മുണ്ടക്കയം ചോറ്റിയിൽ ഒൻപതു പേർക്ക് പരുക്കേറ്റ വാഹനാപകടം ബോധപൂർവം ഉണ്ടാക്കിയതെന്ന് പൊലീസ് .....കാറോടിച്ചിരുന്ന ഷാരോണിനെതിരെ നരഹത്യാശ്രമത്തിന് കേസ്

മുണ്ടക്കയം ചോറ്റിയിൽ ഒൻപതു പേർക്ക് പരുക്കേറ്റ വാഹനാപകടം ബോധപൂർവം ഉണ്ടാക്കിയതെന്ന് പൊലീസ്  

കാറോടിച്ചിരുന്ന കൂട്ടിക്കൽ തേൻപുഴ സ്വദേശി ഷാരോണിനെതിരെ (27) മുണ്ടക്കയം പൊലീസ് നരഹത്യാശ്രമത്തിന് കേസെടുത്തു. താൻ ആത്മഹത്യയ്ക്ക് ശ്രമിച്ചതാണെന്നും കണ്ണടച്ച് വാഹനം ഓടിച്ചെന്നും ഷാരോൺ പൊലീസിനോട് പറഞ്ഞു.

അപകടത്തിൽ പരുക്കേറ്റവരുടെ പരാതിയിലാണ് ഷാരോണിനെതിരെ കേസെടുത്തത്. ഇന്നലെ രാവിലെ എട്ടുമണിയോടെയായിരുന്നു അപകടം. 

ഷാരോൺ ഓടിച്ച കാർ എതിരെ വന്ന കാറിൽ ഇടിച്ചു. 

പിന്നീട് മൂന്നു കാറുകളിലും സ്‌കൂട്ടറിലും ഓട്ടോറിക്ഷയിലും ഇടിച്ചു. അപകടത്തിൽ വഴിയാത്രക്കാരൻ ഉൾപ്പെടെ ഒൻപത് പേർക്ക് പരുക്കേറ്റു. ഇതിൽ നാലുപേരുടെ പരുക്ക് സാരമുള്ളതാണ്. 

പരുക്കേറ്റവരെ ആശുപ്രതിയിൽ പ്രവേശിപ്പിച്ചു. പരുക്കേറ്റ ഷാരോൺ കാഞ്ഞിരപ്പള്ളിയിലെ സ്വകാര്യ ആശുപത്രിയിൽ ചികിത്സയിലാണ്.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34