ക്രിസ്ത്യാനിയുടെ 'പേറ്റന്റ്' രാഷ്ട്രീയ നേതാക്കള് ഏറ്റെടുക്കണ്ട; വാക്കുകളില് മിതത്വം പാലിക്കണം
എഫ്.സി.ആര്. ഭേദഗതി ബില്ലിലെ വിവാദ വ്യവസ്ഥകള് പിന്വലിക്കണമെന്ന ക്രൈസ്തവസഭാ മേലദ്ധ്യക്ഷന്മാരുടെ പ്രതികരണങ്ങള്ക്കെതിരെ ചില രാഷ്ട്രീയ നേതാക്കളില് നിന്നുയരുന്ന അപസ്വരങ്ങള് അപക്വവും നീതിക്ക് നിരക്കാത്തതുമാണെന്ന് കെ.സി.ബി.സി. മദ്യവിരുദ്ധ സമിതി വക്താവും സംസ്ഥാന സെക്രട്ടറിയുമായ പ്രസാദ് കുരുവിള.
ക്രിസ്ത്യാനിയുടെ 'പേറ്റന്റ്' (കുത്തകാവകാശം) ഒരു രാഷ്ട്രീയ പാര്ട്ടിയും ഏറ്റെടുക്കണ്ട. സഭാപിതാക്കന്മാരുടെ ആശങ്കകള്ക്കെതിരെ വെല്ലുവിളിച്ച് പ്രതികരിക്കുന്ന രാഷ്ട്രീയ പാര്ട്ടി നേതാക്കള് ഒരു കാര്യം ഓര്മ്മിക്കുന്നത് ഉചിതമായിരിക്കും സമുദായ നേതാക്കളോ, ബിഷപ്പുമാരോ നിങ്ങളുടെ ആരുടെയും അടിമകളല്ലെന്നുള്ളത്.
തെരഞ്ഞെടുപ്പ് അടുക്കുമ്പോള് അരമനകള് കയറിയിറങ്ങുകയും, തെരഞ്ഞെടുപ്പ് കഴിയുമ്പോള് 'പാലം കടക്കുവോളം നാരായണ പാലം കടന്നുകഴിഞ്ഞാല് കൂരായണ', പ്രതിഭാസം ഇവിടെ വിലപ്പോവില്ല. വിരട്ടിയാല് വിരളുന്നവരല്ല സഭാനേതൃത്വം. രാഷ്ട്രീയപാര്ട്ടികളുടെ ചരടില് സമുദായങ്ങളെ കെട്ടിയിടാമെന്ന് ആരും വ്യാമോഹിക്കേണ്ട. ആരും തലമറന്ന് എണ്ണ തേക്കരുത്.
ഒരു രാഷ്ട്രീയക്കാരനും ക്രിസ്ത്യാനിയെ ചുമക്കണ്ട. രണ്ടരശതമാനം വരുന്ന ക്രിസ്ത്യാനികളാണ് ഈ രാജ്യത്ത് ആതുരാലയങ്ങളും വിദ്യാകേന്ദ്രങ്ങളും നിര്മ്മിച്ച് ആരോഗ്യരംഗത്തും വിദ്യാഭ്യാസ രംഗത്തും വിപ്ലവം സൃഷ്ടിച്ചതെന്ന കാര്യം രാഷ്ട്രീയ നേതാക്കള് വിസ്മരിക്കരുത്.
ജീവകാരുണ്യ പ്രവര്ത്തനങ്ങളും ക്രൈസ്തവ സഭകളുടെ മുഖമുദ്രയാണ്.
എഫ്.സി.ആര്. വിഷയത്തില് ബിഷപ്പുമാരുടെ ആശങ്കയില് സഭാമക്കളുടെ സമ്പൂര്ണ്ണ പിന്തുണ അറിയിക്കുന്നു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments