അനാഥമായി റോഡ് സൈഡിൽ ജനറേറ്റർ; അപകടം അരികെ

അനാഥമായി റോഡ് സൈഡിൽ   ജനറേറ്റർ; അപകടം അരികെ

സ്വന്തം ലേഖകൻ

റോഡ് പണിക്കായി എത്തിച്ച ജനറേറ്റർ റോഡ് പണി കഴിഞ്ഞ്   2 മാസം കഴിഞ്ഞിട്ടും റോഡ് സൈഡിൽ അനാഥമായി കിടക്കുന്നത് അപകടത്തിന് കാരണമാകുന്നു. കൊല്ലപ്പള്ളി -മേലുകാവ് റോഡിൽ കവലവഴിമുക്കിനു സമീപം ഓട നിർമാണത്തിനായി കൊണ്ടുവന്ന ജനറേറ്ററാണ് ടാർപോളിൻ പൊതിഞ്ഞ് റോഡ് സൈഡിൽ കിടക്കുന്നത്. 

ഓട നിർമാണം പൂർത്തിയായി രണ്ടു മാസം കഴിഞ്ഞിട്ടും ജനറേറ്റർ നീക്കാൻ അധികാരികൾ തയ്യാറായിട്ടില്ല. വാഹനങ്ങൾ വളരെ അടുത്തു വരുമ്പോൾ മാത്രമേ ഇത് കാണുവാൻ സാധിക്കുകയുള്ളു. ഈ ഭാഗത്ത് വാഹനങ്ങൾക്ക് സൈഡ് കൊടുക്കാനും കഴിയുന്നില്ല. പലപ്പോഴും വാഹനങ്ങൾ അപകടത്തിൽ പെടാത്തത് ഭാഗ്യം കൊണ്ടു മാത്രം. 

അടുത്തെത്തി കഴിയുമ്പോൾ വാഹനങ്ങൾ ജനറേറ്ററിൽ ഇടിക്കാതെ വെട്ടിച്ചു മാറ്റുകയാണ് പതിവ്. മറ്റ് മുന്നറിയിപ്പ് ബോർഡുകൾ ഒന്നും ഇവിടെ സ്ഥാപിച്ചിട്ടില്ല. ഈ പ്രദേശത്ത് വഴിവിളക്കുകൾ തെളിയാത്തതും അപകടത്തിന് കാരണമായേക്കാം. അടിയന്തരമായി ഈ ജനറേറ്റർ റോഡിൽ നിന്നും നീക്കം ചെയ്ത് അപകടം ഒഴിവാക്കണമെന്നാണ് നാട്ടുകാരുടെ ആവശ്യം.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34