കേരള കോണ്‍ഗ്രസിന്റെ ഈറ്റില്ലമാണ് കടുത്തുരുത്തി എന്നും കടുത്തുരുത്തി മണ്ഡലം തിരികെ പിടിക്കുമെന്നും പാര്‍ട്ടി ചെയര്‍മാന്‍ ജോസ് കെ മാണി എംപി പറഞ്ഞു. മാണി സാറിന്റെ വിയര്‍പ്പും അധ്വാനവും ആണ് കേരള കോണ്‍ഗ്രസിനെ ഇന്നത്തെ നിലയില്‍ എത്തിച്ചുതെന്നും പ്രതിസന്ധിഘട്ടത്തില്‍ കേരള കോണ്‍ഗ്രസിനെ ചതിച്ചവര്‍ക്ക് കാലം മാപ്പു കൊടുക്കില്ലെന്നും അദ്ദേഹം പറഞ്ഞു. യൂത്ത് ഫ്രണ്ട് എം കടുത്തുരുത്തി നിയോജക മണ്ഡലം റാലിയും സമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു ജോസ് കെ മാണി എംപി.
കടുത്തുരുത്തി മിനി സിവില്‍ സ്റ്റേഷനു മുന്നില്‍ ചേര്‍ന്ന യോഗത്തില്‍ യൂത്ത് ഫ്രണ്ട് എം നിയോജക മണ്ഡലം പ്രസിഡണ്ട് ബിബിന്‍ വെട്ടിയാനിക്കല്‍ അധ്യക്ഷത വഹിച്ചു. സമ്മേളനത്തിന് മുന്നോടിയായി ബ്ലോക്ക് ജംഗ്ഷനില്‍ നിന്നും ആരംഭിച്ച റാലിയില്‍ ആയിരക്കണക്കിന് യൂത്ത് ഫ്രണ്ട് പ്രവര്‍ത്തകര്‍ അണിനിരന്നു. യുവശക്തി വിളിച്ചോതുന്ന റാലിയും പൊതുസമ്മേളനവും കേരള യൂത്ത് ഫ്രണ്ടും കടുത്തുരുത്തി നിയോജകമണ്ഡലം കമ്മിറ്റിയുടെ ആഭിമുഖ്യത്തിലാണ് സംഘടിപ്പിച്ചത്.
കേരള കോണ്‍ഗ്രസ് എം നേതാക്കളായ തോമസ് ചാഴികാടന്‍, ജോസ് പുത്തന്‍കാല, സണ്ണി തെക്കേടം, ലോപ്പസ് മാത്യു, പി എം മാത്യു, തോമസ് ടി കീപ്പുറം, യൂത്ത് ഫ്രണ്ട് സംസ്ഥാന പ്രസിഡണ്ട് സിറിയക് ചാഴികാടന്‍, ജോര്‍ജ് സെബാസ്റ്റ്യന്‍ പാലക്കത്തടം, ജില്ലാ ഭാരവാഹികളായ ജോസഫ് മഠത്തുംപടിക്കല്‍ ,ഷിബി മാപ്പിള പറമ്പില്‍, ലിജു മേക്കാട്ട്, ഷിജോ ചേന്നേലി തുടങ്ങിയവര്‍ പ്രസംഗിച്ചു. കടുത്തുരുത്തി നിയോജകമണ്ഡലത്തിലെ 11 പഞ്ചായത്തുകളില്‍ നിന്ന് 12 മണ്ഡലം കമ്മിറ്റികളിലെ പ്രതിനിധികളായി നൂറു കണക്കിന് പ്രവര്‍ത്തകര്‍ റാലിയില്‍ പങ്കുചേര്‍ന്നു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments