ജില്ലാ തല റിപബ്ലിക് ദിനാഘോഷം ഞായറാഴ്ച പോലീസ് പരേഡ് ഗ്രൗണ്ടിൽ


 ജില്ലാതല റിപബ്ലിക് ദിനാഘോഷം ജനുവരി 26ന് (ഞായറാഴ്ച)
രാവിലെ കോട്ടയം പോലീസ് പരേഡ് ഗ്രൗണ്ടിൽ നടക്കും. രാവിലെ 9.00 മണിക്ക് സഹകരണ-തുറമുഖം-ദേവസ്വം വകുപ്പുമന്ത്രി വി.എൻ. വാസവൻ പതാക ഉയർത്തും. തുടർന്ന് സല്യൂട്ട് സ്വീകരിക്കും. പരേഡിൽ 28 പ്ലാറ്റൂണുകൾ പങ്കെടുക്കും. ചടങ്ങുകൾ രാവിലെ 8.35ന് ആരംഭിക്കും.
 പോലീസ്, എക്‌സൈസ്, വനംവകുപ്പ്, അഗ്നിരക്ഷാസേന, എന്നിവയുടെ അഞ്ചു പ്ലാറ്റൂണുകൾ, എൻ.സി.സി. സീനിയർ, ജൂനിയർ ഡിവിഷനുകളിലായി ഏഴു പ്ലാറ്റൂണുകൾ, സ്റ്റുഡന്റ് പോലീസ് കേഡറ്റിന്റെ അഞ്ചു പ്ലാറ്റൂണുകൾ, സ്‌കൗട്ട്, ഗൈഡ്‌സ് വിഭാഗത്തിൽനിന്ന് നാലുപ്ലാറ്റൂണുകൾ, ജൂനിയർ റെഡ്‌ക്രോസ് വിഭാഗത്തിൽ രണ്ടു പ്ലാറ്റൂണുകൾ, എന്നിവയ്‌ക്കൊപ്പം മൂന്നു ബാൻഡ് പ്ലാറ്റൂണുകളും പരേഡിൽ അണിനിരക്കും.


ജില്ലാ പോലീസ് ആസ്ഥാനത്തെ (ഡി.എച്ച്.ക്യൂ) അസിസ്റ്റന്റ് കമാൻഡന്റ് എം.സി. ചന്ദ്രശേഖരൻ ആണ് പരേഡ് കമാൻഡർ. ഡി.എച്ച്.ക്യൂ റിസർവ് സബ് ഇൻസ്‌പെക്ടർ പി.എം. സുനിൽ ആണ് സെക്കൻഡ് ഇൻ കമാൻഡ്.
ഡി.എച്ച്.ക്യൂ പ്ലാറ്റൂണിനെ റിസർവ് സബ് ഇൻസ്‌പെക്ടർ എസ്. എം. സുനിൽ,  കേരള സിവിൽ പോലീസ് പ്ലാറ്റൂണിനെ കോട്ടയം ഈസ്റ്റ് സ്‌റ്റേഷൻ സബ് ഇൻസ്‌പെക്ടർ റിയാസ്, വനിതാ പോലീസ് പ്ലാറ്റൂണിനെ കടുത്തുരുത്തി സ്‌റ്റേഷൻ സബ് ഇൻസ്‌പെക്ടർ ശരണ്യ എസ്. ദേവൻ, എക്‌സൈസ് പ്ലാറ്റൂണിനെ കോട്ടയം എക്‌സൈസ് ഡിവിഷൻ ഓഫീസ് എക്‌സൈസ് ഇൻസ്‌പെക്ടർ കെ.എസ്. ഷാഫി അരവിന്ദാക്ഷൻ, ഫോറസ്റ്റ്  പ്ലാറ്റൂണിനെ മുറിഞ്ഞപുഴ ഡെപ്യൂട്ടി റേഞ്ച് ഫോറസ്റ്റ് ഓഫീസർ കെ. സുനിൽ എന്നിവർ നയിക്കും.


 എൻ.സി.സി. ഡിവിഷനിൽ എൻ.സി.സി. സീനിയർ ആർമി ആൺകുട്ടികളുടെ വിഭാഗത്തിൽ കോട്ടയം സി.എം.എസ്. കോളജ്, കോട്ടയം,എം.ഡി. എച്ച്.എസ്.എസ്.  പെൺകുട്ടികളുടെ വിഭാഗത്തിൽ കോട്ടയം ബസേലിയസ് കോളജ്, കോട്ടയം സി.എം.എസ്. കോളജ്, കോട്ടയം എം.ഡി. സെമിനാരി എച്ച്.എസ്. എന്നീ സ്‌കൂളുകളുടെ പ്ലാറ്റൂണുകൾ അണിനിരക്കും. എൻ.സി.സി. ജൂനിയർ ആർമി ആൺകുട്ടികളുടെ വിഭാഗത്തിൽ വടവാതൂർ ജവഹർ നവോദയ, പെൺകുട്ടികളുടെ വിഭാഗത്തിൽ വടവാതൂർ ജവഹർ നവോദയ, കുമരകം എസ്.കെ.എം, കഞ്ഞിക്കുഴി മൗണ്ട് കാർമൽ ജി.എച്ച്.എസ്. എന്നീ സ്‌കൂളുകളുടെ പ്ലാറ്റൂണുകൾ ഉണ്ടാകും.  


 സ്റ്റുഡന്റ് പോലീസ് കേഡറ്റ് വിഭാഗത്തിൽ പെൺകുട്ടികളുടെ വിഭാഗത്തിൽ കോട്ടയം ബേക്കർ മെമ്മോറിയൽ  ജി.എച്ച്.എസ്., കഞ്ഞിക്കുഴി മൗണ്ട് കാർമൽ ജി.എച്ച്.എസ്., ഏറ്റുമാനൂർ മോഡൽ റെസിഡൻഷ്യൽ സ്‌കൂൾ, മണർകാട് ഇൻഫാന്റ് ജീസസ് സ്‌കൂൾ, കോട്ടയം എം.ഡി. സെമിനാരി സ്‌കൂൾ, സ്‌കൗട്ട്‌സ് വിഭാഗത്തിൽ കുടമാളൂർ സെന്റ് മേരീസ് യു.പി. സകൂൾ, പുതുപ്പള്ളി ഡോൺ ബോസ്‌കോ, ഗൈഡ്‌സ് വിഭാഗത്തിൽ കോട്ടയം ബേക്കർ മെമ്മോറിയൽ ജി.എച്ച്.എസ്, കോട്ടയം എം.ഡി. സെമിനാരി എച്ച്.എസ്.എസ്., ജൂനിയർ റെഡ് ക്രോസ് വിഭാഗത്തിൽ കഞ്ഞിക്കുഴി മൗണ്ട് കാർമൽ ജി.എച്ച്.എസ്. കോട്ടയം എം.ഡി. സെമിനാരി എച്ച്.എസ്.എസ് എന്നീ പ്ലാറ്റൂണുകൾ പങ്കെടുക്കും. 


ഏറ്റുമാനൂർ മോഡൽ റെസിഡൻഷ്യൽ സ്‌കൂൾ, കട്ടച്ചിറ മേരി മൗണ്ട് പബ്ലിക് സ്‌കൂൾ, കോട്ടയം മൗണ്ട് കാർമൽ ജി.എച്ച്.എസ് എന്നീ സ്‌കൂളുകൾ ബാൻഡ് പളാറ്റൂണുകളായി അണിനിരക്കും.  ജില്ലാ പോലീസ് ആസ്ഥാനത്തെ അസിസ്റ്റന്റ് സബ് ഇൻസ്‌പെക്ടർ വിൽസൺ വി. ജോൺ ആയിരിക്കും ബാൻഡ് മാസ്റ്റർ.  കോട്ടയം മൗണ്ട് കാർമൽ ജി.എച്ച്.എസ്, ബേക്കർ മെമ്മോറിയൽ ജി.എച്ച്.എസ്. എന്നിവർ ദേശഭക്തി ഗാനങ്ങൾ അവതരിപ്പിക്കും.


"യെസ് വാർത്ത''യിൽ 
വാർത്തകൾ കൊടുക്കുന്നതിനും, 
പരസ്യങ്ങൾ ചെയ്യുന്നതിനുമായും , 
വാർത്താ സംബന്ധമായ കാര്യങ്ങൾക്കും       
വിളിക്കുക.
 70 12 23 03 34

Post a Comment

0 Comments