായിരുന്നു ഇടമററംരത്നപ്പൻ എന്ന് എം.ജി.യൂണിവേഴ്സിററി മുൻ വൈസ് ചാൻസലർ ഡോ.ബാബുസെബാസ്ററൃൻ.സാമൂഹ്യ പ്രതിബദ്ധതയായിരുന്നു രത്നപ്പൻകൃതികളിൽ  നിറഞ്ഞുനിന്നത്.ചിന്തേരിട്ടുമിനുക്കിയ വാചകശൈലിയിലുടനീളം  തെളിഞ്ഞു നിന്നത് മനുഷ്യസ്നേഹവും.

പാലാ സഹൃദയ സമിതിയും സഫലം 55പ്ളസും ചേർന്ന് നടത്തിയ അനുസ്മരണസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

സഫലം സെക്രട്ടറി വി.എം.അബ്ദുള്ളാഖാൻ ആദ്ധ്യക്ഷ്യം വഹിച്ചു.ഇടമററം രത്നപ്പന്റെ സംപൂർണ്ണകൃതികൾ രണ്ടാം ഭാഗം കഥാകൃത്ത് ഉണ്ണികൃഷ്ണൻ കിടങ്ങൂർ പ്രകാശനം ചെയ്തു.തൊടുപുഴ ജില്ലാ ജഡ്ജി ജോഷിജോൺചാവേലിൽ പുസ്തകം ഏറ്റുവാങ്ങി. സഹൃദയസമിതി ഉപാധ്യക്ഷൻ ജോസ് മംഗലശ്ശേരി പുസ്തകസമർപ്പണം നടത്തി. 

അമ്പലപ്പുഴ കുഞ്ചൻ സ്മാരക സമിതിയുടെ കുഞ്ചൻ നമ്പ്യാർ പുരസ്കാരം നേടിയ പാലാ കെ.ആർ.മണിയെ ചടങ്ങിൽ ആദരിച്ചു.കേരളസർക്കാർ ഭാഷാനിർദ്ദേശകസമിതിയംഗം ചാക്കോ സി പൊരിയത്ത്, സാഹിത്യകകാരി ഡി. ശ്രീദേവി, മലപ്പുറം ജില്ലാ ലൈബ്രറി കൗൺസിൽ സെക്രട്ടറി പ്രൊഫ കെ.കെ.ബാലചന്ദ്രൻ രവി പുലിയന്നൂർ ജി.ബാബുരാജ്,ഐഷാ ജഗദീഷ് തുടങ്ങിയവർ പ്രസംഗിച്ചു.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34