മാഗിന്റെ ചിരകാല സ്വപ്നം സഫലമായി....കേരള ഹൗസിന് 1.5 ഏക്കർ പുതിയ ഭൂമി

Yes Vartha Editor August 12, 2025

ഹൂസ്റ്റൺ മലയാളി സമൂഹത്തിന്റെ വികസന പദ്ധതികൾക്ക് പൊൻതൂവൽ

വടക്കേ അമേരിക്കയിലെ ഏറ്റവും വലിയ മലയാളി സംഘടനയായ Malayali Association of Greater Houston (മാഗ്)യുടെ ചരിത്രത്തിൽ മറ്റൊരു പൊൻതൂവൽ കൂടി . സ്റ്റാഫോർഡ് സിറ്റിയിലെ കേരള ഹൗസിനോട് ചേർന്ന് 1.5 ഏക്കർ സ്ഥലവും കൂടി സ്വന്തമായി . ഇത് സംഘടനയുടെ ഭാവി വികസന പദ്ധതികൾക്ക് ഊർജ്ജം നൽകും. 2025 ഓഗസ്റ്റ് 11-ന് ഉച്ചയ്ക്ക് 1.30ന് കേരള ഹൗസിൽ നടന്ന ചടങ്ങിൽ പ്രസിഡന്റ് ജോസ് കെ. ജോൺ, സെക്രട്ടറി രാജേഷ് എസ്. വർഗീസ്, ട്രഷറർ സുജിത് ചാക്കോ, ബിൽഡിംഗ് കമ്മിറ്റി ചെയർമാൻ ശശിധരൻ നായർ, ട്രസ്റ്റി ബോർഡ് ചെയർമാൻ ജിമ്മി കുന്നശ്ശേരി എന്നിവർ കരാറിൽ ഒപ്പുവച്ചു.

മുൻ ട്രസ്റ്റി ബോർഡ് ചെയർമാൻ ജെയിംസ് ജോസഫ്, ട്രസ്റ്റി ബോർഡ് അംഗം എസ്. കെ. ചെറിയാൻ, വൈസ് പ്രസിഡന്റ് മാത്യൂസ് ചാണ്ടപ്പിള്ള എന്നിവരും സന്നിഹിതരായിരുന്നു. പുതിയ ഭൂമിയും ഭാവി പദ്ധതികളും പുതുതായി സ്വന്തമാക്കിയ ഭൂമി മൂർ റോഡിലേക്ക് നേരിട്ടുള്ള പ്രവേശനത്തിന് വഴിയൊരുക്കും.. ഏകദേശം 3.5 ഏക്കർ വിസ്തീർണമുള്ള സ്ഥലത്ത്, ഭാവിയിൽ കൂടുതൽ സൗകര്യങ്ങളോടുകൂടിയ പുതിയ ആസ്ഥാനം പണിയുകയെന്നതാണ് സംഘടനയുടെ അടുത്ത ലക്ഷ്യം. നിലവിലുള്ള 2500 സ്ക്വയർ ഫീറ്റ് വിസ്തീർണമുള്ള കെട്ടിടത്തിൽ പ്രധാന ഹാൾ, ഓഫീസ് മുറി, സ്റ്റോർ, അടുക്കള, ശൗചാലയങ്ങൾ എന്നിവയും, 1000 സ്ക്വയർ ഫീറ്റ് വിസ്തീർണമുള്ള റിക്രിയേഷൻ സെന്ററിൽ ബാഡ്മിന്റൺ കോർട്ടും, പിറകുവശത്ത് ക്രിക്കറ്റ് പ്രാക്ടീസ് നെറ്റും നിലവിൽ പ്രവർത്തിക്കുന്നു.

മിതമായ നിരക്കിൽ സമൂഹത്തിന് ലഭ്യമാകുന്ന ഹാളിൽ, ബുധനാഴ്ചകളിൽ നൂറോളം സീനിയർ അംഗങ്ങൾ ഒത്തുകൂടി വിനോദങ്ങളും സൗഹൃദസംഗമങ്ങളും നടത്തുന്നു. ദിവസവും വൈകുന്നേരം 5 മണിക്ക് ശേഷം പൊതുപ്രവർത്തനങ്ങൾക്കായി വാതിലുകൾ തുറക്കപ്പെടുന്നു 38 വർഷങ്ങളുടെ പാരമ്പര്യം 1987-ൽ ഏതാനും സുമനസ്സുകളുടെ നേതൃത്വത്തിൽ ആരംഭിച്ച മാഗ്, 38 വർഷമായി ഹൂസ്റ്റൺ മലയാളി സമൂഹത്തിന്റെ സാംസ്കാരിക-സാമൂഹിക കേന്ദ്രമായി നിലകൊള്ളുന്നു. മുൻ ഭരണസമിതികളുടെ ദീർഘദർശിത്വവും പരിശ്രമവുമാണ് ഇന്നത്തെ നേട്ടത്തിന് അടിസ്ഥാനം. കേരള ഹൗസിന്റെ വികസനം ഏകദേശം 10,000 മലയാളികൾക്ക് നേരിട്ടും പരോക്ഷമായും പ്രയോജനപ്പെടുമെന്ന് ഭാരവാഹികൾ വ്യക്തമാക്കി.

സമൂഹത്തിന്റെ പിന്തുണ അഭ്യർത്ഥിച്ചു ഭാവി പദ്ധതികൾക്കായി പുറത്തിറക്കിയിട്ടുള്ള റാഫിൾ കൂപ്പണുകൾക്ക് എല്ലാ സമൂഹാംഗങ്ങളും ധാരാളം സഹകരണവും പിന്തുണയും നൽകണമെന്ന് ഭാരവാഹികൾ അഭ്യർത്ഥിച്ചു. കൂടാതെ, ഒറ്റത്തവണ സംഭാവന മുഖേന പേട്രൺ, ലൈഫ്‌ടൈം അംഗത്വങ്ങളും ലഭ്യമാണ്. ഭാരവാഹികളിലൂടെ, അല്ലെങ്കിൽ വെബ്സൈറ്റ് വഴിയും അംഗത്വം നേടാം.

നേട്ടത്തിന്റെ പിന്നിൽ പ്രവർത്തിച്ചവർ ശശിധരൻ നായരുടെ നേതൃത്വത്തിൽ എബ്രഹാം കെ. ഈപ്പൻ, ജോജി ജോസഫ്, വിനോദ് വാസുദേവൻ, മാർട്ടിൻ ജോൺ, ജോൺ ഡബ്ല്യു. വർഗീസ്, ആൻഡ്രൂസ് ജേക്കബ്, ജോയി സാമുവൽ, എസ്. കെ. ചെറിയാൻ എന്നിവർ ഉൾപ്പെടുന്ന 40 അംഗങ്ങളുള്ള ബിൽഡിംഗ് കമ്മിറ്റി പ്രവർത്തിക്കുന്നു. ഫെസിലിറ്റി മാനേജർ മോൻസി കുര്യാക്കോസിന്റെ സേവനം, കേന്ദ്രത്തിന്റെ സുഗമമായ നടത്തിപ്പിന് വലിയ പിന്തുണയാണ്ഹാ ൾ ബുക്കിംഗ്: മോൻസി കുര്യാക്കോസ് — 346-481-3795