വിദേശ ഫലവൃക്ഷ കർഷക സംഗമം നാളെ

വിദേശ ഫലവൃക്ഷ കർഷക സംഗമം നാളെ . (17.12.25 ബുധൻ) 

 

 നബാർഡിൻ്റെ സഹകരണത്തോടെ പാലാ സോഷ്യൽ വെൽഫെയർ സൊസൈറ്റി സംഘടിപ്പിക്കുന്ന റമ്പുട്ടാൻ, മാംഗോസ്റ്റിൻ, അവക്കാഡെ, ഡ്രാഗൺ ഫ്രൂട്ട് തുടങ്ങിയ വിദേശ ഫലവൃക്ഷ കർഷകരുടെ സംഗമം നാളെ നടക്കും. പാലാ അരുണാപുരം അൽഫോൻസിയൻ പാസ്റ്ററൽ ഇൻസ്റ്റിറ്റ്യൂട്ടിൽ     രാവിലെ ഒൻപതരയ്ക്ക് ആരംഭിക്കുന്ന  സമ്മേളനത്തിൻ്റെ ഉദ്ഘാടനം അഡ്വ. സെബാസ്റ്റ്യൻ കുളത്തുങ്കൽ എം.എൽ. എ നിർവ്വഹിക്കും. 

പാലാ സോഷ്യൽ വെൽഫെയർ സൊസൈറ്റി ഡയറക്ടർ ഫാ. തോമസ് കിഴക്കേൽ അദ്ധ്യക്ഷത വഹിക്കും. ജില്ലാ പ്രിൻസിപ്പൽ കൃഷി ഓഫീസർ ജോ ജോസ് സി മുഖ്യാതിഥിയായി പങ്കെടുക്കും. നബാർഡ് ഡപ്യൂട്ടി ജനറൽ മാനേജർ റെജി വർഗീസ് മുഖ്യ പ്രഭാഷണം നടത്തും. പി. എസ്.ഡബ്ലിയു.എസ് അസിസ്റ്റൻറ് ഡയറക്ടർമാരായ ഫാ. ജോസഫ് താഴത്തുവരിക്കയിൽ,  ഫാ. ഫ്രാൻസിസ് ഇടത്തിനാൽ, പ്രോജക്ട് ഓഫീസർമാരായ പി. വി. ജോർജ് പുരയിടത്തിൽ, ഷീബാ ബെന്നി  എന്നിവർ പ്രസംഗിക്കും .

വിദേശ ഫല വൃക്ഷങ്ങളുടെ ശാസത്രീയ കൃഷിയും പരിചരണ മാർഗ്ഗങ്ങളും സംബന്ധിച്ച് കൊല്ലം കൃഷി വിജ്ഞാന കേന്ദ്രം  അസി. പ്രൊഫസർ ഡോ. സരോജ് കുമാർ,

വിദേശ പഴ വർഗ്ഗങ്ങളുടെ മാർക്കറ്റിങ്ങ് സാധ്യതകളെ കുറിച്ച് തൊടുപുഴ ഫ്രൂട്ട് വാലി എഫ്.പി.ഒ  ജനറൽ മാനേജർ ബിനു ബേബി,

കേരളാ സ്റ്റാർട്ടപ് മിഷൻ്റെ അഗ്രിനെക്സ്റ്റ് പ്രോജക്ടിനെ കുറിച്ച് ടെക്നിക്കൽ ഓഫീസർ ശ്രീബാല അജിത്,  ലോകബാങ്ക് സഹായത്തോടെ എഫ്.പി. ഒ മേഖലയിൽ നടപ്പാക്കുന്ന കേര പ്രോജക്ടിനെ സംബന്ധിച്ച് കൃഷി വകുപ്പ് കേര പ്രോജക്ട് ഡപ്യൂട്ടി ഡയറക്ടർ സിന്ദു കെ മാത്യു  തുടങ്ങിയവർ ക്ലാസ്സെടുക്കും. 

ഉച്ചക്ക് ശേഷം റംബുട്ടാൻ മരത്തിന് വലയിടുന്നതിനുള്ള പ്രായോഗിക പരിശീലനവും ഉണ്ടായിരിക്കുന്നതാണ്. പേര് രജിസ്റ്റർ ചെയ്തിരിക്കുന്നവർ രാവിലെ ഒൻപതരയ്ക്ക് തന്നെ റിപ്പോർട്ടു ചെയ്യേണ്ടതാണ്.

പാലാ പ്രവിത്താനം പള്ളിയിൽ റെഡി👇👇👇

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34