വിമാനയാത്രയ്ക്കിടെ കണ്ട വിചിത്ര വസ്തുവിനേക്കുറിച്ച് പറഞ്ഞ് നടി ദിവ്യപ്രഭ. മുംബൈയില് നിന്ന് കൊച്ചിയിലേക്കുള്ള യാത്രയ്ക്കിടെയാണ് വിചിത്ര വസ്തു താരത്തിന്റെ കാമറ കണ്ണില് പതിഞ്ഞത്.
ഇതിന്റെ ചിത്രങ്ങള്ക്കൊപ്പമാണ് ദിവ്യപ്രഭ കുറിപ്പ് പങ്കുവച്ചത്.മേഘങ്ങള്ക്കിടയിലൂടെ വിചിത്രമായ വസ്തു പറക്കുന്നതും നിമിഷങ്ങള്ക്കുള്ളില് അത് അപ്രത്യക്ഷമാവുന്നതുമാണ് കണ്ടത് എന്നാണ് ദിവ്യ പ്രഭ കുറിച്ചത്. പറക്കും തളികയാണോ എന്ന സംശയവും താരം പങ്കുവച്ചു.
'മുംബൈയില് നിന്ന് കൊച്ചിയിലേക്കുള്ള യാത്രയില്, കൊച്ചിയില് ഇറങ്ങുന്നതിന് ഏതാണ്ട് ഒരു മണിക്കൂറുകള്ക്ക് മുന്പ് ആകാശത്തിന്റെ ചിത്രം എടുക്കുകയായിരുന്നു. പെട്ടന്ന് ഞാന് എന്റെ ഫോണിന്റെ ക്യാമറയിലൂടെ എന്തോ കണ്ടു.
മേഘങ്ങള്ക്കിടയിലൂടെ വിചിത്രമായ വസ്തു പറക്കുന്നതും നിമിഷങ്ങള്ക്കുള്ളില് അത് അപ്രത്യക്ഷമാവുകയും ചെയ്തു. അതെന്താണെന്ന് എനിക്ക് മനസ്സിലാകുന്നില്ല. അതൊരു യുഎഫ്ഒ (പറക്കും തളിക) ആണോ?'- ദിവ്യപ്രഭ കുറിച്ചു.
നിരവധി പേരാണ് പോസ്റ്റിന് താഴെ കമന്റുമായി എത്തിയിരിക്കുന്നത്. ശ്ശേടാ എന്നാലും എന്തായിരിക്കും എന്നാണ് സംവിധായിക ഇന്ദു എസ് കുറിച്ചത്. രസകരമായ കമന്റുകളും പോസ്റ്റ്ന് താഴെ വരുന്നുണ്ട്. നാസ അറിഞ്ഞാല് ആളെ പൊക്കി അമേരിക്കയ്ക്ക് കൊണ്ടുപോകും എന്നായിരുന്നു ഒരാള് കുറിച്ചത്.
0 Comments