ഏറ്റുമാനൂരിലെ എസ്യുസിഐ (കമ്യൂണിസ്റ്റ്) സ്ഥാനാര്ഥി ആഷ്ന തമ്പി സംസ്ഥാനത്ത് മത്സരിക്കുന്ന ഏറ്റവും ആസ്തി കുറഞ്ഞയാളാണ്. സ്വന്തം പണമല്ല, മറിച്ച് മനുഷ്യനെ സഹായിക്കാനുള്ള മനസ്സാണ് പൊതു പ്രവര്ത്തിനത്തിന് വേണ്ടതെന്ന ആത്മവിശ്വാസത്തിലാണ് ആഷ്ന തമ്പിയുടെ തെരഞ്ഞെടുപ്പ് പോരാട്ടം. വെറും 40 രൂപ ആയിരുന്നു പത്രിക നല്കിയ ദിവസം ഈ 26 കാരിയുടെ കൈയില് ഉണ്ടായിരുന്നത്.
അക്കൗണ്ടില് 44 രൂപയും. ഇതാണ് പത്രികയ്ക്ക് ഒപ്പം സമര്പ്പിച്ച ആസ്തി വിവരത്തിന്റെ വിശദാംശങ്ങള്.കോട്ടയം പ്രസ് ക്ലബ്ബിൽ നിന്നും ജേണലിസം പി.ജി. ഡിപ്ലോമ നേടിയിട്ടുള്ള ആഷ്ന പാര്ട്ടിയുടെ മീഡിയ കോഓര്ഡിനേറ്റർ , പാർട്ടി ജില്ലാ കമ്മിറ്റി അംഗം, തിരുവാര്പ്പ് ലോക്കല് കമ്മിറ്റി അംഗം, എ.ഐ.ഡി.എസ്.ഒ സംസ്ഥാന സെക്രട്ടേറിയേറ്റംഗം തുടങ്ങിയ ചുമതലകളും വഹിക്കുന്നു.
എറണാകുളം അരയന്കാവ് സ്വദേശികളായ ആഷ്നയുടെ മാതാപിതാക്കളും മുഴുവന് സമയ പാര്ട്ടി പ്രവര്ത്തകരാണ്.ആശവര്ക്കര്മാര് തിരുവനന്തപുരത്ത് നടത്തിയ സമരത്തിന് ഐക്യദാര്ഢ്യവു മായി ആഷ്ന മുടിമുറിച്ച് പ്രതിഷേധിച്ചിരുന്നു. മഹാരാജാസ് കോളജില് എ.ഐ.ഡി.എസ്.ഒ.യെ പ്രതിനിധീകരിച്ച് മത്സരിച്ചതാണ് നേരത്തെയുള്ള തെരഞ്ഞെടുപ്പ് അനുഭവം.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments