മരങ്ങാട്ടുപള്ളി സർവീസ് സഹകരണ ബാങ്ക് 2024 25 സാമ്പത്തിക വർഷം ഒരുകോടി 4 ലക്ഷം രൂപ ലാഭം നേടിയതായി ബാങ്ക് പ്രസിഡണ്ട് എം എം തോമസ് വാർത്താസമ്മേളനത്തിൽ അറിയിച്ചു.
46.79 ലക്ഷം രൂപാ ബാങ്കിന്റെ ഭാവി പ്രവർത്തനങ്ങൾക്ക് കരുതലായി നീക്കി വച്ചതിന് ശേഷമാണ് ബാങ്ക് ഈ ലാഭം കരസ്ഥമാക്കിയത്. അംഗങ്ങൾക്ക് 25% ലാഭവിഹിതം നൽകുന്നതിന് ബാങ്ക് പ്രസിഡന്റ് എം.എം.തോമസ് മേൽവെട്ടത്തിന്റെ അദ്ധ്യക്ഷതയിൽ ചേർന്ന പൊതുയോഗം തീരുമാനിച്ചു.
വീഡിയോ ഇവിടെ കാണാം 👇👇👇
കാർഷിക വില തകർച്ചയും മറ്റു സാമ്പത്തിക പ്രതിസന്ധിയും മൂലം ക്ലേശമനുഭവിക്കുന്ന വായ്പ എടുത്ത അംഗങ്ങൾക്ക് 2.05 കോടി രൂപാ പലിശ ഇളവ് റിപ്പോർട്ട് വർഷം ബാങ്ക് നൽകി.
നെൽകൃഷി, റബ്ബർ റെയിൻ ഗാർഡിംഗ് തുടങ്ങിയവയ്ക്ക് പലിശ രഹിതമായും പശു / കോഴി വളർത്തൽ, പച്ചക്കറി കൃഷി, കുടുംബശ്രീ എന്നിവയ്ക്ക് കുറഞ്ഞ നിരക്കിലും വിദേശ ജോലി, ബിസിനസ്സ് / കച്ചവടം, ഭൂസ്വത്ത് വാങ്ങൽ, ഭവന നിർമ്മാണം, വിവാഹം, വിദ്യാഭ്യാസം, സ്വർണ്ണപ്പണയം, തൊഴിൽപരമായ മറ്റ് സംരംഭങ്ങൾ, കാർഷിക അനുബന്ധ പ്രവർത്തനങ്ങൾ, വാഹനം / വീട്ടുപകരണങ്ങൾ വാങ്ങൽ തുടങ്ങിയ ആവശ്യങ്ങൾക്ക് വളരെ മിതമായ നിരക്കിലും വായ്പ നൽകി വരുന്നു.
വളം, സിമന്റ്, നീതി മെഡിക്കൽ സ്റ്റോർ, നീതി സ്റ്റോർ, ജനസേവന കേന്ദ്രം തുടങ്ങിയവ ബാങ്കിന്റെ ആഭിമുഖ്യത്തിൽ നടത്തുന്നു. 17523 അംഗങ്ങളും 179 കോടി രൂപാ നിക്ഷേപവും 115 കോടി രൂപാ വായ്പയും 210 കോടി രൂപാ പ്രവർത്തന മൂലധനവും 2.89 കോടി രൂപാ സലയുള്ള ജി ഡി സി എസും 8.5 ലക്ഷം രൂപാ സലയുള്ള എം എസ് എസും ആധുനീക സൗകര്യങ്ങളോടെ എയർ കണ്ടീഷൻ ചെയ്ത 5 ബ്രാഞ്ചുകളും ഉള്ള ഐ എസ് ഒ സർട്ടിഫൈഡ് ക്ലാസ് 1 സൂപ്പർ ഗ്രേഡ് ബാങ്കായി പ്രവർത്തിക്കുന്നു.
കേരള സഹകരണ അംഗ സമാശ്വാസ പദ്ധതി, നിർധനരായ രോഗികൾക്ക് സാന്ത്വനം ചികിത്സാ സഹായം, കാരുണ്യ പദ്ധതി, 70 വയസ്സിൽ താഴെയുള്ള എല്ലാ അംഗങ്ങൾക്കും ഇൻഷുറൻസ് പരിരക്ഷ, ഉന്നത വിജയം കരസ്ഥമാക്കിയ അംഗങ്ങളുടെ മക്കൾക്ക് അവാർഡ്, കുട്ടികൾക്ക് പഠനോപകരണ വിതരണം, സ്കൂളുകൾക്ക് ദിനപ്പത്ര വിതരണം, പ്രധാനപ്പെട്ട ദേശീയ അന്തർദേശീയ ദിനങ്ങളുടെ ആചരണം തുടങ്ങിയവ ബാങ്ക് നടത്തി വരുന്നു.
റിപ്പോർട്ട് വർഷം മികച്ച പ്രവർത്തനങ്ങൾ നടത്തിയ പ്രാഥമിക സഹകരണ ബാങ്കുകൾക്ക് കേരളാ ബാങ്ക് ഏർപ്പെടുത്തിയ എക്സലൻസ് അവാർഡ് ബാങ്കിന് ലഭിച്ചു.
36.54 കോടി രൂപയുടെ വരവും 35.5 കോടി രൂപയുടെ ചെലവും 1 കോടി 4 ലക്ഷം രൂപ ലാഭവും പ്രതീക്ഷിക്കുന്ന ബഡ്ജറ്റ് പൊതുയോഗം അംഗീകരിച്ചു.
ബാങ്ക് സെക്രട്ടറി ജോജിൻ മാത്യു റിപ്പോർട്ട് അവതരിപ്പിച്ചു. ബാങ്ക് വൈസ് പ്രസിഡന്റ് അജികുമാർ മറ്റത്തിൽ കൃതജ്ഞത രേഖപ്പെടുത്തി.
ഭരണസമിതി അംഗങ്ങൾ
1. എം.എം.തോമസ്, മേൽവെട്ടം (പ്രസിഡന്റ്)
2. അജികുമാർ കെ.എസ്, മറ്റത്തിൽ (വൈസ് പ്രസിഡന്റ്)
3. ജോൺസൺ ജോസഫ്, പുളിക്കീൽ
4. ജിജോ.കെ.ജോസ്, കുടിയിരുപ്പിൽ
5. ഷൈജു .പി. മാത്യു, പഴേമാക്കീൽ
6. ജോസഫ് അഗസ്റ്റിൻ, ചിറ്റക്കാട്ട്
7. ജോസ് തോമസ് കെ, വട്ടംകുഴിയിൽ
8. സിജോമോൻ എ.ജെ,അരുവിയിൽ
9. തുളസീദാസ്.എ, അമ്പലത്താം കുഴിയിൽ
10. മാത്യുക്കുട്ടി ജോർജ്, പുളിക്കിയിൽ
11. ജോണി അബ്രാഹം, തറപ്പിൽ
12. നിർമ്മല ദിവാകരൻ, വെള്ളിയേപ്പള്ളിൽ ഇല്ലം
13. ആൻസമ്മ സാബു, തെങ്ങുംപള്ളിൽ
14. സിൽബി ജെയ്സൺ, ഓലിക്കൽ.
15. ബിനീഷ് ഭാസ്കരൻ, മുതുകാട്ട്തോട്ടുങ്കൽ.
ജോജിൻ മാത്യു (സെക്രട്ടറി)
0 Comments