നവീകരിച്ച ദേവസ്വം ശ്രീകൃഷ്ണ റെസ്റ്റ് ഹൗസ് ഭക്തർക്ക് സമർപ്പിച്ചു

നവീകരിച്ച ദേവസ്വം  ശ്രീകൃഷ്ണ റെസ്റ്റ് ഹൗസ് ഭക്തർക്ക് സമർപ്പിച്ചു

ശ്രീഗുരുവായൂരപ്പൻ്റെ പരമഭക്തയായിരുന്ന കുറൂരമ്മയുടെ പേരിൽ പ്രശസ്തമായ ക്ഷേത്രംപടിഞ്ഞാറെ നടയിലെ ശ്രീകൃഷ്ണ റെസ്റ്റ് ഹൗസ് ഭക്തർക്കായി സമർപ്പിച്ചു..ഗുരുവായൂർ ക്ഷേത്ര ദർശനത്തിനെത്തുന്ന ഭക്തർക്ക് കുറഞ്ഞ നിരക്കിൽ ഇവിടെ  താമസിക്കാം. മാത്രമല്ല ദർശനത്തിനെത്തുന്ന ഭക്തർക്ക് പ്രസാദ ഊട്ടിൽ പങ്കെടുക്കാനുള്ള കൂപ്പൺ നൽകാനും ദേവസ്വം നടപടിയെടുക്കും. മറ്റ് ദേവസ്വം റെസ്റ്റ് ഹൗസുകളിൽ ഈ സൗകര്യം ഭാവിയിൽ ഏർപ്പെടുത്താനും ആലോചനയുണ്ട്.

 നവീകരിച്ച ശ്രീകൃഷ്ണ റെസ്റ്റ് ഹൗസിൻ്റെ സമർപ്പണം  ഇന്ന് നടന്നു. രാവിലെ 10മണിയോടെ നടന്ന ചടങ്ങിൽ  ദേവസ്വം ചെയർമാൻ ഡോ.വി.കെ വിജയൻ  നാട മുറിച്ച് നവീകരിച്ച റെസ്റ്റ് ഹൗസിൻ്റെ ഉദ്ഘാടനം നിർവ്വഹിച്ചു.

ശിലാഫലകവും അദ്ദേഹം അനാച്ഛാദനം ചെയ്തു. ദേവസ്വം ഭരണസമിതി അംഗങ്ങളായ സർവ്വശ്രീ.സി.മനോജ്, കെ.പി.വിശ്വനാഥൻ , മനോജ് ബി നായർ, അഡ്മിനിസ്ട്രേറ്റർ ഒ.ബി.അരുൺകുമാർ, ഡപ്യൂട്ടി അഡ്മിനിസ്ട്രേറ്റർമാരായ ടി.രാധിക, എം രാധ, മരാമത്ത് വിഭാഗം C.E. M.V. രാജൻ ,E.E എം.കെ.അശോക് കുമാർ, AEമാരായ  ഇ.കെ. നാരായണൻകുട്ടി, അനൂപ് കൃഷ്ണൻ, H.S രാജീവ് M.N, PRO വിമൽ ജി നാഥ്, മാനേജർ ഷാജു ശങ്കർ, അസി.മാനേജർ മാരായ സത്യൻ, ജിഷഎന്നിവർ സന്നിഹിതരായി. റെസ്റ്റ് ഹൗസ് വൈകാതെ തന്നെ  ഭക്തജനങ്ങൾക്ക് തുറന്ന് നൽകും.പരമ്പരാഗത രീതിയിൽ ആകർഷണീയമായ Landscaping  പ്രവർത്തികളോടെയാണ് കെട്ടിടം നിർമ്മിച്ചിരിക്കുന്നത്.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34