ബജറ്റിൽ പാലാ കെ.എം. മാണി സിന്തറ്റിക് ട്രാക്ക് സ്റ്റേഡിയത്തിന് 7 കോടി .... ബജറ്റിലൂടെ നടപ്പാക്കുന്നത് ...ജോസ്.കെ.മാണി.എം.പി. യുടെ ആവശ്യം
സ്വന്തം ലേഖകൻ
തുടർച്ചയായി ഉണ്ടായ പ്രളയത്തെ തുടർന്ന് നാശനഷ്ടം സംഭവിച്ച പാലാ നഗരസഭാ സ്റ്റേഡിയത്തിലെ കെ.എം മാണി സ്മാരക സിന്തറ്റിക് ട്രാക്കിൻ്റെ പുനരുദ്ധാരണത്തിനായി നടപടി സ്വീകരിക്കണമെന്ന് ആവശ്യപ്പെട്ട് ജോസ് കെ.മാണി എം.പി മുഖ്യമന്ത്രിയും ധനകാര്യ മന്ത്രിയുമായി ചർച്ച നടത്തിയിരുന്നു.
2017-ൽ സംസ്ഥാന കായിക മേളയേടുകൂടിയാണ് ഇത് ഉദ്ഘാടനം ചെയ്യപ്പെട്ടത്. അന്നത്തെ പ്രൗഡി പാലായ്ക്ക് സ്റ്റേഡിയത്തിന് വീണ്ടെടുക്കേണ്ടതായുണ്ട്, ഫ്ലഡ് ലൈറ്റും, സ്ഥിരം ഗ്യാലറിയും സ്റ്റേഡിയത്തിന് അത്യാവശ്യമാണ്.
മദ്ധ്യകേരളത്തിൽ കൂടുതൽ കായിക താരങ്ങൾ പരിശീലനം തേടുന്നതും നിരവധി കായിക മത്സരങ്ങൾ നടക്കുന്നതുമായ സ്റ്റേഡിയത്തിലെ സിന്തറ്റിക് ട്രാക്ക് പുനരുദ്ധരിക്കേണ്ടതിൻ്റെ ആവശ്യകത ജോസ്.കെ.മാണി എം.പി. ചൂണ്ടിക്കാട്ടിയിരുന്നു. സ്റ്റേഡിയത്തിൻ്റെ അറ്റകുറ്റപണികൾക്കും നവീകരണത്തിനുമായി സ്പോർട്സ് എൻജിനീയറിംഗ് വിഭാഗം ഏഴ് കോടിയോളം രൂപയുടെ ചിലവാണ് കണക്കാക്കിയിരിക്കുന്നത്. ഇതാണിപ്പോൾ ബജറ്റിലൂടെ സാധ്യമാകുന്നത്.
സ്റ്റേഡിയം നിർമ്മാണത്തിന് ബജറ്റിൽ തുക വകയിരുത്തിയ സംസ്ഥാന സർക്കാരിനേയും ഇതിന് ശ്രമം നടത്തിയ ജോസ് കെ. മാണി എം. പി. യേയും ഹൃദയം നിറഞ്ഞ നന്ദി അറിയിക്കുന്നതായി പാലാ നഗരസഭാ ചെയർമാൻ ഷാജു തുരുത്തൻ പറഞ്ഞു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായി
വിളിക്കുക.
70 12 23 03 34
0 Comments