ആറ്റുകാല്‍ പൊങ്കാല.....ആരോഗ്യ സേവനങ്ങള്‍ ഉറപ്പാക്കുന്നതിനുള്ള സമഗ്ര ക്രമീകരണങ്ങള്‍ ജില്ലാ മെഡിക്കല്‍ ഓഫിസറുടെ നേതൃത്വത്തിൽ സജ്ജമാക്കിയതായി ആരോഗ്യ വകുപ്പ് മന്ത്രി വീണ ജോർജ് അറിയിച്ചു.

  ആറ്റുകാല്‍ പൊങ്കാലയോടനുബന്ധിച്ച് ആരോഗ്യ സേവനങ്ങള്‍ ഉറപ്പാക്കുന്നതിനുള്ള സമഗ്ര ക്രമീകരണങ്ങള്‍ ജില്ലാ മെഡിക്കല്‍ ഓഫിസറുടെ നേതൃത്വത്തിൽ സജ്ജമാക്കിയതായി ആരോഗ്യ വകുപ്പ് മന്ത്രി വീണ ജോർജ് അറിയിച്ചു. 10 മെഡിക്കല്‍ പോയിന്റുകളും 108 ആംബുലന്‍സ് സേവനവും പൊങ്കാല ദിനത്തില്‍ 10 കേന്ദ്രങ്ങളില്‍ മെഡിക്കല്‍ ടീമുകളും ആംബുലന്‍സുകളും സജ്ജമാകും. രാവിലെ 5 മണി മുതല്‍ ചടങ്ങ് അവസാനിക്കുന്നത് വരെ 108 ആംബുലന്‍സുകള്‍ എമര്‍ജന്‍സി മെഡിക്കല്‍ ടെക്‌നീഷ്യന്മാരോടൊപ്പം വിന്യസിച്ചിട്ടുണ്ട്. കൂടാതെ:… 

 4 ബൈക്ക് ഫസ്റ്റ് റെസ്‌പോണ്‍സ് ടീമുകള്‍ ഗൂര്‍ഖ ആംബുലന്‍സ്ബൈ ക്ക് ഫീഡര്‍ ആംബുലന്‍സ്ജി ല്ലാ മെഡിക്കല്‍ ഓഫിസിലും ആറ്റുകാല്‍ ക്ഷേത്ര പരിസരത്തും പ്രത്യേക കണ്‍ട്രോള്‍ റൂമുകള്‍ പ്രവര്‍ത്തിക്കും. കളക്ടറേറ്റിലും ആരോഗ്യ പ്രവര്‍ത്തകരെ വിന്യസിച്ചിട്ടുണ്ട്. ചൂട് നേരിടാന്‍ 12 ആശുപത്രികള്‍ സജ്ജം അന്തരീക്ഷ താപനില വര്‍ധിച്ച സാഹചര്യത്തില്‍ 12 ആശുപത്രികളില്‍ ഹീറ്റ്-റിലേറ്റഡ് അസുഖങ്ങള്‍ക്ക് പ്രത്യേക സൗകര്യങ്ങള്‍ ഒരുക്കി. തൈക്കാട് സ്ത്രീകളുടേയും കുട്ടികളുടേയും ആശുപത്രി, ഫോര്‍ട്ട് ആശുപത്രി, സി.എച്ച്.സി പൂന്തുറ, സി.എച്ച്.സി ഐരാണിമുട്ടം, എഫ്.എച്ച്.സി ജഗതി, കരമന, യു.പി.എച്ച്.സി ആറ്റുകാല്‍, ചാല, ചാക്ക, കളിപ്പാന്‍കുളം, പാല്‍ക്കുളങ്ങര, രാജാജി നഗര്‍ എന്നിവിടങ്ങളിലാണ് സൗകര്യങ്ങള്‍. തൈക്കാട് ആശുപത്രി, ഫോര്‍ട്ട് ആശുപത്രി, സി.എച്ച്.സി ഐരാണിമുട്ടം എന്നിവിടങ്ങളില്‍ 10 കിടക്കകള്‍ വീതം മാറ്റിവെച്ചു. അടിയന്തര സാഹചര്യം നേരിടാന്‍ തിരുവനന്തപുരം മെഡിക്കൽ കോളേജിലും പ്രത്യേക ക്രമീകരണം ഏര്‍പ്പെടുത്തി. 

 ഭക്ഷ്യസുരക്ഷാ വകുപ്പിന്റെ കർശന നിരീക്ഷണം 

പൊങ്കാലയോടനുബന്ധിച്ച് സുരക്ഷിതവും ശുചിത്വപരവുമായ ഭക്ഷണം ഉറപ്പാക്കാന്‍ ഭക്ഷ്യസുരക്ഷാ വകുപ്പ് വ്യാപക പരിശോധന നടത്തുന്നു. അന്നദാനത്തിന് രജിസ്‌ട്രേഷന്‍ നിര്‍ബന്ധമാണ്; ഇതുവരെ 187 രജിസ്‌ട്രേഷനുകള്‍ പൂര്‍ത്തിയായി. പ്രത്യേക കണ്‍ട്രോള്‍ റൂമും ‘ഫുഡ് സേഫ്റ്റി ഓണ്‍ വീല്‍സ്’ മൊബൈല്‍ ലബോറട്ടറിയും പ്രവര്‍ത്തനസജ്ജമാണ്. ആയുര്‍വേദ-ഹോമിയോ മെഡിക്കല്‍ ക്യാമ്പുകളും സജ്ജമാക്കി. 

ഭക്തര്‍ ശ്രദ്ധിക്കേണ്ടത്

ചൂട് പ്രതിരോധത്തിന്— 

 കട്ടികുറഞ്ഞ കോട്ടണ്‍ വസ്ത്രങ്ങള്‍ ധരിക്കുക. തല തുണിയാല്‍/തൊപ്പിയാല്‍ മറയ്ക്കുക. ദാഹമില്ലെങ്കിലും ഇടയ്ക്കിടെ വെള്ളം കുടിക്കുക. തണ്ണിമത്തന്‍ പോലുള്ള ജലാംശം കൂടുതലുള്ള പഴങ്ങള്‍ കഴിക്കുക. ക്ഷീണം, തലകറക്കം എന്നിവ ഉണ്ടെങ്കില്‍ തണലത്ത് മാറി വൈദ്യസഹായം തേടുക.

ഭക്ഷണ ശുചിത്വം

 ഭക്ഷണത്തിന് മുന്‍പ് കൈ കഴുകുക.

തുറന്നുവെച്ച ഭക്ഷണം ഒഴിവാക്കുക. 

പഴങ്ങള്‍ കഴുകി മാത്രം ഉപയോഗിക്കുക.

 മാലിന്യം നിര്‍ദ്ദിഷ്ട സ്ഥലത്ത് നിക്ഷേപിക്കുക. 

 ലക്ഷക്കണക്കിന് സ്ത്രീകള്‍ പങ്കെടുക്കുന്ന ആറ്റുകാല്‍ പൊങ്കാല മഹോത്സവം സുരക്ഷിതമായി നടത്താന്‍ ആരോഗ്യ-ഭക്ഷ്യസുരക്ഷാ വകുപ്പുകള്‍ ചേര്‍ന്ന് ശക്തമായ സംവിധാനങ്ങളാണ് ഒരുക്കിയിരിക്കുന്നത്. ഭക്തര്‍ നിര്‍ദേശങ്ങള്‍ പാലിച്ചാല്‍ സുരക്ഷിതവും ആത്മീയത നിറഞ്ഞതുമായ പൊങ്കാല അനുഭവമാക്കാന്‍ സാധിക്കും.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34