കേരളത്തിലെ മെഡിക്കല് കോളജ് ഡോക്ടര്മാര് പ്രഖ്യാപിച്ച അനിശ്ചിതകാല ഒ പി ബഹിഷ്കരണ സമരം ഇന്ന് മുതല്. വിവിധ ആവശ്യങ്ങളില് സര്ക്കാര് നല്കിയ ഉറപ്പുകള് പാലിക്കാത്ത സാഹചര്യത്തിലാണ് സമരം കടുപ്പിക്കാന് മെഡിക്കല് കോളജ് ഡോക്ടര്മാരുടെ സംഘടനയായ കെജിഎംസിറ്റിഎയുടെ തീരുമാനം. ഇന്ന് മുതല് വീണ്ടും അനിശ്ചിതകാല അധ്യാപന ബഹിഷ്കരണവും അനിശ്ചിതകാല ഒ.പി ബഹിഷ്കരണവും ആരംഭിക്കും.
ആവശ്യ ആരോഗ്യ സേവനങ്ങളായ കാഷ്വാല്റ്റി, ലേബര് റൂം, ഐ.സി.യു, ഐ.പി. ചികിത്സ, മറ്റ് അടിയന്തര ചികിത്സകള്, അടിയന്തര ശസ്ത്രക്രിയകള്, പോസ്റ്റ്മോര്ട്ടം പരിശോധന എന്നിവയെ പ്രതിഷേധ പരിപാടികളില് നിന്നും ഒഴിവാക്കി. എല്ലാ മെഡിക്കല് കോളജുകളിലും ഇന്ന് പ്രതിഷേധ ധര്ണ്ണ സംഘടിപ്പിക്കും.
സമരത്തിന്റെ ഭാഗമായി ഫെബ്രുവരി 19 ന് സെക്രട്ടേറിയേറ്റിനു മുന്നില് സംഘടന ധര്ണ നടത്തും. രാവിലെ 10 മണി മുതല് ആണ് ധര്ണ്ണ. അന്നു മുതല് അനിശ്ചിതകാലത്തേക്ക് അടിയന്തരമല്ലാത്ത ശസ്ത്രക്രിയകളും നിര്ത്തും. ഫെബ്രുവരി 26 മുതല് എല്ലാ പരീക്ഷാ ജോലികളും ബഹിഷ്കരിക്കാനാണ് കെജിഎംസിറ്റിഎ ആഹ്വാനം ചെയ്തിരിക്കുന്നത
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments