എറണാകുളം വൈപ്പിനില് സര്ക്കാര് ജോലി വാഗ്ദാനം ചെയ്ത് യുവതിയില് നിന്നു 47,092 രൂപ തട്ടിയതായി പരാതി. സര്ക്കാര് ഉദ്യോഗസ്ഥന് ആണെന്ന വ്യാജ രേഖ ചമച്ച് സമൂഹമാധ്യമങ്ങളില് പ്രചരണം നടത്തിയ ഇടുക്കി കട്ടപ്പന സ്വദേശി ശ്രീരാജ് ഷിബു, ജോലി തരപ്പെടുത്തി നല്കാമെന്ന് പറഞ്ഞ് ചെറായി രക്തേശ്വരി ഭാഗത്തുള്ള യുവതിയില് നിന്നുമാണ് പണം തട്ടിയത്.
.jpg)
പൊതുവിദ്യാഭ്യാസ വകുപ്പില് ഡെപ്യൂട്ടി സൂപ്രണ്ട് ആണെന്ന് പറഞ്ഞ് സര്ക്കാര് മുദ്രയുള്ള രേഖകളും വ്യാജ സര്ക്കുലറും സര്ക്കാര് ഇമെയില് ഐഡി എന്ന് തോന്നിപ്പിക്കുന്ന തരത്തിലുള്ള വ്യാജ ഐഡിയും ഉപയോഗിച്ചാണ് പ്രതി തട്ടിപ്പിനായി യുവതിയെ സമീപിച്ചത്. ബ്ലോക്ക് റിസോഴ്സസ് സെന്ററിന്റെ കീഴിലുള്ള ഗവ. സ്കൂളില് സൂപ്രണ്ട് ക്വാട്ടയില് ജോലി വാങ്ങിത്തരാം എന്നായിരുന്നു വാഗ്ദാനം.
ഇത് വിശ്വസിച്ച യുവതി ഭര്ത്താവിന്റെയും സഹോദരിയുടെയും ഗൂഗിള് പേ അക്കൗണ്ടില് നിന്നുമാണ് പണം നല്കിയത്. എന്നാല് ജോലി ലഭിക്കാതെ വന്നപ്പോള് പണം തിരികെ ചോദിച്ചു. ഇതു നല്കാതെ വന്നതിനെ തുടര്ന്നാണ് പോലീസില് പരാതി നല്കിയത്. പോലീസ് കേസെടുത്തു അന്വേഷണം ആരംഭിച്ചിട്ടുണ്ട്. മുനമ്പം എസ്ഐ പി.എസ്. സുനിലിന്റെ നേതൃത്വത്തിലാണ് അന്വേഷണം നടക്കുന്നത്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.JPG)
0 Comments