ഇടുക്കിയിൽ ചുട്ടുപൊള്ളുന്ന വേനൽ; കാർഷിക മേഖല പ്രതിസന്ധിയിൽ, കുടിവെള്ളത്തിന് നെട്ടോട്ടം

വേ​ന​ല്‍ ക​ന​ത്തു തു​ട​ങ്ങി​യ​തിനിടെ വ​രാ​നി​രി​ക്കു​ന്ന​ത് ക​ടു​ത്ത ചൂ​ടിന്‍റെ ദി​ന​ങ്ങ​ളാ​യി​രി​ക്കു​മെ​ന്ന സൂ​ച​ന​ക​ള്‍ കാ​ലാ​വ​സ്ഥാ വി​ഭാ​ഗം ന​ല്‍​കി​യ​തോ​ടെ ജി​ല്ല ആ​ശ​ങ്ക​യി​ല്‍. ഇ​തി​നോ​ട​കംത​ന്നെ ജി​ല്ല​യു​ടെ പ​ല​ഭാ​ഗ​ത്തും ജ​ല​ക്ഷാ​മം അ​നു​ഭ​വ​പ്പെ​ട്ടു തു​ട​ങ്ങി​യി​ട്ടു​ണ്ട്. ഏ​താ​നും ദി​വ​സ​ങ്ങ​ള്‍​ക്കു​ള്ളി​ല്‍ വേ​ന​ല്‍ മ​ഴ ല​ഭി​ച്ചി​ല്ലെ​ങ്കി​ല്‍ വ​രുംദി​വ​സ​ങ്ങ​ളി​ല്‍ കു​ടി​വെ​ള്ളക്ഷാ​മം അ​തീ​വ രൂ​ക്ഷ​മാ​കു​മെ​ന്നാ​ണ് സൂ​ച​ന. 

 ജ​നു​വ​രി പ​കു​തി​യോ​ടെ ഉ​യ​ര്‍​ന്ന പ്ര​ദേ​ശ​ങ്ങ​ളി​ല്‍ ജ​ല​ക്ഷാ​മം അ​നു​ഭ​വ​പ്പെ​ട്ടു തു​ട​ങ്ങി​യി​രു​ന്നു. കു​ന്നി​ന്‍ മു​ക​ളി​ലു​ള്ള നീ​ര്‍​ച്ചാ​ലു​ക​ള്‍ വ​ര​ണ്ടു​ണ​ങ്ങിത്തു​ട​ങ്ങി. ജ​ല​സ​മൃ​ദ്ധ​മാ​യി​രു​ന്ന പ​ല വെ​ള്ള​ച്ചാ​ട്ട​ങ്ങ​ളും തോ​ടു​ക​ളും നീ​രൊ​ഴു​ക്കു നി​ല​ച്ച അ​വ​സ്ഥ​യി​ലാ​ണ്. ഹൈ​റേ​ഞ്ചി​നെ ജ​ല​സ​മൃ​ദ്ധ​മാ​ക്കു​ന്ന പെ​രി​യാ​ര്‍ പോ​ലും വ​ര​ണ്ടുതു​ട​ങ്ങി. ജ​ലസ്രോ​ത​സു​ക​ളും വ​റ്റി​ത്തു​ട​ങ്ങി​യ​തോ​ടെ വെ​ള്ള​ത്തി​നാ​യി കി​ലോ​മീ​റ്റ​റു​ക​ള്‍ സ​ഞ്ച​രി​ക്കേ​ണ്ട അ​വ​സ്ഥ​യാ​ണു പ​ല​യി​ട​ത്തും സം​ജാ​ത​മാ​യി​രി​ക്കു​ന്ന​ത്. 

 കാ​ര്‍​ഷി​ക മേ​ഖ​ല​യെ ബാ​ധി​ക്കും 

 വേ​ന​ല്‍ കാ​ര്‍​ഷി​ക മേ​ഖ​ല​യി​ലും ക​ടു​ത്ത ആ​ശ​ങ്ക​യാ​ണ് സൃ​ഷ്ടി​ക്കു​ന്ന​ത്. ഹൈ​റേ​ഞ്ചി​ല്‍ ന​ന്നാ​യി ജ​ല​സേ​ച​നം ആ​വ​ശ്യ​മു​ള്ള ഏ​ലം, ജാ​തി, ഫ​ല​വ​ര്‍​ഗ കൃ​ഷി എ​ന്നി​വ ഇ​പ്പോ​ള്‍ വ്യാ​പ​ക​മാ​യു​ണ്ട്. വേ​ന​ലി​ന്‍റെ ആ​രം​ഭ​ത്തി​ല്‍ത​ന്നെ ജ​ല​സ്രോ​ത​സു​ക​ള്‍ വ​റ്റി​ത്തു​ട​ങ്ങി​യ​തോ​ടെ ചെ​ടി​ക​ള്‍ ന​ന​യ്ക്കാ​നാ​വാ​ത്ത അ​വ​സ്ഥ​യി​ലാ​ണ് ക​ര്‍​ഷ​ക​ര്‍. 

 ഏ​ല​ച്ചെ​ടി​ക​ളെ ഇ​പ്പോ​ള്‍ത​ന്നെ വേ​ന​ല്‍​ച്ചൂ​ട് ബാ​ധി​ച്ചുക​ഴി​ഞ്ഞു. വേ​ണ്ട​ത്ര ന​ന ല​ഭി​ക്കാ​ത്ത​തി​നാ​ല്‍ ജാ​തി​ച്ചെ​ടി​ക​ളി​ല്‍ കാ​യ്ക​ള്‍ വ്യാ​പ​ക​മാ​യി പൊ​ഴി​ഞ്ഞുതു​ട​ങ്ങി. കു​രു​മു​ള​കു ചെ​ടി​ക​ളെ​യും ചൂ​ട് ദോ​ഷ​ക​ര​മാ​യി ബാ​ധി​ക്കു​ന്നു​ണ്ട്. ജി​ല്ല​യി​ല്‍ ഏ​താ​നും വ​ര്‍​ഷ​മാ​യി സ​ജീ​വ​മാ​യി ചെ​യ്യു​ന്ന ഫ​ല​വ​ര്‍​ഗ കൃ​ഷി​യെ​യും ക​ടു​ത്ത ചൂ​ട് പ്ര​തി​കൂ​ല​മാ​യി ബാ​ധി​ക്കും.

 

 ജ​ലം പാ​ഴാ​കു​ന്നു 

 ക​ടു​ത്ത വ​ര​ള്‍​ച്ച​യി​ല്‍ നാ​ട്ടു​കാ​ര്‍ ശു​ദ്ധജ​ല​ത്തി​നാ​യി നെ​ട്ടോ​ട്ട​മോ​ടു​മ്പോ​ള്‍ ജ​ല​വി​ത​ര​ണ പൈ​പ്പു​ക​ള്‍ പൊ​ട്ടി വലിയ അളവിൽ വെ​ള്ളം പാ​ഴാ​കു​ന്ന​തും പ​തി​വു കാ​ഴ്ച​യാ​ണ്. ജി​ല്ല​യി​ല്‍ ക​ട​ലാ​സി​ല്‍ ഒ​തു​ങ്ങി​യ​തും പാ​തി​വ​ഴി​യി​ല്‍ നി​ല​ച്ച​തു​മാ​യ ഒ​ട്ടേ​റെ ശു​ദ്ധ​ജ​ല പ​ദ്ധ​തി​ക​ളു​ണ്ട്. വ​ര​ള്‍​ച്ച മു​ന്നി​ല്‍​ക്ക​ണ്ട് മെ​ല്ലെ​പ്പോ​ക്ക് അ​വ​സാ​നി​പ്പി​ച്ച് പ​രി​ഹാ​ര ന​ട​പ​ടി​ക​ള്‍ സ്വീ​ക​രി​ച്ചാ​ല്‍ നാ​ടി​നു പ്ര​യോ​ജ​ന​ക​ര​മാ​കു​ന്ന പ​ദ്ധ​തി​ക​ളാ​ണ് ഇ​വ​യി​ല്‍ ഭൂ​രി​ഭാ​ഗ​വും. മൂ​ന്നു പ​ഞ്ചാ​യ​ത്തു​ക​ളി​ല്‍ ജ​ലവി​ത​ര​ണം സാ​ധ്യ​മാ​ക്കു​ന്ന മ​ല​ങ്ക​ര സ​മ്പൂ​ര്‍​ണ കു​ടി​വെ​ള്ളപ​ദ്ധ​തി നി​ര്‍​മാ​ണ​ത്തി​ന്‍റെ അ​വ​സാ​ന​ഘ​ട്ട​ത്തി​ലാ​ണ്.ചൂ​ടി​നെ പ്ര​തി​രോ​ധി​ക്കാ​ന്‍ ക​ന​ത്ത ചൂ​ടി​നെ പ്ര​തി​രോ​ധി​ക്കാ​ന്‍ ജ​ന​ങ്ങ​ള്‍ വി​വി​ധ മാ​ര്‍​ഗ​ങ്ങ​ൾ തേ​ടു​മ്പോ​ള്‍ ക​ട​ക​ളി​ലും വി​ല്‍​പ്പ​ന​ത്തി​ര​ക്കേ​റി. 

എ​സി, ഫാ​ന്‍, കു​പ്പി​വെ​ള്ളം, ശീ​ത​ളപാ​നീ​യ​ങ്ങ​ള്‍ എ​ന്നി​വ​യു​ടെ വി​ല്‍​പ്പ​ന​യി​ല്‍ വ​ര്‍​ധ​ന​യു​ണ്ട്. നേ​ര​ത്തേ ഫാ​ന്‍ കൈ​യ​ട​ക്കി​യി​രു​ന്ന സ്ഥാ​ന​ത്ത് ഇ​പ്പോ​ള്‍ എ​സി​യു​ടെ കാ​ല​മാ​ണ്. ഒ​രു കാ​ല​ത്ത് ആ​ഡം​ബ​ര​മാ​യി ക​ണ​ക്കാ​ക്കി​യി​രു​ന്ന എ​സി ഇ​പ്പോ​ള്‍ വീ​ടു​ക​ളി​ല്‍ അ​വ​ശ്യ​വ​സ്തു​വാ​യി മാ​റി. വേ​ന​ലി​ന്‍റെ തു​ട​ക്ക​ത്തി​ല്‍ത​ന്നെ എ​യ​ര്‍ ക​ണ്ടീ​ഷ​ണ​ര്‍ വി​ല്‍​പ്പ​ന ഉ​യ​ര്‍​ന്നു. ഫെ​ബ്രു​വ​രി, മാ​ര്‍​ച്ച്, ഏ​പ്രി​ല്‍ മാ​സ​ങ്ങ​ളി​ലാ​ണ് എ​സി വി​ല്‍​പ്പ​ന​യി​ലെ കു​തി​പ്പ്. ജി​ല്ല​യി​ലെ പ്ര​ധാ​ന ടൗ​ണു​ക​ളി​ലെ ഗൃ​ഹോ​പ​ക​ര​ണ ശാ​ല​ക​ളി​ലെ​ല്ലാം എ​സി വി​ല്‍​പ്പ​ന ത​കൃ​തി​യാ​യി. വി​വി​ധ ക​മ്പ​നി​ക​ളും വി​ല്‍​പ്പ​ന​ശാ​ല​ക​ളും ആ​ക​ര്‍​ഷ​ണീ​യ​മാ​യ ഒ​ട്ടേ​റെ ഓ​ഫ​റു​ക​ളും പ്ര​ഖ്യാ​പി​ച്ചി​ട്ടു​ണ്ട്. എ​സി​ക്കു മാ​ത്ര​മ​ല്ല ഫ്രി​ഡ്ജി​നും വി​ല്‍​പ്പ​ന കൂ​ടി​യി​ട്ടു​ണ്ട്. ഫാ​നു​ക​ള്‍​ക്കും നേ​രി​യ​തോ​തി​ല്‍ വി​ല്‍​പ്പ​ന കൂ​ടി​യി​ട്ടു​ണ്ട്. വ​രും ദി​വ​സ​ങ്ങ​ളി​ല്‍ ആ​വ​ശ്യ​ക്കാ​ര്‍ കൂ​ടു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ള്‍. 

 കു​തി​ക്കു​ന്നു കു​പ്പി​വെ​ള്ളം 

 ചൂ​ടു കൂ​ടി​യ​തോ​ടെ കു​പ്പി​വെ​ള്ള​ത്തി​ന്‍റെ വി​ൽപ്പ​ന കു​തി​ച്ചു​യ​ര്‍​ന്നു. ഒ​രു ലി​റ്റ​ർ കു​പ്പി​വെ​ള്ള​ത്തി​നു പു​റ​മേ ഓ​ഫീ​സു​ക​ളി​ലും മ​റ്റും ഉ​പ​യോ​ഗി​ക്കു​ന്ന 20 ലി​റ്റ​ര്‍ ജാ​ര്‍ വെ​ള്ള​ത്തി​നും ഇ​പ്പോ​ള്‍ ഡി​മാ​ന്‍​ഡ് വ​ര്‍​ധി​ച്ചി​ട്ടു​ണ്ട്. 

ഒ​രു ലി​റ്റ​ര്‍ ​കു​പ്പി​വെ​ള്ള​ത്തി​ന് 20 രൂ​പ​യാ​ണ് ക​ട​ക​ളി​ല്‍ നി​ര​ക്ക്. 20 ലി​റ്റ​റി​ന് 60 രൂ​പ​യും. ചൂ​ടു കൂ​ടി​യ​തോ​ടെ കു​പ്പി​വെ​ള്ളം ക​രു​താ​തെ യാ​ത്ര​ക​ള്‍ സാ​ധ്യ​മ​ല്ലാ​ത്ത സ്ഥി​തി​യാ​യി. സ​ര്‍​ക്കാ​ര്‍ കു​പ്പിവെ​ള്ള​മാ​യ ഹി​ല്ലി അ​ക്വാ ലി​റ്റ​റി​ന് പ​ത്തു രൂ​പ​യ്ക്ക് ല​ഭി​ക്കും. 

 ത​ണു​പ്പി​ക്കാ​ന്‍ ശീ​ത​ളപാ​നീ​യം ക​രി​ക്കി​നും ക​രി​മ്പി​ന്‍ ജ്യൂ​സി​നും ത​ണ്ണി​മ​ത്ത​നു​മെ​ല്ലാം ഡി​മാ​ന്‍​ഡ് ഏ​റി. ത​മി​ഴ്‌​നാ​ട്ടി​ല്‍നി​ന്നു വ​ന്‍തോ​തി​ലാ​ണ് ത​ണ്ണി​മ​ത്ത​ന്‍ ജി​ല്ല​യി​ലെ​ത്തു​ന്ന​ത്. പാ​ത​യോ​ര​ങ്ങ​ളി​ല്‍ ക​രി​ക്ക് വി​ല്‍​പ്പ​ന​യും ത​കൃ​തി​യാ​ണ്. മി​ക്ക​യി​ട​ങ്ങ​ളി​ലും 70 മു​ത​ല്‍ 80 വ​രെ​യാ​ണ് ക​രി​ക്കി​ന് വി​ല. വേ​ന​ല്‍ ക​ണ​ക്കി​ലെ​ടു​ത്താ​ണ് 80 രൂ​പ​യാ​യി ഉ​യ​ര്‍​ത്തി​യ​ത്. നാ​ട​ന്‍ ക​രി​ക്കി​നു പു​റ​മേ ത​മി​ഴ്‌​നാ​ട്ടി​ല്‍നി​ന്നു​ള്ള ക​രി​ക്കും വി​പ​ണി​യി​ലു​ണ്ട്. ക​രി​മ്പി​ന്‍ ജൂസി​ന്‍റെ വി​ല്‍​പ്പന​യും ത​കൃ​തി​യാ​ണ്.  പ​ച്ച​മു​ള​കും ക​റി​വേ​പ്പി​ല​യും ഉ​പ്പും ചേ​ര്‍​ത്ത നാ​ട​ന്‍ സം​ഭാ​ര​വും വി​ല്‍​പ്പന​യ്ക്കു​ണ്ട്. ബേ​ക്ക​റി​ക​ളി​ലും ജൂ​സ് പാ​ര്‍​ല​റു​ക​ളി​ലും ഫ്ര​ഷ് ലൈം, ​സോ​ഡാ നാ​ര​ങ്ങാ​വെ​ള്ളം, ഫ്ര​ഷ് ജൂസു​ക​ള്‍, ഷേ​ക്കു​ക​ള്‍ എ​ന്നി​വ​യ്ക്ക് ആ​വ​ശ്യ​ക്കാ​ര്‍ കൂ​ടി​യി​ട്ടു​ണ്ട്. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34