അന്ത്യാളം പള്ളിയില്‍ വിശുദ്ധ മത്തായി ശ്ലീഹായുടെ തിരുനാളിന് ഇന്ന് വൈകിട്ട് കൊടിയേറി
അന്ത്യാളം പള്ളിയില്‍ ഇടവക മദ്ധ്യസ്ഥനായ വിശുദ്ധ മത്തായി ശ്ലീഹായുടെ തിരുനാളിന് കൊടിയേറി. ഇന്ന് വൈകുന്നേരം കര്‍ദിനാള്‍ മാര്‍ ജോര്‍ജ് ആലഞ്ചേരി കൊടിയേറ്റു കര്‍മ്മം നിര്‍വഹിച്ചു. രാത്രി ഏഴിന് നടന്ന മെന്റലിസ്റ്റ് നിപിന്‍ നിരവത്തിന്റെ മെഗാഷോ ശ്രദ്ധേയമായി.
നാളെ വൈകുന്നേരം അഞ്ചിന് വിശുദ്ധ കുര്‍ബാന, സന്ദേശം-മാര്‍ ജേക്കബ് മുരിക്കന്‍. 6.45 ന് ജപമാല പ്രദക്ഷിണം. 7.30ന് ലൈറ്റ് ഷോ. എട്ടിന് സ്‌നേഹവിരുന്ന്. പ്രധാന തിരുനാള്‍ ദിനമായ 21 ന് രാവിലെ ഏഴിന് വിശുദ്ധ കുര്‍ബാന. മൂന്നിന് കുട്ടികളെ തൂവല്‍ കൊണ്ട് എഴുത്തിനിരുത്ത്, 3.30ന് മത്തായി നാമധാരികളുടെ സംഗമം.
നാലിന് വിശുദ്ധ കുര്‍ബാന-മാര്‍ ജോസഫ് കല്ലറങ്ങാട്ട്. ആറിന് പ്രദക്ഷിണം. ഏഴിന് പാലാ കമ്യൂണിക്കേഷന്‍സിന്റെ ഗാനമേള. മത്തായി നാമധാരികളുടെ സംഗമത്തില്‍ പങ്കെടുക്കാന്‍ ആഗ്രഹിക്കുന്നവര്‍ 9447067779,6282156412 എന്നീ ഫോണ്‍ നമ്പരുകളില്‍ ബന്ധപ്പെടണമെന്ന് വികാരി ഫാ.ജോസഫ് ചെറുകരകുന്നേല്‍ അറിയിച്ചു
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments