45-ാമത് ബിഷപ്പ് വയലിൽ ഓൾ കേരള ഇന്റർ കൊളീജിയറ്റ് വോളിബോൾ ചാമ്പ്യൻഷിപ്പ് 2026

45-ാമത് ബിഷപ്പ് വയലിൽ ഓൾ കേരള ഇന്റർ കൊളീജിയറ്റ് വോളിബോൾ ചാമ്പ്യൻഷിപ്പ് 2026

 സെന്റ് തോമസ് കോളേജ് പാലായുടെ ആഭിമുഖ്യത്തിൽ സംഘടിപ്പിക്കുന്ന 45-ാമത് ബിഷപ്പ് വയലിൽ ഓൾ കേരള ഇന്റർ കൊളീജിയറ്റ് വോളിബോൾ ചാമ്പ്യൻഷിപ്പ് 2026 സെപ്റ്റംബർ 7 മുതൽ 11 വരെ സെന്റ് തോമസ് കോളേജിലെ ഇന്റഗ്രേറ്റഡ് സ്പോർട്സ് കോംപ്ലക്സ് ഇൻഡോർ സ്റ്റേഡിയത്തിൽ നടക്കും. കേരളത്തിലെ പ്രമുഖ കോളേജ് ടീമുകളായ ക്രൈസ്റ്റ്  കോളേജ് ഇരിഞ്ഞാലക്കുട, സെന്റ് ജോസഫ്സ് കോളേജ് ദേവഗിരി, എസ് എൻ കോളേജ് മട്ടന്നൂർ, ഡീ പോൾ ഇൻസ്റ്റിറ്റ്യൂട്ട് അങ്കമാലി, സേക്രഡ് ഹാർട്ട് കോളേജ് തേവര, സെന്റ് ജോർജ് കോളേജ് അരുവിത്തുറ, സി.എം.എസ് കോളേജ് കോട്ടയം, അസംപ്ഷൻ കോളേജ് ചങ്ങനാശേരി, അൽഫോൻസാ കോളേജ് പാലാ, കാതോലിക്കേറ്റ് കോളേജ് പത്തനംതിട്ട, സെന്റ് ജോസഫ്സ് കോളേജ് ഇരിഞ്ഞാലക്കുട എന്നിവർ ആതിഥേയരായ പാലാ സെന്റ് തോമസ് കോളേജിനോപ്പം ചാമ്പ്യൻഷിപ്പിൽ പുരുഷ-വനിതാ വിഭാഗങ്ങളിലായി മാറ്റുരയ്ക്കും.

ചാമ്പ്യൻഷിപ്പിന്റെ ഔദ്യോഗിക ഉദ്ഘാടനം സെപ്റ്റംബർ 7ന് വൈകുന്നേരം 3.00ന് സെന്റ് തോമസ് കോളേജിലെ ഇന്റഗ്രേറ്റഡ് സ്പോർട്സ് കോംപ്ലക്സ് ഇൻഡോർ സ്റ്റേഡിയത്തിൽ നടക്കും. കേരളത്തിലെ കോളേജ് വോളിബോൾ രംഗത്തെ ഏറ്റവും ശ്രദ്ധേയമായ ടൂർണമെന്റുകളിലൊന്നായ ബിഷപ്പ് വയലിൽ വോളിബോൾ ചാമ്പ്യൻഷിപ്പിന് നാല് പതിറ്റാണ്ടിലേറെ നീണ്ട പാരമ്പര്യമുണ്ട്. മികച്ച കോളേജ് താരങ്ങൾക്ക് തങ്ങളുടെ കഴിവുകൾ തെളിയിക്കുന്നതിനും പുതിയ കായിക പ്രതിഭകളെ കണ്ടെത്തുന്നതിനും ടൂർണമെന്റ് വേദിയൊരുക്കുന്നു. കായികപ്രേമികൾക്കും വിദ്യാർത്ഥികൾക്കും പൊതുജനങ്ങൾക്കും മത്സരങ്ങൾ നേരിൽ കാണുന്നതിനായി സ്റ്റേഡിയത്തിലെത്താം. ചാമ്പ്യൻഷിപ്പിന്റെ വിജയകരമായ നടത്തിപ്പിനായി വിപുലമായ സംഘാടക സമിതി പ്രവർത്തിച്ചുവരുന്നു. അഞ്ച് ദിവസം നീണ്ടുനിൽക്കുന്ന ചാമ്പ്യൻഷിപ്പിൽ ആവേശകരമായ നിരവധി മത്സരങ്ങൾ നടക്കും. പുരുഷ-വനിതാ വിഭാഗങ്ങളിലെ ഫൈനൽ മത്സരങ്ങൾ സെപ്റ്റംബർ 11ന് നടക്കും. വിജയികൾക്ക് ട്രോഫികളും വ്യക്തിഗത പുരസ്കാരങ്ങളും സമ്മാനിക്കും. കോളേജ് പ്രിൻസിപ്പൽ പ്രൊഫ. ഡോ. റ്റോജി തോമസ്, വൈസ് പ്രിൻസിപ്പൽ റവ. ഡോ. സാൽവിൻ കാപ്പിലിപ്പറമ്പിൽ, ബർസാർ റവ. ഫാ. മാത്യു ആലപ്പാട്ടുമേടയിൽ, സലിം കരുണാകരൻ, പൂർവ വിദ്യാർത്ഥി സംഘടനാ പ്രതിനിധികളായ ജിമ്മി ജോസഫ് താഴത്തേൽ, അവിനാശ് മാത്യു, ബിജോമോൻ ജോർജ്, കായിക വകുപ്പ് മേധാവി ഡോ ആശിഷ് ജോസഫ്, ഡോ ജിൻസ് കാപ്പൻ എന്നിവർ   വാർത്താ സമ്മേളനത്തിൽ സംസാരിച്ചു.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34