പാലാ ടൗണ് കപ്പേളയില് പരിശുദ്ധ അമലോത്ഭവ മാതാവിന്റെ ജൂബിലി തിരുനാളിന് കൊടിയേറി...... ഇനി ഏഴുനാൾ പാലായ്ക്ക് ആഘോഷത്തിൻ്റെ പുണ്യദിനങ്ങൾ
ഏഴ്,എട്ട് തീയതികളിലാണ് പ്രധാന തിരുനാള്. അമലോത്ഭവ കപ്പേളയില് കത്തീഡ്രല് പള്ളി വികാരി ഫാ. ജോസ് കാക്കല്ലില് കൊടിയേറ്റു കര്മം നിര്വഹിച്ചു.
ഇനി ഏഴുനാള് പാലായ്ക്ക് ആഘോഷത്തിന്റെ പുണ്യദിനങ്ങളാണ്. നഗര വീഥികള് കൊടി തോരണങ്ങളാലും വര്ണ വിളക്കുകളാലും നിറഞ്ഞു.
ആറ് വരെ ദിവസവും പുലര്ച്ചെ 5.30നും വൈകുന്നേരം ആറിനും വിശുദ്ധ കുര്ബാന. ഏഴിന് രാവിലെ ആറിന് വിശുദ്ധ കുര്ബാന. 11ന് അമലോത്ഭവ മാതാവിന്റെ തിരുസ്വരൂപം പരസ്യവണക്കത്തിനായി പന്തലില് പ്രതിഷ്ഠിക്കും. വൈകുന്നേരം ആറിന് കത്തീഡ്രലില് നിന്നും ളാലം പുത്തന് പള്ളിയില് നിന്നും പ്രദക്ഷിണം കൊട്ടാരമറ്റം സാന്തോം കോംപ്ലക്സിലേക്ക എത്തും രാത്രി8.15ന് പ്രദക്ഷിണം കുരിശുപള്ളിയിലേക്ക് എത്തിച്ചേരും.
എട്ടിനാണ് പ്രധാന തിരുനാള്. രാവിലെ ആറിന് വിശുദ്ധ കുര്ബാന. എട്ടിന് മരിയന് റാലി 10ന് മാര് ജോസഫ് കല്ലറങ്ങാട്ട് വിശുദ്ധ കുര്ബാനയര്പ്പിച്ച് സന്ദേശം നല്കും.ഉച്ചകഴിഞ്ഞ് 2.30ന് ജൂബിലി ഘോഷയാത്ര, ബൈബിള് ടാബ്ലോ മത്സരം, ടൂ വീലര് ഫാന്സിഡ്രസ് മത്സരം,വൈകുന്നേരം അഞ്ചിന് പട്ടണ പ്രദക്ഷിണം. ഒമ്പതിന് രാവിലെ 11ന് മാതാവിന്റെ തിരുസ്വരൂപം തിരികെ പ്രതിഷ്ഠിക്കുന്നതോടെ തിരുനാളിന് സമാപനമാവും.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments