കരൂര്‍ ശ്രീഭഗവതി ക്ഷേത്രത്തിലെ പ്രതിഷ്ഠാദിന മഹോത്സവം 18 മുതല്‍ 21 വരെ ദിവസങ്ങളില്‍ ആഘോഷിക്കും.
പുതിയതായി നിര്‍മ്മിച്ച തിരുവരങ്ങിന്റെ സമര്‍പ്പണവും കലാപരിപാടികളുടെ ഉദ്ഘാടനവും 18-ന് വൈകിട്ട് 6-ന് ഗുരുവായൂര്‍ ക്ഷേത്രം മുന്‍ മേല്‍ശാന്തി ഡോ. ശിവകരന്‍ നമ്പൂതിരി നിര്‍വ്വഹിക്കും. തുടര്‍ന്ന് വിവിധ കലാപരിപാടികള്‍.
19-ന് രാവിലെ 5.30 ന് വിശേഷാല്‍ പൂജകള്‍, മഹാമൃത്യുഞ്ജയ ഹോമം, വൈകിട്ട് പ്രാസാദ ശുദ്ധിക്രിയകള്‍, വാസ്തുഹോമം, കളമെഴുത്തും പാട്ടും, രാത്രി 8.45ന് മ്യൂസിക് പാലായുടെ ട്രാക്ക് ഗാനമേള.
20-ന് രാവിലെ 5.30 മുതല്‍ ക്ഷേത്രത്തിലെ പതിവ് ചടങ്ങുകള്‍, വൈകിട്ട് 4-ന് ആനിക്കാട് കൃഷ്ണകുമാറിന്റെ പ്രാമാണിത്തില്‍ പഞ്ചാരിമേളം, 5-ന് ഗജറാണി കുമാരനെല്ലൂര്‍ പുഷ്പ തിടമ്പേറ്റുന്ന ദേശപ്പുറപ്പാട്, ദേശതാലപ്പൊലി, മുണ്ടുപാലം കവലയില്‍ സമൂഹപ്പറ, തിരിച്ചെഴുന്നള്ളത്ത്, ദീപാരാധന, കളമെഴുത്തും പാട്ടും, രാത്രി 8.30ന് താളം കോട്ടയം അവതരിപ്പിക്കുന്ന തിരുവാതിരകളി, 9-ന് കോട്ടയം നാദം കലാസമിതിയുടെ മെഗാഷോ.
21-ന് രാവിലെ 7-ന് ശബരിമല തന്ത്രി കണ്ഠരര് മഹേഷ് മോഹനരരുടെ കാര്‍മ്മികത്വത്തില്‍ കലശപൂജ, കലശാഭിഷേകം, മറ്റക്കര മനുവിന്റെ പ്രമാണിത്തില്‍ പഞ്ചവാദ്യം, സര്‍പ്പത്തിന് നൂറും പാലും, 11.30 മുതല്‍ മഹാപ്രസാദമൂട്ട്, 12-ന് കൊച്ചിന്‍ മന്‍സൂര്‍ അവതരിപ്പിക്കുന്ന 'ഗാനാമൃതം', വൈകിട്ട് 6-ന് രാമപുരം ഉണ്ണികൃഷ്ണന്റെ സോപാനസംഗീതം, തുടര്‍ന്ന് ദീപാരാധന, കളമെഴുത്തും പാട്ടും, പുറക്കളത്തില്‍ ഗുരുതി, അമ്പാറ അരുണിന്റെ പ്രമാണത്തില്‍ ചെണ്ടമേളം.
പത്രസമ്മേളനത്തില്‍ രമേശ് പി.ആര്‍, ബിജു കുമാര്‍ ജി, എസ്.അഭിലാഷ്, അഡ്വ.അഭിജിത്ത് എസ്, അനൂപ്കുമാര്‍ ജി, അരുണ്‍ നെല്ലിത്താനത്ത് എന്നിവര്‍ പങ്കെടുത്തു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായി
വിളിക്കുക.
70 12 23 03 34
0 Comments