കനത്ത മഴയിൽ ദുരിതബാധിതർക്ക് അഭയമൊരുക്കണം : മാർ ജോസഫ് കല്ലറങ്ങാട്ട്

കനത്ത മഴയിൽ ദുരിതബാധിതർക്ക് അഭയമൊരുക്കണം : മാർ ജോസഫ് കല്ലറങ്ങാട്ട്

  സംസ്ഥാനത്ത് അതിതീവ്ര മഴയും വെള്ളപ്പൊക്കവും രൂക്ഷമായ സാഹചര്യത്തിൽ ദുരിതബാധിതർക്ക് സഹായം ഒരുക്കണമെന്ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്.

ദുരിതം അനുഭവിക്കുന്നവർക്ക് അടിയന്തര അഭയം നൽകുന്നതിനായി രൂപതയുടെ കീഴിലുള്ള എല്ലാ സ്ഥാപനങ്ങളും സ്കൂളുകളും കോളേജുകളും ഇടവകകളും സോഷ്യൽ വെൽഫെയർ സൊസൈറ്റികളും തുറന്നു നൽകാൻ രൂപതാധ്യക്ഷൻ മാർ ജോസഫ് കല്ലറങ്ങാട്ടിന്റെ അധ്യക്ഷതയിൽ  അടിയന്തരമായി ഓൺലൈനിൽ ചേർന്ന രൂപത കൂരിയായുടെയും ആലോചനസമിതിയുടെയും പാസ്റ്ററൽ, പ്രസ്ബിറ്ററൽ കൗൺസിലുകളുടെ ചെയർമാൻ, സെക്രട്ടറിമാർ എന്നിവരുടെയും യോഗത്തിൽ തീരുമാനിച്ചു.

യോഗത്തിൽ SJCET-ൽ ജോലി ചെയ്തിരുന്ന ജോസഫൈന്റെയും അമ്മയുടെയും നിര്യാണത്തിൽ അനുശോചനം രേഖപ്പെടുത്തി. തുടർന്ന് കൈപ്പള്ളി, പെരിങ്ങുളം, അടുക്കം, വാഗമൺ, കുടയത്തൂർ, മൂലമറ്റം, പയ്യാനിത്തോട്ടം,തീക്കോയി, പൂഞ്ഞാർ തുടങ്ങിയ പ്രദേശങ്ങളിലെ നാശനഷ്ടങ്ങളും പ്രത്യേക സാഹചര്യങ്ങളും വിലയിരുത്തി. ബന്ധപ്പെട്ട ഇടവകകളിലെ വികാരി അച്ചന്മാർക്ക് ആവശ്യമായ സഹായ പ്രവർത്തനങ്ങൾ ഏകോപിപ്പിക്കാനും നിർദേശം നൽകി.

യോഗത്തിൽ മുഖ്യവികാരി ജനറാൾ റവ. ഫാ. ജോസഫ് തടത്തിൽ  വികാരി ജനറൽമാരായ റവ. ഫാ. സെബാസ്റ്റ്യൻ വേത്താനത്ത്, റവ. ഫാ. ജോസഫ് കണിയോടിക്കൽ, രൂപത പ്രോക്യൂറേറ്റർ റവ ഫാ. ജോസ് മുത്തനാട്ട്, ചാൻസലർ റവ. ഫാ. ജോസഫ് കുറ്റിയാങ്കൽ പ്രസബിറ്ററൽ കൗൺസിൽ സെക്രട്ടറി റവ. ഫാ. മാത്യു ആലപ്പാട്ടുമേടയിൽ,

 പാസ്റ്ററൽ കൗൺസിൽ ചെയർമാൻ ഡോ വി പി ദേവസ്യ, പാസ്റ്ററൽ കൗൺസിൽ സെക്രട്ടറി അഡ്വ. സിജി ആന്റണി, SJCET കോളേജ് ഡയറക്ടർ റവ. ഫാ ജെയിംസ് മംഗലത്തിൽ, അഡ്വ സാം സണ്ണി ഓടയ്ക്കൽ എന്നിവർ പങ്കെടുത്തു.

മഴക്കെടുതിയിൽ വീട് നഷ്ടപ്പെട്ടവർക്കും സുരക്ഷിത താവളം ആവശ്യമുള്ളവർക്കും അടുത്തുള്ള ഇടവകകളുമായും രൂപതയുടെ സോഷ്യൽ വെൽഫെയർ സൊസൈറ്റിയുമായും ബന്ധപ്പെടാൻ രൂപത അറിയിച്ചു.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34