അരുണപുരം -ഊരശാല റോഡ് സഞ്ചാര യോഗ്യമാക്കണം ധര്‍ണ്ണ നടത്തി

അരുണപുരം -ഊരശാല റോഡ് സഞ്ചാര യോഗ്യമാക്കണം ധര്‍ണ്ണ നടത്തി 

 
പാലാ-പൂഞ്ഞാര്‍ ഹൈവേ മുതല്‍ വൈക്കം റോഡ് വരെയുള്ള ഊരശാല റോഡ് പൊട്ടിപൊളിഞ്ഞു സഞ്ചാര യോഗ്യമല്ലാതായിട്ട് വര്‍ഷങ്ങളായി.25 വര്‍ഷം മുമ്പാണ് ഈ റോഡ് ടാര്‍ ചെയ്തത്.റോഡ് അടിയന്തിരമായി ടാര്‍ ചെയ്ത് സഞ്ചാരയോഗ്യ മാക്കണമെന്ന് ആവശ്യപ്പെട്ടു അരുണപുരം വെസ്റ്റ് റെസിഡന്‍സ് അസ്സോസിയേഷന്റെ നേതൃത്വത്തില്‍ പാലാ മുനിസിപ്പല്‍ ഓഫീസിന് മുമ്പില്‍ ധര്‍ണ്ണ നടത്തി. 

പ്രസിഡന്റ് അഡ്വ സത്യരക്നകുമാറിന്റെ അധ്യക്ഷതയില്‍ നടന്ന ധര്‍ണ്ണ അഡ്വ എസ് ഹരി ഉദ്ഘാടനം ചെയ്തു. 

മാത്യു ജോസഫ് സ്വാഗതം ആശംസിച്ചു. രാധാകൃഷ്ണന്‍ വടക്കനാട്ട് , ശിവന്‍കുട്ടി നടുപ്പറമ്പില്‍,തോമസ്‌കുട്ടി ജോര്‍ജ്, തോമസ്‌കുട്ടി നേച്ചിക്കാട്ട് എന്നിവര്‍ പ്രസംഗിച്ചു. മാര്‍ച്ച്  5 ന് മുമ്പ് റോഡ് ടാര്‍ ചെയ്ത് സഞ്ചാര യോഗ്യമാക്കുമെന്ന് മുനിസിപ്പല്‍ ചെയര്‍മാന്‍ ഷാജു തുരുത്തന്‍ സമരക്കാര്‍ക്ക് ഉറപ്പുനല്‍കി.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായി 

വിളിക്കുക.

 70 12 23 03 34