ഏകരോഗ്യമാതൃക മനുഷ്യരാശിക്ക് അനിവാര്യം: പ്രൊഫ. ഡോ. സി.ടി അരവിന്ദകുമാര്
ഏകരോഗ്യമാതൃക മനുഷ്യരാശിയുടെ പുരോഗതിക്ക് അനിവാര്യമാണെന്ന് മഹാത്മാ ഗാന്ധി യുണിവേഴ്സിറ്റി വൈസ് ചാന്സിലര് പ്രൊഫ. ഡോ. സി.ടി അരവിന്ദകുമാര് അഭിപ്രായപ്പെട്ടു. മനുഷ്യരുടെയും, മൃഗങ്ങളുടെയും, ആവാസവ്യവസ്ഥയുടെയും ആരോഗ്യം പരസ്പരം ബന്ധപ്പെട്ടിരിക്കുന്നു എന്നും ഈ ബന്ധം മെച്ചപ്പെടുത്തുന്നതിനുള്ള ഏകരോഗ്യമാതൃകാ സമീപനം ബഹുമേഖലാ വിദ്യാഭ്യാസത്തിലൂടെ സാധ്യമാണെന്നും അദ്ദേഹം കൂട്ടിച്ചേര്ത്തു.
പാലാ സെന്റ് തോമസ് കോളേജ് ഓഫ് ടീച്ചര് എജുക്കേഷനില് “ആരോഗ്യം, ക്ഷേമം, സാങ്കേതികവിദ്യ എന്നിവയുടെ സമന്വയം - ഇരുപത്തിയൊന്നാം നൂറ്റാണ്ടിലെ ബഹുമേഖലാ വിദ്യാഭ്യാസത്തിനായൊരു സമഗ്രദര്ശനം” എന്ന വിഷയത്തില് സംഘടിപ്പിച്ച ദ്വിദിന ദേശിയ സെമിനാര് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോളേജ് പ്രിന്സിപ്പല് പ്രൊഫ.ഡോ.ടി.സി. തങ്കച്ചന് അദ്ധ്യക്ഷനായിരുന്ന സമ്മേളനത്തില് വൈസ് പ്രിന്സിപ്പല് ഡോ.ലവീന ഡോമിനിക് സ്വാഗതവും ഡോ.സുരമ്യ മത്തായി കൃതജ്ഞതയും പറഞ്ഞു.
കര്ണാടക സെന്ട്രല് യുണിവേഴ്സിറ്റിയിലെ പ്രൊഫ. തിയാഗു, കോട്ടയം ഗവണ്മെന്റ് കോളേജിലെ പ്രൊഫ. അഗസ്റ്റിന് ജോര്ജ്, കോട്ടയം ഗവണ്മെന്റ് മെഡിക്കല് കോളേജിലെ പ്രൊഫ. വറുഗീസ് പുന്നൂസ്, പാലാ മാര്, സ്ലീവാ മെഡിസിറ്റിയിലെ ഡോ. പൌളിന് ബാബു, യോഗ ഇന്റര് നാഷണല് അവാര്ഡ് ജേതാവ് ജോയല് ജോസ് എന്നിവര് സെമിനാര് നയിച്ചു.
രാജ്യത്തെ വിവിധ യുണിവേഴ്സിറ്റികളില് നിന്നും, കോളേജുകളില് നിന്നുമുള്ള അധ്യാപകരും, ഗവേഷകരും, വിദ്യാര്ഥികളും പങ്കെടുത്ത സെമിനാറില് 150 ല് പരം പ്രബന്ധങ്ങള് അവതരിപ്പിച്ചു. നാളെ ഉച്ചകഴിഞ്ഞു മൂന്നു മണിക്ക് നടക്കുന്ന സമാപനസമ്മേളനത്തില് കേരള യുണിവേഴ്സിറ്റി യു,ജി,സി-എം.എം.ടി.ടി.സി. ഡയറക്ടര് പ്രൊഫ. സി.എ.ജോസുകുട്ടി സന്ദേശം നല്കുന്നതും സെമിനാറില് അവതരിപ്പിക്കപ്പെട്ട പ്രബന്ധങ്ങള് ഉള്ക്കൊള്ളിച്ച പുസ്തകത്തിന്റെ പ്രകാശനകര്മ്മം നിര്വഹിക്കുന്നതുമാണ്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
0 Comments