ബോളിവുഡ് താരം ടൈഗര്‍ ഷെറോഫിന് നേരെ മുംബൈയിലെ ജുഹുവില്‍ നടന്ന വെടിവെപ്പ് കേസില്‍ നിര്‍ണ്ണായക പുരോഗതി.
ആക്രമണത്തിന് ഉപയോഗിച്ചതെന്ന് സംശയിക്കുന്ന രണ്ട് പിസ്റ്റളുകള്‍ ഗുജറാത്തിലെ സൂറത്തില്‍ നിന്ന് മുംബൈ ക്രൈംബ്രാഞ്ച് കണ്ടെടുത്തു.
ഒക്ടോബര്‍ 18-നാണ് തടസ്സങ്ങള്‍ക്കടക്കം ചുക്കാന്‍ പിടിച്ചുള്ള അക്രമണം നടന്നത്. പ്രതികള്‍ ഒളിവില്‍ പോകുന്നതിനിടയില്‍ ആയുധങ്ങള്‍ സൂറത്തില്‍ ഒളിപ്പിച്ചു വെക്കുകയായിരുന്നു എന്നാണ് അന്വേഷണ സംഘത്തിന്റെ നിഗമനം. പിടിച്ചെടുത്ത ആയുധങ്ങള്‍ ശാസ്ത്രീയ പരിശോധനയ്ക്കായി അയക്കുമെന്ന് അധികൃതര്‍ വ്യക്തമാക്കി.
ആക്രമണവുമായി ബന്ധപ്പെട്ട് ഡല്‍ഹി പോലീസ് സ്‌പെഷ്യല്‍ സെല്‍ നാല് പേരെക്കൂടി അറസ്റ്റ് ചെയ്തിട്ടുണ്ട്. ഹരിയാന സോണിപത് സ്വദേശികളായ കുനാല്‍ (21), സുമിത് (19), ഉത്തര്‍പ്രദേശ് സ്വദേശികളായ രാധ (23), ബബിത (23) എന്നിവരാണ് പിടിയിലായത്.
അനില്‍ പണ്ഡിറ്റ് എന്നയാളുടെ നിര്‍ദ്ദേശപ്രകാരം ആയുധങ്ങള്‍ എത്തിച്ചു നല്‍കിയ സംഘത്തില്‍പ്പെട്ടവരാണ് ഇവരെന്നാണ് പോലീസ് സംശയിക്കുന്നത്.
ഇതിനുമുമ്പ് രാജസ്ഥാനിലെ കോട്ടയില്‍ നിന്ന് പിടിയിലായ സുക്ക, റിതിക് കുര്‍മി, ഫൂല്‍ സിംഗ് എന്നിവരെ മുംബൈയിലെത്തിച്ച് ചോദ്യം ചെയ്തുവരികയാണ്. പ്രതികളുടെ യാത്രാമാര്‍ഗ്ഗങ്ങളും സിസിടിവി ദൃശ്യങ്ങളും കേന്ദ്രീകരിച്ച് അന്വേഷണം കൂടുതല്‍ വ്യാപിപ്പിച്ചിരിക്കുകയാണ് പോലീസ്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpeg)
0 Comments