കോട്ടയം ടൗണിൽ മദ്യപസംഘങ്ങൾ ഏറ്റുമുട്ടി....കുത്തേറ്റ് പാമ്പാടി കോത്തല സ്വദേശി മരിച്ചു.

 നഗരമധ്യത്തിൽ സെൻട്രൽ ജംഗ്ഷനിൽ ഇന്നലെ രാത്രി മദ്യപസംഘങ്ങൾ തമ്മിലുണ്ടായ ഏറ്റുമുട്ടലിനിടെ കുത്തേറ്റ് യുവാവ് മരിച്ചു. പാമ്പാടി കോത്തല തടത്തിൽ പുത്തൻ പുതിയിടത്തിൽ വിനീത് (30) ആണ് കുത്തേറ്റ് മരിച്ചത്. സംഭവുമായി ബന്ധപ്പെട്ട് വിജയപുരം മാങ്ങാനം പുത്തൻപറമ്പിൽ ശ്രീകാന്തിനെ പൊലീസ് കൺട്രോൾ റും സംഘം കസ്റ്റഡിയിലെടുത്തു. 

 ശനിയാഴ്ച രാത്രി 11.15 ഓടെ സെൻട്രൽ ജംഗ്ഷനിൽ കേരള ബാങ്കിന് മുന്നിലായിരുന്നു സംഭവം. മദ്യലഹരിയിൽ കോട്ടയം നഗരമധ്യത്തിൽ സാമൂഹിക വിരുദ്ധ സംഘങ്ങൾ തമ്മിൽ ഏറ്റുമുട്ടുകയായിരുന്നു. 

 വിവരം അറിഞ്ഞ് കൺട്രോൾ റും രണ്ടിലെ പോലീസ് ഉദ്യോഗസ്ഥരായ എസ് ഐ ഉദയൻ , എ എസ് ഐ റോഷൻ , സി പി ഒ ബോബി എന്നിവർ സംഭവസ്ഥലത്തെത്തി.  ഈ സമയം കത്തിയുമായി നിൽക്കുകയായിരുന്ന ശ്രീകാന്തിനെ പൊലീസ് സംഘം സാഹസികമായി കീഴ്പ്പെടുത്തി കസ്റ്റഡിയിൽ എടുത്തു..

 തുടർന്ന്, 108 ആംബുലൻസ് വിളിച്ച് വരുത്തി കുത്തേറ്റയാളെ ജില്ലാ ജനറൽ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. പ്രതിയെ കൺട്രോൾ റും വാഹനത്തിൽ തന്നെ കോട്ടയം വെസ്റ്റ് പോലീസ് സ്റ്റേഷൻ എത്തിച്ചു. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34