പാലായുടെ ദേശീയോത്സവം .... ജൂബിലി തിരുനാളിന് ഒരുക്കങ്ങൾ പൂർത്തിയായതായി ഭാരവാഹികൾ പാലാ പ്രസ്സ് ക്ലബ്ബിൽ പത്ര സമ്മേളനത്തിൽ അറിയിച്ചു ...... ഡിസം. 1 -നാണ് കൊടിയേറ്റ് .......വീഡിയോ ഈ വാർത്തയോടൊപ്പം


പാലായുടെ ദേശീയോത്സവം ....  ജൂബിലി തിരുനാളിന് ഒരുക്കങ്ങൾ പൂർത്തിയായതായി ഭാരവാഹികൾ പാലാ പ്രസ്സ് ക്ലബ്ബിൽ പത്ര സമ്മേളനത്തിൽ അറിയിച്ചു ...... ഡിസം. 1 -നാണ് കൊടിയേറ്റ് .......

സ്വന്തം ലേഖകൻ

പാലാ  ടൗണ്‍ കുരിശുപള്ളിയില്‍ പരിശുദ്ധ അമലോത്ഭവ മാതാവിന്റെ ജൂബിലി തിരുനാള്‍ ഡിസംബര്‍ ഒന്നു മുതല്‍ എട്ടു വരെ ആഘോഷിക്കും. പാലാ കത്തീഡ്രല്‍, ളാലം പഴയപള്ളി, ളാലം പുത്തന്‍പള്ളി ഇടവകകളുടെ ആഭിമുഖ്യത്തിലാണ് തിരുനാള്‍ ആഘോഷം. ഭക്തിനിര്‍ഭരമായ തിരുക്കര്‍മങ്ങള്‍, ബൈബിള്‍ പ്രഭാഷണങ്ങള്‍, പ്രദക്ഷിണം, ഘോഷയാത്ര, ടൂ വീലര്‍ ഫാന്‍സിഡ്രസ് മത്സരം, ബൈബിള്‍ ടാബ്ലോ മത്സരം, മരിയന്‍ റാലി, നാടകമേള, ദീപാലങ്കാരം എന്നിവ ഉണ്ടായിരിക്കും.

ഒന്നിന് വൈകുന്നേരം 5.15ന് ളാലം പഴയപള്ളിയില്‍ വിശുദ്ധ കുര്‍ബാന. ആറിന് കുരിശുപള്ളിയിലേയ്ക്ക് പ്രദക്ഷിണം. കൊടിയേറ്റ്-ഫാ.ജോസ് കാക്കല്ലില്‍ (പ്രസിഡന്റ് ജൂബിലി ആഘോഷക്കമ്മിറ്റി, കത്തീഡ്രല്‍ വികാരി). തുടര്‍ന്നുള്ള തിരുനാള്‍ ദിവസങ്ങളില്‍ പുലര്‍ചെ 5.30നും വൈകുന്നേരം ആറിനും വിശുദ്ധ കുര്‍ബാന. 5.30ന് ജപമാല. ഏഴിന് രാവിലെ 11ന് അമലോത്ഭവ മാതാവിന്റെ തിരുസ്വരൂപം പന്തലില്‍ പ്രതിഷ്ഠിക്കും. 

വീഡിയോ ഇവിടെ കാണാം 👇👇👇




വൈകുന്നേരം ആറിന് കത്തീഡ്രലില്‍നിന്നും ളാലം പുത്തന്‍ പള്ളിയില്‍ നിന്നും കൊട്ടാരമറ്റം സാന്തോം കോംപ്ലക്‌സിലേക്ക് പ്രദക്ഷിണം. രാത്രി 8.15ന് കുരുശുപള്ളിയിലെക്ക് പ്രദക്ഷിണം . പ്രധാന തിരുനാള്‍ ദിനമായ എട്ടിന് രാവിലെ ആറിന് വിശുദ്ധ കുര്‍ബാന. എട്ടിന് പാലാ സെന്റ് മേരീസ് ഹയര്‍ സെക്കന്ററി സ്‌കൂള്‍ വിദ്യാര്‍ഥിനികളുടെ മരിയന്‍ റാലി. രാവിലെ 10 ന് വിശുദ്ധ കുര്‍ബാന, സന്ദേശം-മാര്‍ ജോസഫ് കല്ലറങ്ങാട്ട്. ഉച്ചകഴിഞ്ഞ് 2.30ന് പാലാ ജൂബിലി ഘോഷയാത്ര, ബൈബിള്‍ ടാബ്ലോ മത്സരം, ടൂ വീലര്‍ ഫാന്‍സിഡ്രസ് മത്സരം.  

വൈകുന്നേരം അഞ്ചിന് പട്ടണ പ്രദക്ഷിണം ആരംഭിച്ച് രാത്രി എട്ടിന് പ്രധാന വീഥിയിലൂടെ അമലോത്ഭവ കുരിശുപള്ളിയിലേയ്ക്ക് എത്തും. കത്തീഡ്രല്‍ വികാരി ഫാ.ജോസ് കാക്കല്ലില്‍, ളാലം പഴയപള്ളി വികാരി ഫാ.ജോസഫ് തടത്തില്‍, ളാലം പുത്തന്‍പള്ളി വികാരി ഫാ.ജോര്‍ജ് മൂലേച്ചാലില്‍, ഫാ.ജോസഫ് ആലഞ്ചേരില്‍, ഫാ.ജോബി കുന്നക്കാട്ട്, ഫാ.സെബാസ്റ്റ്യന്‍ ചാമക്കാലായില്‍, ഫാ.സ്‌കറിയ മേനാംപറമ്പില്‍, ഫാ.ജോര്‍ജ് തറപ്പേല്‍, ഫാ.ഐസക് പെരിങ്ങാമലയില്‍, ഫാ.ആന്റണി നങ്ങാപറമ്പില്‍, കൈക്കാരന്മാരായ രാജേഷ് പാറയില്‍, അലക്‌സാണ്ടര്‍ മുളയ്ക്കല്‍, ടോമി പാനായില്‍ തുടങ്ങിയവര്‍ നേതൃത്വം നല്‍കും.


ജൂബിലി ഘോഷയാത്ര

പ്രധാന തിരുനാള്‍ ദിവസമായ എട്ടിന് ഉച്ചകഴിഞ്ഞ് 2.30 മുതല്‍ നാലു വരെ ജൂബിലി ആഘോഷക്കമിറ്റി സംഘടിപ്പിക്കുന്ന പാലാ ജൂബിലി ഘോഷയാത്ര ഉണ്ടായിരിക്കും. സെന്റ് തോമസ് സ്‌കൂള്‍ ഗ്രൗണില്‍ നിന്നും ആരംഭിച്ച് ളാലം പാലം ജംഗ്ഷനില്‍ സമാപിക്കും.
ബൈബിള്‍ ടാബ്ലോ മത്സരം, ടൂവീലര്‍ ഫാന്‍സിഡ്രസ് മത്സരം എന്നിവ നടത്തപ്പെടും. വാദ്യമേളങ്ങള്‍, കലാ-സാസ്‌ക്കാരിക ദൃശ്യരൂപങ്ങള്‍ എന്നിവ അണിനിരക്കും. ബൈബിള്‍ ടാബ്ലോ മത്സരത്തിന് ബൈബിളില്‍ നിന്നല്ലാത്ത പ്രമേയങ്ങള്‍ക്ക് അനുമതി നല്‍കില്ല. പങ്കെടുക്കാന്‍ ആഗ്രഹിക്കുന്നവര്‍ ളാലം പഴയപള്ളി ഓഫീസില്‍ പേര് രജിസ്ട്രര്‍ ചെയ്യണം.


നാടകമേള

സിവൈഎംഎല്‍ സംഘടനയുടെ ആഭിമുഖ്യത്തില്‍ നടത്തപ്പെടുന്ന നാടകമേള ഡിസംബര്‍ ഒന്നു മുതല്‍ അഞ്ചു വരെ തീയതികളില്‍ പാലാ മുനിസിപ്പല്‍ ടൗണ്‍ ഹാളില്‍ നടത്തപ്പെടും. ഡിസംബര്‍ ഒന്നിന് രാത്രി 7.15 ന് നാടകമേളയുടെ ഉദ്ഘാടനം. ദിവസവും രാത്രി 7.30ന് നാടകമേള അരങ്ങേറും. 


ഒന്നിന് കൊല്ലം കടക്കാവൂരിന്റെ വിക്ടറി ആര്‍ട്‌സ ക്ലബ്, രണ്ടിന് ഇടപ്പാള്‍ നാദം കമ്യൂണിക്കേഷന്‍സിന്റെ കാഴ്ചബംഗ്‌ളാവ്, മൂന്നിന് തിരുവനന്തപുരം സൗപര്‍ണികയുടെ താഴ്‌വാരം, നാലിന് കൊല്ലം അമ്മ തീയേറ്റര്‍ പീപ്പിളിന്റെ ഭഗത്സിംഗ് പുലിമട പി.ഓ. കൊല്ലം, അഞ്ചിന് ആറ്റിങ്ങല്‍ ശ്രീധന്യയുടെ ആനന്ദഭൈരവി എന്നീ നാടകങ്ങള്‍ അരങ്ങേറും.



"യെസ് വാർത്ത''യിൽ 
വാർത്തകൾ കൊടുക്കുന്നതിനും, 
പരസ്യങ്ങൾ ചെയ്യുന്നതിനുമായും , 
വാർത്താ സംബന്ധമായ കാര്യങ്ങൾക്കും       
വിളിക്കുക.
 70 12 23 03 34


Post a Comment

0 Comments