നഗരസഭയുടെ 2020- 25കാലയളവിലെ മുഴുവൻ കൗൺസിൽ യോഗങ്ങളിലും കൃത്യമായി പങ്കെടുത്ത ഏക കൗൺസിലർ എന്ന ബഹുമതി അരുണാപുരം 22 -ാം വാർഡ് കൗൺസിലറും വികസന സ്റ്റാൻഡിംഗ് കമ്മിറ്റി ചെയർമാനുമായ സാവിയോ കാവുകാട്ടിന് ലഭിച്ചു.
നഗരസഭയിൽ ഇരുപത്തിയാറ് കൗൺസിലർമാരാണുളളത്. ഇതിൽ മുഴുവൻ കൗൺസിൽ യോഗങ്ങളിലും കൃത്യമായി പങ്കെടുത്തത് ഇദ്ദേഹം മാത്രമാണ്.ഇന്ന് നടന്ന നഗരസഭ കൗൺസിൽ യോഗത്തിൽ വച്ച് പ്രത്യേക ആദരവും പ്രശസ്തിപത്രവും ചെയർമാൻ തോമസ് പീറ്റർ നൽകുകയുണ്ടായി. ഈ കാലയളവിൽ നടന്ന 176 കൗൺസിൽ യോഗങ്ങളിൽ മുഴുവൻ കൃത്യമായി പങ്കെടുത്ത സാവിയോ കാവുകാട്ട് നഗരസഭയുടെ വികസന പ്രവർത്തനങ്ങളിൽ പ്രത്യേക പങ്ക് വഹിച്ചിട്ടുണ്ട്.
വാർഡിലെ മുഴുവൻ വർക്കുകളും കൃത്യമായി ചെയ്തു തീർക്കുകയും വാർഡിൽ കുടിവെള്ള പദ്ധതി, ഹെൽത്ത് സെൻറർ, സ്മാർട്ട് അംകണവാടി തുടങ്ങിയവ സ്ഥാപിക്കുകയും നഗരസഭയിൽ എ സി കോൺഫറൻസ് ഹാൾ നിർമ്മാണം, നഗര സൗന്ദര്യവൽക്കരണം, വർക്കിംഗ് വുമൻസ് ഹോസ്റ്റൽ പുനരാരംഭിക്കൽ ,ടൗൺ ബസ്റ്റാൻഡ് വെയിറ്റിംഗ് ഷെഡ് നവീകരണം, അടഞ്ഞുകിടന്നിരുന്ന കടമുറികളും കോംപ്ലക്സ് കളും ലേലം ചെയ്തു നൽകൽ തുടങ്ങി നഗരസഭയിലെ പ്രധാന പ്രവർത്തനങ്ങളിലെല്ലാം മുൻകൈ എടുത്ത് ഇദ്ദേഹം പ്രവർത്തിച്ചിട്ടുണ്ട്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments