സിപിഎം വിമത കല രാജു യുഡിഎഫ് സ്ഥാനാര്ത്ഥി.... കൂത്താട്ടുകുളം നഗരസഭ ചെയര്പേഴ്സണ് തെരഞ്ഞെടുപ്പ് നാളെ.
കൂത്താട്ടുകുളം നഗരസഭ ചെയര്പേഴ്സണ് തെരഞ്ഞെടുപ്പ് നാളെ നടക്കും. സിപിഎം വിമത അംഗം കല രാജു യുഡിഎഫിന്റെ ചെയര്പേഴ്സണ് സ്ഥാനാര്ത്ഥിയാകും. ചെയര്പേഴ്സണ് സ്ഥാനത്തേക്ക് തന്നെ പരിഗണിക്കണമെന്ന് കല രാജു യുഡിഎഫ് നേതൃത്വത്തോട് അഭ്യര്ത്ഥിച്ചിരുന്നു.
അനൂപ് ജേക്കബ് എംഎല്എ, എറണാകുളം ഡിസിസി പ്രസിഡന്റ് മുഹമ്മദ് ഷിയാസ് എന്നിവരുടെ നേതൃത്വത്തില് ചേര്ന്ന യുഡിഎഫ് പാര്ലമെന്ററി പാര്ട്ടി യോഗത്തിലാണ് കല രാജുവിനെ സ്ഥാനാര്ത്ഥിയാക്കാന് തീരുമാനിച്ചത്. ഈ മാസം അഞ്ചിന് യുഡിഎഫ് കൊണ്ടു വന്ന അവിശ്വാസം പാസ്സായതോടെയാണ് ഇടതുമുന്നണിക്ക് ഭരണം നഷ്ടമായത്.
അവിശ്വാസപ്രമേയത്തില് സിപിഎം വിമത കല രാജു, സ്വതന്ത്ര അംഗം പി ജി സുനില് കുമാര് എന്നിവര് യുഡിഎഫിനെ പിന്തുണച്ചിരുന്നു. വൈസ് ചെയര്മാന് സ്ഥാനത്തേക്ക് സ്വതന്ത്ര അംഗം പി ജി സുനില്കുമാറിനെയാണ് യുഡിഎഫ് പരിഗണിക്കുന്നത്. കഴിഞ്ഞ ജനുവരിയില് അവിശ്വാസ പ്രമേയ ചര്ച്ച നടക്കാനിരിക്കെ കൗണ്സിലര് കല രാജുവിനെ സിപിഎം പ്രവര്ത്തകര് തട്ടിക്കൊണ്ടു പോയത് വിവാദമായി മാറിയിരുന്നു..
0 Comments