നിയമസഭ തെരഞ്ഞെടുപ്പില് പാലക്കാട്ടെ യുഡിഎഫ് സ്ഥാനാര്ഥിയായി മത്സരിക്കുന്ന തന്റെ ഉറ്റ സുഹൃത്ത് രമേഷ് പിഷാരടിക്ക് നല്കിയ ഉപദേശത്തെക്കുറിച്ച് പറഞ്ഞ് നടൻ ധര്മജന് ബോൾഗാട്ടി. മൂവി വേള്ഡ് മീഡിയയ്ക്ക് നല്കിയ അഭിമുഖത്തിൽ സംസാരിക്കുകയായിരുന്നു ധർമജൻ. “ഉപദേശിക്കാനൊന്നുമില്ല. അവന് അത്യാവശ്യം നല്ല അറിവുള്ള ഒരാളാണ്.
അത്യാവശ്യം വിദ്യാഭ്യാസമുള്ള ആളാണ്. രാഷ്ട്രീയപരമായിട്ട് അവന് എന്തൊക്കെയാണെന്ന് എനിക്ക് അറിയില്ല. നന്നായിട്ട് പഠിക്കണം രാഷ്ട്രീയം. കോമഡിയല്ല രാഷ്ട്രീയം. ജനങ്ങളുടെ ഇടയിലേക്ക് ഇറങ്ങിച്ചല്ലേണ്ടതാണ്. അത് ഞാന് പറഞ്ഞിട്ടുണ്ട്.
ഞാന് പിന്നെ അവനോട് പറഞ്ഞ ഒരു കാര്യം ഇത്തിരി പൈസ മുടക്കൊക്കെ ഉണ്ടാവും, പൈസയൊക്കെ കരുതി വച്ചോ എന്നാണ്. അങ്ങനെയൊരു ഉപദേശം ഞാന് കൊടുത്തിട്ടുണ്ട്. കാശ് മുടക്കല് ഇതില് പറഞ്ഞിട്ടുള്ളതാണ്. ഫ്ലെക്സ് അടിക്കണം, അനൗണ്സ്മെന്റ് നടത്തണം അങ്ങനെ പല ചിലവുകളുമുണ്ട്. അത് ഞാന് പറഞ്ഞിട്ടുണ്ടെന്നേയുള്ളൂ. ബാക്കി കാര്യത്തിന് അവന് ഓക്കെയാണ്”.- ധർമജൻ പറഞ്ഞു.
തന്റെ രാഷ്ട്രീയത്തെക്കുറിച്ചും അഭിമുഖത്തില് ധര്മജന് വ്യക്തമാക്കി. “എന്റേത് ഒരു കോണ്ഗ്രസ് കുടുംബമാണ്. എന്റെ അച്ഛന് 30 വര്ഷത്തിലേറെ മണ്ഡലം ഭാരവാഹി ഒക്കെ ആയിരുന്നു. എന്റെ ചേട്ടനും യൂത്ത് കോണ്ഗ്രസിന്റെ മണ്ഡലം ഭാരവാഹിയാണ്.
ഞാനും അങ്ങനെ വഴി വെട്ടി വന്നതാണ്. എന്റെ അച്ഛന് മരിച്ചപ്പോഴും അമ്മച്ചി മരിച്ചപ്പോഴും കോണ്ഗ്രസ് പതാക പുതപ്പിച്ചിരുന്നു. ആ കോണ്ഗ്രസ് പതാക ഇട്ടേ ഞാനും പോകൂ.- ധർമജൻ കൂട്ടിച്ചേർത്തു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments