മുംബൈ നാസിക്കില് ഭിന്നശേഷിക്കാരിയായ 21കാരി ആത്മഹത്യ ചെയ്ത നിലയില്. കൈപ്പത്തിയില് ഒരു കുറിപ്പുമുണ്ട്. ഞായറാഴ്ച വൈകുന്നേരം ദീക്ഷ ത്രിഭു എന്ന 21 കാരിയെ വീട്ടിലെ സീലിങ് ഫാനില് തൂങ്ങി മരിച്ച നിലയിലാണ് കണ്ടെത്തിയത്. ഉടന് തന്നെ ആശുപത്രി യില് എത്തിച്ചെങ്കിലും മരണം സ്ഥിരീകരി ക്കുകയായിരുന്നു. പോസ്റ്റ്മോര്ട്ടം പരിശോധനയ്ക്കിടെയാണ് അവരുടെ കൈപ്പത്തിയിലെ സന്ദേശം കണ്ടെത്തിയത്.
‘ക്ഷമിക്കണം….അച്ഛനേയും അമ്മയെയും ഞാന് സ്നേഹിക്കുന്നു’ എന്നാണ് കൈപ്പത്തിയിലെ കുറിപ്പിലുള്ളത്. പെണ്കുട്ടി വളരെ ശാന്ത സ്വഭാവക്കാരിയാ ണെന്നാണ് കുടുംബാംഗങ്ങള് പറയുന്നത്. പഠിക്കുകയായിരുന്നുവെന്നും സ്വഭാവത്തില് അസ്വാഭാവികതയൊന്നുമു ണ്ടായിരുന്നില്ലെന്നും ദീക്ഷയുടെ കുടുംബം പറയുന്നു. ഭാവിയിലേയ്ക്കുള്ള ഞങ്ങളുടെ പ്രതീക്ഷയായിരുന്നു അവള് എന്നാണ് കുടുംബാംഗങ്ങള് പറഞ്ഞത്.
ഞായറാഴ്ച വൈകുന്നേരം 6.30 ഓടെയാണ് ആത്മഹത്യ ചെയ്ത നിലയില് കണ്ടെത്തിയത്. സംസാരിക്കാന് ബുദ്ധിമുട്ടുള്ള ദീക്ഷ ത്രിഭുവന് ഭിന്നശേഷിക്കാരിയാണ്. മരണത്തില് അന്വേഷണം നടക്കുകയാണെന്ന് പൊലീസ് വ്യക്തമാക്കി.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments