പാലാ സോഷ്യൽ വെൽഫെയർ സൊസൈറ്റിയുടെ നേതൃത്വത്തിൽ പാലാ അഗ്രിമ കാർഷിക നഴ്സറിയുടെ സഹകരണത്തോടെ കാഞ്ഞിരമറ്റം മാർ സ്ലീവാ പള്ളിയുടെ പാരിഷ് ഹാളിൽ വെച്ച് കാഞ്ഞിരമറ്റം അഗ്രി ഫെസ്റ്റ് എന്ന പേരിൽ സംഘടിപ്പിക്കുന്ന കാർഷികമേള നാളെ (ഞായറാഴ്ച) നടക്കും.
രാവിലെ ആറരയ്ക്ക് ആരംഭിക്കുന്ന കാർഷിക മേളയിൽ ഹൈബ്രിഡ് പച്ചക്കറി തൈകൾ, നാടൻ - വിദേശ ഫല വൃക്ഷ തൈകൾ, പുതിയ ഇനം പച്ചക്കറി വിത്തുകൾ, കാർഷിക മൂല്യ വർദ്ധിത ഉത്പന്നങ്ങൾ, കാർഷിക വിഭവങ്ങൾ , കാർഷിക വിളകൾ എന്നിവയുടെ പ്രദർശനവും വിപണനവും ഉണ്ടായിരിക്കുന്നതാണ്. വിവിധ ജൈവ വളങ്ങൾ, കീടനാശിനികൾ, ചെടിച്ചട്ടികൾ, കൃഷി ഉപകരണങ്ങൾ തുടങ്ങിയവ മേളയിൽ ലഭ്യമാണ്.
അഗ്രി ഫെസ്റ്റിൻ്റെ ഉദ്ഘാടനം വികാരിയും ഫെഡറേഷൻ രക്ഷാധികാരിയുമായ ഫാ. ജോസഫ് മണ്ണനാൽ നിർവ്വഹിക്കും. സഹവികാരിയും ഡയറക്ടറുമായ ഫാ. ജോസഫ് മഠത്തിപ്പറമ്പിൽ അദ്ധ്യക്ഷത വഹിക്കും. പി.എസ്.ഡബ്ലിയു.എസ്. രൂപതാ ഡയറക്ടർ ഫാ. തോമസ് കിഴക്കേൽ ആദ്യ വിൽപ്പന നിർവ്വഹിക്കും. ഗ്രാമ പഞ്ചായത്ത് വൈസ് പ്രസിഡൻ്റ് മാത്തുക്കുട്ടി ഞായർകുളം, സഹകരണ ബാങ്ക് പ്രസിഡൻ്റ് ജോജി ആലയ്ക്കൽ, ഫെഡറേഷൻ ഭാരവാഹികളായ ഡാൻ്റീസ് കൂനാനിക്കൽ, ജയ്മോൻ പുത്തൻപുരയ്ക്കൽ എന്നിവർ പ്രസംഗിക്കും.
റീജിയൺ കോർഡിനേറ്റർ സിബി കണിയാംപടി, സോൺ കോർഡിനേറ്റർ ജിജി സിൻറ്റോ , മാർക്കറ്റിങ്ങ് ഓഫീസർ സാജു വടക്കൻ, കാപ്കോയുടെയും ഫെഡറേഷൻ്റെയും ഭാരവാഹികളായ സണ്ണി കളരിക്കൽ, ടോം ജേക്കബ് ആലയ്ക്കൽ, ജോർജുകുട്ടി കുന്നപ്പള്ളി, തോമസ് കൈപ്പൻപ്ലാക്കൽ, ജോസഫ് തോമസ്, ടോമി മുടന്തിയാനി, സെബാസ്റ്റ്യൻ ആരുശ്ശേരിൽ, ബെന്നി വേങ്ങത്താനം, ഷേർളി ടോം, മിനി ജോസ്, മേരി മാത്യു, മിനി ജോണി തുടങ്ങിയവർ നേതൃത്വം കൊടുക്കും. വിവിധയിനം തെങ്ങിൻ തൈകൾ, മാവിൻ തൈകൾ, പ്ലാവിൻ തൈകൾ , ടിഷ്യൂകൾച്ചർ വാഴ വിത്തുകൾ, മറയൂർ ചന്ദനതൈകൾ, പച്ചക്കറി തൈകൾ, ചെടിച്ചട്ടികൾ എന്നിവ കാർഷിക മേളയിൽ ലഭ്യമാണ്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
 ){kind=link}
0 Comments