ശില്പശാലയും മോട്ടിവേഷൻ ക്ലാസും സെപ്റ്റംബർ 19 -ന്
ശാരീരിക മാനസിക വെല്ലുവിളി നേരിടുന്ന കുട്ടികളുടെ രക്ഷിതാക്കളുടെ സംഘടനയുടെ ( PAID)നേതൃത്വത്തിൽ ശില്പശാലയും മോട്ടിവേഷൻ ക്ലാസും സെപ്റ്റംബർ 19 -ന് രാവിലെ 10- മുതൽ ഏറ്റുമാനൂർ സാൻജോസ് ഓഡിറ്റോറിയത്തിൽ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
വനിതാ വിങ്ങിന്റെയും പെയ്ഡിൻ്റെയും (PAID) സഹകരണത്തോടുകൂടിയാണിത്.
ശാരീരിക മാനസിക വെല്ലുവിളി നേരിടുന്ന കുട്ടികളുടെ മാതാപിതാക്കൾ വളരെയധികം മനോവിഷമം അനുഭവിക്കുന്നു.
കുട്ടികൾക്ക് രോഗപ്രതിരോധശേഷി വളരെ കുറവായതിനാൽ എന്നും മരുന്നും ആശുപത്രിയുമായി കഴിയുകയാണ്. അമ്മമാർക്ക് ചെറിയ ജോലിക്ക് പോലും പോകാൻ സാധിക്കാത്ത സ്ഥിതിയാണ് ഉള്ളത്.അതുകൊണ്ട് സാമ്പത്തിക നിലയും മെച്ചമല്ല.
18 - വയസ്സ് കഴിഞ്ഞ കുട്ടികൾക്ക് യാതൊരു പരിഗണനയും ലഭിക്കുന്നില്ലെന്ന് ഭാരവാഹികൾ പറഞ്ഞു.സമ്മേളനം എയ്ഡ് സംസ്ഥാന ചെയർമാൻ ഫാദർ റോയി വടക്കേൽ ഉദ്ഘാടനം ചെയ്യും.
പെയ്ഡ് ജില്ലാ പ്രസിഡൻറ് മുരളി വേങ്ങത്ത് അധ്യക്ഷത വഹിക്കും.
സംസ്ഥാന പ്രസിഡൻ്റ് കെ. എം. ജോർജ് ,വനിതാ വിങ് സംസ്ഥാന പ്രസിഡൻറ് റിജി തുളസീധരൻ എന്നിവർ ക്ലാസ്സ് എടുക്കും.
മേഴ്സി എബ്രഹാം, ജെന്നി തോമസ്,സിസ്റ്റർ അനുപമ എന്നിവർ പ്രസംഗിക്കും.
11.15-ന് ഫാദർ റോയി കണ്ണഞ്ചിറ മോട്ടിവേഷൻ ക്ലാസ് എടുക്കും.
ടോമി ജോസഫ്,ടോണി വർഗീസ്,വി എൻ മനോജ് കുമാർ, എം സി അജിമോൾ, ടോണി ഫിലിപ്പ് തുടങ്ങിയവർ പങ്കെടുക്കും.
പത്രസമ്മേളനത്തിൽ മുരളി വേങ്ങത്ത്, മേഴ്സി എബ്രഹാം,ജെന്നി തോമസ്, സിസ്റ്റർ അനുപമ,ടോമി ജോസഫ് എന്നിവർ പങ്കെടുത്തു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments