കടലാവകാശം കടലിന്റെ മക്കൾക്ക് നിയമം നിർമ്മിക്കണമെന്നാവശ്യപ്പെട്ട് കേരളാ യൂത്ത്ഫ്രണ്ട് എം തീരദേശ സംരക്ഷണ യാത്ര കാസർഗോഡ്‌ മെയ് 1-ന് ആരംഭിക്കും...

കടലാവകാശം കടലിന്റെ മക്കൾക്ക് നിയമം നിർമ്മിക്കണമെന്നാവശ്യപ്പെട്ട് കേരളാ യൂത്ത്ഫ്രണ്ട് എം തീരദേശ സംരക്ഷണ യാത്ര

കാസർഗോഡ്‌ മെയ് ഒന്നിനാരംഭിക്കും .

യാത്ര മുന്നോട്ട് വെക്കുന്ന ആവശ്യങ്ങൾ

1) കടലവകാശം കടലിന്റെ മക്കൾക്ക് കേന്ദ്രഗവൺമെന്റ് നിയമം നിർമ്മിക്കുക

2) കടൽ മണൽ ഖനനം പൂർണ്ണമായും ഉപേക്ഷിക്കുക

3) കടൽ (C .A .D .A .L )സംഘടന മുന്നോട്ട് വെച്ചിട്ടുള്ള നിർദേശങ്ങൾ കേന്ദ്ര സംസ്ഥാന സർക്കാരുകൾ ഉടൻ നടപ്പിലാക്കുക

തീരദേശത്തെയും അവിടെയുള്ള മൽസ്യത്തൊഴിലാളികളെയും സംരക്ഷിക്കുന്നതിനായി കേരളാ കോൺഗ്രസ് എം ചെയർമാൻ ജോസ് കെ മാണി എം പി പാർലമെന്റിൽ ഉന്നയിച്ച കടലിൻ്റെ അവകാശം കടലിന്റെ മക്കൾക്ക് നിർദേശത്തെ മുൻനിർത്തി കടലാവകാശ നിയമം നിർമ്മിക്കണമെന്ന ആശയം പ്രധാന മുദ്രാവാക്യമായി ഏറ്റെടുത്ത് കടലവകാശ നിയമം നിർമിക്കണമെന്ന് ആവശ്യപ്പെട്ട് കേരള യൂത്ത് ഫ്രണ്ട് എം തീരദേശ സംരക്ഷണ യാത്ര നടത്തുമെന്ന് സംസ്ഥാന പ്രസിഡണ്ട് സിറിയക് ചാഴികാടൻ അറിയിച്ചു.

വനാവകാശ നിയമ നിർമ്മാണത്തിലൂടെ ആദിവാസി ഗോത്ര ജനവിഭാഗങ്ങളെ രാജ്യം സംരക്ഷിച്ചത് പോലെ ബ്ലൂ ഇകോണമി പോളിസി മൂലം ദുരിതത്തിലായ മത്സ്യത്തൊഴിലാളികളെ സംരക്ഷിക്കുവാൻ കടലവകാശ നിയമം നിർമിക്കണമെന്ന് രാജ്യത്ത് ആദ്യമായി പാർലമെന്റിൽ ആവശ്യപ്പെട്ടത് കേരള കോൺഗ്രസ് എം ചെയർമാൻ ജോസ് കെ മാണിയാണ്.ഡൽഹിയിൽ ചേർന്ന സർവ്വകക്ഷി യോഗത്തിലും ഈ ആവശ്യം ഉന്നയിച്ചു.എല്ലാ രാഷ്ട്രീയ പാർട്ടികളും കേരള കോൺഗ്രസ് എം ഉന്നയിച്ച ഈ ആവശ്യത്തിന് പിന്തുണ പ്രഖ്യാപിച്ചു.എത്രയും വേഗം കടലവകാശ നിയമനിർമ്മാണം നടത്തണമെന്നതാണ് തീരദേശ സംരക്ഷണ യാത്രയുടെ പ്രധാന ആവശ്യം.മെയ് ഒന്നിന് കാസർഗോഡ് നിന്നും ആരംഭിച്ച് മെയ് 9 ന് തിരുവനന്തപുരത്ത് സമാപിക്കും.

കേരളത്തിലെ ഒൻപത് തീരദേശ ജില്ലകളിലെ കടൽത്തീര മത്സ്യത്തൊഴിലാളി ഗ്രാമങ്ങളെ ബന്ധിപ്പിച്ചാണ് യാത്ര കടന്നുപോകുന്നത്.കടൽ മണൽ ഖനന പദ്ധതി കേന്ദ്രസർക്കാർ ഉപേക്ഷിക്കുക,സി എ ഡി എ എൽ (കടൽ )എന്ന സന്നദ്ധ സംഘടന മുന്നോട്ടു വച്ചിട്ടുള്ള നിർദ്ദേശങ്ങൾ പൂർണ്ണമായും നടപ്പിലാക്കുക എന്നീ ആവശ്യങ്ങളും തീരദേശ സംരക്ഷണ യാത്രയിൽ ഉന്നയിക്കുന്നുണ്ട് .മെയ് ഒന്നിന് കാസർഗോഡ് കേരള കോൺഗ്രസ് എം ചെയർമാൻ ജോസ് കെ മാണി തീരദേശ സംരക്ഷണ യാത്ര ഉദ്ഘാടനം ചെയ്യും.

ഒൻപത് തീരദേശ ജില്ലകളിലൂടെ സംഘടിപ്പിക്കുന്ന ജാഥയിൽ മന്ത്രി റോഷി അഗസ്റ്റിൻ, തോമസ് ചാഴികാടൻ എക്സ് എം പി ,

ഗവണ്മെന്റ് ചീഫ് വിപ്പ് എൻ ജയരാജ് എം എൽ എ ,അഡ്വ.ജോബ് മൈക്കിൾ എംഎൽഎ, പ്രമോദ് നാരായൺ എം എൽ എ ,സെബാസ്റ്റ്യൻ കുളത്തുങ്കൽ എം എൽ എ ,ഡോ.സ്റ്റീഫൻ ജോർജ്, അഡ്വ.അലക്സ് കോഴിമല,സാജൻ തൊടുക, പാർട്ടിയുടെ വിവിധ പോഷകസംഘടനകളുടെ സംസ്ഥാന പ്രസിഡന്റുമാർ തുടങ്ങിയവർ വിവിധ ജില്ലകളിലെ സമ്മേളങ്ങൾ ഉദ്‌ഘാടനം ചെയ്യും .കാസർഗോഡ് ബീച്ചിൽ ശ്രീകുറുംബാ ഭഗവതീ ക്ഷേത്രത്തിനു സമീപത്ത് നിന്നും ആരംഭിക്കുന്ന തീരദേശ സംരക്ഷണ യാത്ര കണ്ണൂർ ,കോഴിക്കോട് ,മലപ്പുറം, തൃശൂർ ,എറണാകുളം ,ആലപ്പുഴ ,കൊല്ലം ,ജില്ലകളിലൂടെ670 കിലോമീറ്റർ ദൂരം ഒൻപത് ദിവസങ്ങളിലായി സഞ്ചരിച്ച് 50 പോയിന്റുകൾ പിന്നിട്ട് മെയ് ഒൻപതിന് തിരുവനന്തപുരം വിഴിഞ്ഞത്ത് സമാപിക്കും .സമാപന സമ്മേളനം ജോസ് കെ മാണി എം പി ഉദ്‌ഘാടനം ചെയ്യും .

ഇന്ന് പാലായിൽ തീരദേശ സംരക്ഷണ യാത്രയുടെ ക്യാപ്റ്റനും സംസ്ഥാന പ്രസിഡന്റുമായ സിറിയക് ചാഴികാടൻ കെ.എം മാണി സാറിൻ്റെ കല്ലറയിൽ സഹപ്രവർത്തകരോടൊപ്പം എത്തി പ്രാർത്ഥിച്ചു.

അകമ്പടി വാഹനങ്ങളും ഒപ്പമുണ്ടായിരുന്നു. സുനിൽ പയ്യപ്പള്ളി, തോമസുകുട്ടി വരിക്കയിൽ, കരുൺ കൈലാസ്, ടോബിൻ കെ അലക്സ്, ബൈജു കൊല്ലംപറമ്പിൽ, പെണ്ണമ്മ ജോസഫ്, ജയ്സൺമാന്തോട്ടം തുടങ്ങിയവർ ഒപ്പമുണ്ടായിരുന്നു.