പാലാ നഗരസഭയിലെ ദുര്‍ഭരണത്തിന് 2025 ല്‍ ജനങ്ങള്‍ അന്ത്യം കുറിക്കും - അഡ്വ.ടോമി കല്ലാനി.
ജനങ്ങളെ വെല്ലുവിളിച്ച് ഭരണം നടത്തുന്ന, അധികാരക്കൊതിമൂത്ത് പരസ്പരം തമ്മിലടിക്കുന്ന പാലാ നഗരസഭയിലെ ദുര്‍ഭരണം 2025ലെ തെരഞ്ഞെടുപ്പോടെ അവസാനിക്കുമെന്ന് കെപിസിസി നിര്‍വ്വാഹക സമിതി അംഗം അഡ്വ. ടോമി കല്ലാനി പറഞ്ഞു.
പാലാ നഗരസഭ ഭരണസമിതിയുടെ കെടുകാര്യസ്ഥതയ്ക്കും പ്രതിപക്ഷ കൗണ്‍സിലര്‍മാരുടെ വാര്‍ഡുകളോടുള്ള വിവേചനത്തിനും എതിരെ നഗരസഭ യുഡിഎഫ് പാര്‍ലമെന്ററി പാര്‍ട്ടി ഓഫീസ് പടിക്കല്‍ സംഘടിപ്പിച്ച പ്രതിഷേധ ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പ്രതിപക്ഷ കൗണ്‍സിലറായ ആനി ബിജോയ് പ്രതിനിധീകരിക്കുന്ന പതിനാറാം വാര്‍ഡില്‍ അംഗന്‍വാടിക്ക് അനുയോജ്യമായ 3 സെന്റ് സ്ഥലം സൗജന്യമായി വിട്ടു കിട്ടിയിട്ടും അവിടെ നിര്‍മ്മാണത്തിന് ആവശ്യമായ ഫണ്ട് അനുവദിക്കാതെ മുന്‍ ചെയര്‍പേഴ്‌സണ്‍ ലീന സണ്ണി പ്രതിനിധീകരിക്കുന്ന 24-ാം വാര്‍ഡില്‍ സ്ഥലം പോലുമില്ലാത്ത അംഗന്‍വാടി കെട്ടിട നിര്‍മ്മാണത്തിന് 20 ലക്ഷം രൂപ അനുവദിച്ച നിലപാട് ജനങ്ങളോടുള്ള വെല്ലുവിളിയാണെന്നും അദ്ദേഹം ചൂണ്ടിക്കാട്ടി.
കൗണ്‍സില്‍ യോഗങ്ങളില്‍ ജനത്തിന്റെ ആവശ്യത്തിനു വേണ്ടിയുള്ള പ്രതിപക്ഷത്തിന്റെ ശബ്ദത്തെ ജനാധിപത്യ മര്യാദയില്ലാതെ അട്ടിമറിക്കുന്ന അഹങ്കാരവും ധാര്‍ഷ്ട്യവും നിറഞ്ഞ ഭരണസമിതിയാണ് പാലായിലേതെന്ന് യോഗത്തില്‍ അധ്യക്ഷത വഹിച്ച യുഡിഎഫ് പാര്‍ലമെന്ററി പാര്‍ട്ടി നേതാവും പ്രതിപക്ഷ നേതാവുമായ പ്രൊഫ. സതീശ് ചൊള്ളാനി ചൂണ്ടിക്കാട്ടി.
അലൈന്‍മെന്റ് പൂര്‍ത്തിയാക്കുകയോ ഫണ്ട് അനുവദിക്കുകയോ ടെന്‍ഡര്‍ നടപടികളിലേക്ക് കടക്കുകയോ ചെയ്യാത്ത റിങ് റോഡിന്റെ പേര് പറഞ്ഞാണ് പതിനാറാം വാര്‍ഡിലെ അംഗന്‍വാടി നിര്‍മ്മാണം തടസ്സപ്പെടുത്താന്‍ ഭരണസമിതി ശ്രമിക്കുന്നതെന്നും അദ്ദേഹം ആരോപിച്ചു.
മുനിസിപ്പല്‍ കാന്റീനിനു മുന്നില്‍ സ്ഥാപിച്ച ശിലാഫലകത്തില്‍ മറ്റ് എല്ലാ സ്റ്റാന്‍ഡിങ് കമ്മറ്റി അധ്യക്ഷന്‍മാരുടെയും പേര് വച്ചപ്പോള്‍ പ്രതിപക്ഷത്തുനിന്നുള്ള ആരോഗ്യകാര്യ സ്റ്റാന്‍ന്റിംഗ് കമ്മിറ്റി അധ്യക്ഷയായ ലിസിക്കുട്ടി മാത്യുവിന്റെ പേര് ഒഴിവാക്കിയത് പ്രതിപക്ഷത്തെ പിന്തുണച്ച ജനങ്ങളോടുള്ള വെല്ലുവിളിയാണ്.
വിവിധ സര്‍ക്കാര്‍ വകുപ്പുകള്‍ ആശുപത്രി കെട്ടിടത്തിന്റെ അപകടാവസ്ഥ കാണിച്ചു പുറത്തുവിട്ട റിപ്പോര്‍ട്ട് പൂഴ്ത്തി വച്ചിരിക്കുന്ന നഗരസഭ ജനങ്ങളുടെ ജീവനും സ്വത്തിനും വെല്ലുവിളി ഉയര്‍ത്തുകയാണെന്നും പ്രൊഫ. സതീശ് ചൊള്ളാനി ചൂണ്ടിക്കാട്ടി.
എന്‍.സുരേഷ്, ജോര്‍ജ് പുളിങ്കാട്, ചാക്കോ തോമസ് ,സന്തോഷ് മണര്‍കാട്ട്, സാബു അബ്രഹാം, ജോഷി വട്ടക്കുന്നേല്‍, തോമസുകുട്ടി നെച്ചിക്കാട്ട്, ആനി ബിജോയി, പ്രിന്‍സ് വി.സി, മായ രാഹുല്‍, ഷോജി ഗോപി, ടോം നല്ലനിരപ്പേല്‍, ലിജി ബിജു, രാഹുല്‍ പി.എന്‍.ആര്‍, ജിമ്മി ജോസഫ്, ജോസഫ് പുളിക്കന്‍, ടോണി തൈപ്പറമ്പില്‍, കിരണ്‍ മാത്യു അരീക്കല്‍, വക്കച്ചന്‍ മേനാംപറമ്പില്‍, ബിനു അറക്കല്‍, ജോസ് പനയ്ക്കച്ചാലില്‍, ജോസ് വേരനാനി,
സജോ വട്ടക്കുന്നേല്‍, മനോജ് വള്ളിച്ചിറ, ജോയി മഠം, റെജി നെല്ലിയാനി, തോമസുകുട്ടി പുളിന്താനം, സെബാസ്റ്റ്യന്‍ എടേട്ട്, കുര്യാച്ചന്‍ മഞ്ഞക്കുന്നേല്‍, വേണു ചാമക്കാല, രാജന്‍ ചെട്ടിയാര്‍, രാജു പുതുമന, ടോം കണിയാശ്ശേരി, ബാബു മുണ്ടയ്ക്കല്‍, ഷിബു തുടങ്ങിയവര്‍ പ്രസംഗിച്ചു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
0 Comments