നിത്യസഹായമാതാവിന്റെ നൊവേന തിരുനാൾ വെള്ളിയാഴ്ച മുതൽ പാലാ ളാലം പഴയ പള്ളിയിൽ നടത്തുമെന്ന് ഭാരവാഹികൾ പാലായിൽ പത്ര സമ്മേളനത്തിൽ അറിയിച്ചു .... വീഡിയോ ഈ വാർത്തയോടൊപ്പം

നിത്യസഹായമാതാവിന്റെ നൊവേന തിരുനാൾ വെള്ളിയാഴ്ച മുതൽ പാലാ ളാലം പഴയ പള്ളിയിൽ നടത്തുമെന്ന് ഭാരവാഹികൾ പാലായിൽ പത്ര സമ്മേളനത്തിൽ അറിയിച്ചു .... 

പ്രസിദ്ധ തീർത്ഥാടന കേന്ദ്രമായ പാലാ ളാലം പഴയ പള്ളിയിൽ നിത്യസഹായമാതാവിന്റെ നൊവേന തിരുനാൾ നവംബർ 13 വെള്ളിയാഴ്ച മുതൽ 22 ഞായറാഴ്ച വരെ ഭക്തിനിർഭരമായി ആഘോഷിക്കും.

തിരുനാൾ ദിവസങ്ങളിൽ രാവിലെ 5.30, 7, 9.30 എന്നീ സമയങ്ങളിലും വൈകുന്നേരം 4.30, 6.30 എന്നീ സമയങ്ങളിലും ആഘോഷമായ വിശുദ്ധ കുർബാനയും നൊവേനയും ഉണ്ടായിരിക്കും. എല്ലാ ദിവസവും രാവിലെ 4.30ന് ദിവ്യകാരുണ്യ ആരാധനയും ജപമാലയും വൈകുന്നേരം 4ന് ആഘോഷമായ ജപമാലയും ഉണ്ടായിരിക്കും.

വീഡിയോ 👇👇👇

പ്രധാന തിരുനാൾ ദിനമായ നവംബർ 22 ഞായറാഴ്ച രാവിലെ 4.15 മുതൽ പരിശുദ്ധ ദൈവമാതാവിന്റെ തിരുസ്വരൂപത്തിങ്കൽ പൂച്ചെണ്ട് സമർപ്പിക്കുന്നതിനുള്ള അവസരമുണ്ടായിരിക്കും. അന്നേദിവസം രാവിലെ 5.30, 7, 9.30 എന്നീ സമയങ്ങളിൽ ആഘോഷമായ വിശുദ്ധ കുർബാനയും നൊവേനയും നടക്കും.

ഉച്ചകഴിഞ്ഞ് 3ന് വാദ്യമേളം, 3.45ന് പ്രസുദേന്തിവാഴ്ച, 4ന് ആഘോഷമായ തിരുനാൾ കുർബാന, തിരുനാൾ സന്ദേശം, തിരുനാൾ പ്രദക്ഷിണം, കൊടിയിറക്ക്, നൊവേന, പരിശുദ്ധ കുർബാനയുടെ ആശീർവാദം, സ്നേഹവിരുന്ന് എന്നിവയോടെ തിരുനാൾ ആഘോഷങ്ങൾക്ക് സമാപനമാകും.

പരിശുദ്ധ ദൈവമാതാവിന്റെ മാധ്യസ്ഥം വഴി ലഭിച്ച ദൈവാനുഗ്രഹങ്ങൾക്ക് കൃതജ്ഞതയർപ്പിച്ചുകൊണ്ട് മുത്തുക്കുടകൾ സമർപ്പിക്കുന്നതിനും തിരുനാൾ ദിവസങ്ങളിൽ അവസരമുണ്ടായിരിക്കും.

തിരുനാൾ തിരുക്കർമ്മങ്ങൾക്ക് ഇടവക വികാരി ഫാ. ജോസഫ് തടത്തിൽ, സഹവികാരിമാരായ ഫാ. ജോസഫ് ആലഞ്ചേരിൽ, ഫാ. പോൾ കുന്നുംപുറത്ത്, ഫാ. കുര്യാക്കോസ് കൂട്ടുങ്കൽ എന്നിവർ നേതൃത്വം നൽകും. പത്ര സമ്മേളനത്തിൽ വികാരി ഫാ. ജോസഫ് തടത്തിൽ, കൈക്കാരന്മാരായ  ജോമോൻ വേലിക്കകത്ത് , ടെൻസൻ വലിയ കാപ്പിൽ , കൺവീനർമാരായ ജോർജ് കുട്ടി ഞാവള്ളിൽ , രാജേഷ് പാറയിൽ , ലിജോ ആനിത്തോട്ടം എന്നിവർ പങ്കെടുത്തു .

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34