പെരുംതേനീച്ചയുടെ ആക്രമണത്തെ തുടർന്ന് വഴി തെറ്റി കാട്ടിൽ കുടുങ്ങിയ വിദ്യാർഥികളെ രക്ഷപ്പെടുത്തി

  

ഇടുക്കി ചിന്നക്കനാലിൽ പെരുംതേനീച്ചയുടെ ആക്രമണത്തെ തുടർന്ന് വഴി തെറ്റി കാട്ടിൽ കുടുങ്ങിയ വിദ്യാർഥികളെ രക്ഷപ്പെടുത്തി.   

നീലക്കുറിഞ്ഞി കാണാനെത്തിയ മൂന്നാർ കാറ്ററിംഗ് കോളജിലെ 20 അംഗ വിദ്യാർഥി സംഘത്തിലെ എട്ടുപേർക്കാണ് ഉച്ചയ്ക്ക് ഒന്നരയോടെ പെരും തേനീച്ചയുടെ കുത്തേറ്റത്. ആക്രമണത്തെ തുടർന്ന് പലവഴിക്ക് ചിതറിയോടിയ വിദ്യാർഥികൾ വഴിതെറ്റി വനത്തിനുള്ളിൽ അകപ്പെടുകയായിരുന്നു. 

 സംഭവമറിഞ്ഞ് സംഘത്തിലുണ്ടായിരുന്ന മറ്റ് വിദ്യാർഥികൾ വനംവകുപ്പിനെ വിവരമറിയിച്ചു. തുടർന്ന് വനംവകുപ്പ് ഉദ്യോഗസ്ഥർ നാല് സംഘങ്ങളായി തിരിഞ്ഞ് വനമേഖലയിൽ തിരച്ചിൽ നടത്തി. മൂന്നര മണിക്കൂറോളം നീണ്ട തിരച്ചിലിനൊടുവിൽ മുഴുവൻ വിദ്യാർഥികളെയും സുരക്ഷിതമായി പുറത്തെത്തിച്ചു.

 തേനീച്ചയുടെ കുത്തേറ്റ എട്ട് വിദ്യാർഥികളെയും സൂര്യനെല്ലിയിലെ ആശുപത്രിയിലെത്തിച്ച് പ്രാഥമിക ചികിത്സ നൽകി.  രക്ഷാപ്രവർത്തനത്തിനിടെ നാല് വനംവകുപ്പ് ജീവനക്കാർക്കും തേനീച്ചയുടെ കുത്തേറ്റു. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34