എം.സി റോഡിലൂടെ അമിത വേഗതയിൽ കാറോടിച്ച്, നിരവധി വാഹനങ്ങളിൽ ഇടിച്ച് അപകടമുണ്ടാക്കിയ യുവാവും, യുവതിയും പിടിയിൽ

Yes Vartha Editor February 06, 2024

കോട്ടയത്ത് ചിങ്ങവനത്ത് ഉച്ചക്ക് ഒരു മണിയോടെയാണ് സംഭവം.

കായംകുളം വൃന്ദാവനം വീട്ടിൽ അരുൺ കുമാറിനെ (29) യും ഒപ്പമുണ്ടാരുന്ന 27കാരിയായ യുവതിയെയും ആണ് സംഭവവുമായി ബന്ധപ്പെട്ട് പോലീസ് പിടി കൂടിയത്. യുവാവ് ലഹരി ഉപയോഗിച്ചിരുന്നതായി പോലീസ് അറിയിച്ചു.

ഇവരുടെ വാഹനത്തിൽ നിന്നും അഞ്ച് ഗ്രാം കഞ്ചാവും, ആഭരണങ്ങളും പോലീസ് പിടിച്ചെടുത്തിട്ടുണ്ട്.കോട്ടയം മറിയപ്പള്ളി ഭാഗത്ത് നിന്നും അമിതവേഗത്തിൽ എത്തിയ കാർ, നിരവധി വാഹനങ്ങൾ ഇടുക്കുകയായിരുന്നു. തുടർന്ന് നാട്ടുകാർ വാഹനം തടയാൻ ശ്രമിച്ചെങ്കിലും വീണ്ടും നിർത്താതെ പോയി.

പിന്നീട് ചിങ്ങവനത്ത് വച്ച് പോലീസ് ക്രെയിൻ ഉപയോഗിച്ച് കാർ തടഞ്ഞ് നിർത്തുകയായിരുന്നു.ചിങ്ങവനം സി ഐ പ്രകാശ്, എസ് ഐ സജീർ എന്നിവരുടെ നേതൃത്വത്തിലുള്ള സംഘമാണ് ചിങ്ങവനത്ത് നിന്നും വണ്ടി തടഞ്ഞു ഇവരെ പിടികൂടുകയായിരുന്നു.

സംഭവത്തെ തുടർന്ന് എം.സി റോഡിൽ ഏറെ നേരം ഗതാഗതം തടസപ്പെട്ടു.