വെര്ച്വല് അറസ്റ്റുചെയ്ത് പണം തട്ടിയ സംഭവത്തില് മൂന്നുപേര് അറസ്റ്റില്. മലപ്പുറം എടപ്പറ്റ പാതിരിക്കോട് ചൂണ്ടിക്കലായിയിലെ ആലഞ്ചേരി സുനീജ് (സുനീജ് മോന്-38), തൃശ്ശൂര് പൂത്തോള് മാടമ്പിലാന് വലേരിപ്പറമ്പില് അശ്വിന്രാജ് (27), കൊളത്തൂര് വറ്റല്ലൂര് പള്ളിപ്പറമ്പന് മുഹമ്മദ് ഷഫീഖ് (29) എന്നിവരാണ് പിടിയിലായത്. രാജസ്ഥാന് സ്വദേശിയില് നിന്നുമാണ് പണം തട്ടിയത്.
രാജസ്ഥാനിലെ ജോധ്പുര് സൈബര് പൊലീസും മേലാറ്റൂര് പൊലീസും സംയുക്തമായി നടത്തിയ ഓപ്പറേഷനിലാണ് തട്ടിപ്പിലെ മുഖ്യ പ്രതികളെ പിടികൂടിയത്. തീവ്രവാദ ബന്ധം ആരോപിച്ചായിരുന്നു രാജസ്ഥാനിലെ ബിക്കാനീര് സ്വദേശിയെ പ്രതികള് വെര്ച്വല് അറസ്റ്റിന്റെ പേരില് തട്ടിപ്പിന് ഇരയാക്കിയത്.
ഇന്ത്യന് മുജാഹിദീന് എന്ന തീവ്രവാദ സംഘടനയില്പ്പെട്ട ഒരാളെ എന്ഐഎ അറസ്റ്റുചെയ്തപ്പോള് കിട്ടിയ എടിഎം കാര്ഡുകളില് ഒന്ന് ബിക്കാനീര് സ്വദേശിയുടേത് ആണെന്നായിരുന്നു ഇവര് വിശ്വസിപ്പിച്ചത്. ഇയാളില് നിന്നും 60,08,794 രൂപയാണ് പ്രതികള് കവര്ന്നത്.
0 Comments