ഒരു വോട്ടിന്റെ വില; കൗതുകമായി വയനാട് വെള്ളമുണ്ട പഞ്ചായത്തിലെ കരിങ്ങാരി വാര്‍ഡ്

Yes Vartha Editor December 13, 2025

ഒരു വോട്ട് അല്ലേ, അത് സാരമില്ല എന്നൊക്കെ എഴുതിത്തള്ളുന്നവരോട്… ആ വീട്ടില്‍ നിന്ന് ഒരു വോട്ടല്ലേ കിട്ടാനുള്ളൂ, അത് വിട്ടേക്ക്… ഇങ്ങനെയൊക്കെയുള്ള പതിവ് പല്ലവികള്‍ കേള്‍ക്കാറുണ്ട്. എന്നാല്‍ ഒരു വോട്ടിന്റെ വില എത്രയാണെന്ന് മനസിലാകുന്ന ജനവിധിയാണ് വയനാട് വെള്ളമുണ്ട ഗ്രാമപഞ്ചായത്തിലെ കരിങ്ങാരി വാര്‍ഡിലേത്.

ഫോട്ടോഫിനിഷിലാണ് ഫലം. വാര്‍ഡില്‍ വിജയിച്ച സിപിഎമ്മിന്റെ ഉണ്ണാച്ചി മൊയ്തു 375 വോട്ട് നേടിയപ്പോള്‍ ഒരു വോട്ടു വ്യത്യാസത്തില്‍ മാത്രം പിന്നിലെത്തിയത് ബിജെപിയുടെ മനോജ് പടക്കോട്ടുമ്മല്‍ , 374 വോട്ട്. കോണ്‍ഗ്രസിലെ ടി കെ മുഹമ്മദലിയാണ് മൂന്നാം സ്ഥാനത്ത് 373 വോട്ട്. രണ്ടും മൂന്നും സ്ഥാനാര്‍ഥികള്‍ തമ്മിലുള്ള വ്യത്യാസവും ഒരു വോട്ട് മാത്രം.